逸亭餐廳 The Gazebo ~ 抵食得無話可說

剛過去的星期二, 媽媽又應邀來到灣仔Chartered House利景酒店的逸亭餐廳試菜
食完感覺係---抵.食.到.爆.燈!!!! 

保持神秘, 先唔講價錢, 我地四圍睇下有咩野食啦~~~ 

由餐廳門口轉入, 首先見到海南雞飯檔 (任點任裝) 同自選粉麵檔, 感覺幾都有風味!


粉麵檔有超多配料揀.... 後方仲有一些香煎小吃, 如蘿蔔糕、生煎包、煎餃、羊角椒等等~~


另一邊係媽媽最愛的雪糕檔、waffle機同pancake機, 正呀~~~~ 


雖無HD, 但有Dreyers都好開心呀, 尤其係Rocky Road我好鍾意食架~~~ 
 
醬汁同配料都好豐富, 又可以配甜筒食, 當然更正係配即焗的熱waffle / pancake食, 後面有示範!



西式的燒牛肉都有供應, 肉質仲唔錯添~~~ 事實上, 熱盤係依度的強項!!


來到中間的buffet主場, 先入眼簾係甜品檯, 好繽紛呀~~~


close-up~~~


其實最有驚喜係佢的豆花!! 係估唔到的細膩滑溜~~~


仲有沙律、壽司同刺身檯, 媽媽幫襯了好多沙律, 同行的老公就幫襯好多刺身同壽司!!


食物的選擇比預期多, 依D冷盤完全冇胃食呀.....
 
連芝士都有, 仲要質素唔差, 都食左一輪!!


海鮮款式都唔少呀! 後來出完蟹腳後, 又有龍蝦仔食, 都好豐富開心喎~~


更多的冷盤小吃, 我只夠位試左煙三文魚咋~~~


熱盤係依度的強項, 牛仔骨、燒三文魚、大海斑、羊架等, 好多都好美味, 一上檯即好快俾人清!!
 


其中, 中間依兜豬腳薑, 可以話係極品!! 好味呀~~~ 


當然少不了中西靚湯, 以及餐包任拎~~~



最後汽水、咖啡/茶都係自助任飲任添, 每位客人仲有一支青島金啤的quota添!



CEO有事要缺席 (FHY缺角... 有少少唔慣呢), 好在是晚有老公及劉總同行, 開始食野了!!

首先第一碟係老公的海鮮併盤, 好豐富~~~


劉總的第一碟



媽媽比較健康, 第一輪通常都係飲湯, 估唔到西式的野菌忌廉湯, 同中式的雪耳蘋果甘筍都好有水準喎!



第2輪都係食菜為主, 沙律新鮮又好味, 配上煙三文魚同芝士, 更加滋味又健康, good! 
老公拎了焗蠔同燒三文魚公諸同好, 其中燒三文魚夠肥美豐腴, 好好味呀!! 


真心覺得沙律好好味, 又去整多碟, 今次連同麵檔的煎點同吃, 原來好多款都熱辣辣, 幾香口的!



老公開始向熱盤進攻, 然後發現牛仔骨、羊架同豬腳薑都好有水準!! 


配上青島金啤更加一流!! 雖然我無乜點飲, 但一向覺得青島的金啤堅係正架~~ 


我拎的更多熱盤, 覺得燒牛肉好嫩, 燒三文魚+豬腳薑encore都好正, 另外燒雞都好食喎!
 
見到Pizza Corner有新鮮pizza出爐, 馬上又去拎了三件返黎分享!!




老公則去拎大海斑, 肉質好嫩, 難怪咁多人搶!!


又一齊試了海南雞飯, 估唔到隻雞好有質素, 味鮮肉滑, 正~~~ 


仲整多碗喇沙, 湯底香辣又濃惹, 正呀~~~


開始飽了, 係時間轉攻甜品~~~

忘了影老公同劉總拎來分享的甜品併盤, 算啦其實質素平平
不過Dreyers雪糕配上新鮮即焗的waffle同pancake, 再加上各類醬汁, 味道真係好超班!! 堅正~~ 


飯後食水果解滯~~~


最後拎了豆腐花, 超香又滑, 再飲埋杯熱檸水, 好滿足~~~~



好啦, 公佈價錢-----依度的dinner buffet只係$298, 各大信用卡仲有8折優惠, 即係折後只係$262!!!
餐廳星期一仲會做超低價七折優惠, 咁的價錢有咁多野食, 仲唔係抵食到爆燈!? 


 
最後, 多謝公關的邀請了~~~~

沒有留言:

發佈留言