跳至主要內容

復活節墾丁 + 高雄之旅 DAY 3

DAY 3的下午, 我地一家四口就要離開墾丁, 前往高雄啦~~~
   
 
墾丁間Resort咁正, 梗係要好好享受盡佢啦, 首先由Matthew仔做代表, 係咁怒食佢的早餐!! 

至鍾意早餐的恰蛋 (水煮蛋), 媽媽每朝都會袋多個走, 如果冇野o岩BB食就可以用得著佢! 



今次旅行帶了包裝的奶粉, 好方便沖, 撈其他cereals食亦會令味道更吸引, 亦俾大家一個參考!! 


 
Matthew好似知道要走, 不忘同佢的土著friend話別~~~~
   

Matthew肉緊地「你望實我, 記實我個樣呀! 我好可能會再返黎搵你架~~~」 



DAY 3的天氣都唔錯丫, 我地決定臨check-out前同Matthew仔游多次水~~~


以上2張相片拍於2/F的觀景露台, Matthew見到靚檯靚椅又想要爸爸媽媽影埋一份!


好啦, 同爸B又來一張合照啦~~ 其實佢地真係好似樣, 雖然都係Matthew靚仔D! 



Matthew馬騮仔又落水lu!! 馬上high爆~~~
  

爸爸同佢玩潑水, Matthew暫時仲未識得還擊, 不過假以時日, 嘿嘿~~~




被爸爸捉去深水區了~~~


好動豬仍然開心地卡卡笑~~~~

始終水溫比較低, 加上陽光都幾猛, 玩左十分鐘左右, 我地又轉去暖水按摩池啦~~~


嘗試來張一家三口 (妹妹又係影唔到.. 其實個肚真係幾巨了~~) 的合照, 不過Matthew仔唔合作喎!


媽媽同Matthew影, 都一樣唔太成功呀..............


好啦, 差不多係時間返房間沖洗, 然後收拾行李了~~ 玩累的Matthew仲趁機小睡了一陣添!
偌大又靚景的房間, byebye啦~~~

Check out完雖然未肚餓, 不過都決定先出去墾丁大街食野, 一陣下午再返Resort玩多陣再離開~~


今次大肚媽媽搭電動車, 爸爸就推住熟睡如豬的Matthew仔出去, 中途我影了佢地一張相! 


都影下我地Resort可以直通的小灣沙灘~~ 其實個view都唔差, 不過影相之時天暗呀!

 
日頭的墾丁大街冷清好多, 見依帶好多泰國餐廳, 好奇之下隨便去了一間試~~~


依間曼波泰式餐廳, 個環境好有風情, 不過味道就一般啦




用的水杯都靚過人~~~


好奇之下點了一杯泰式奶茶, 好甜好怪唔好飲的....


老公想試墾丁的蝦好耐了 (夜市有得賣), 不過我堅持街邊舖食唔過, 來到餐廳終於可點生蝦刺身啦!


我都輕輕試了一隻, 其實食唔到佢係咪新鮮, 因為調味真係好勁好辣呀!!!


在台灣好似冇乜機會食菜, 爭取機會點了馬拉盞炒通菜, 菜比較老, 而且炒得碎濕濕~~


仲有人氣推介的青咖哩雞, 睇色水都知唔對路, 都唔辣o既~~


又點了兩碗白飯 (後來加多一碗俾Matthew, 泰菜冇野o岩食所以撈恰蛋食), 係用銀兜上~~

今餐埋單NT$8XX, 唔貴但同泰國水準差好遠, 真係好掛住泰國呀~~ (不過真係唔o岩BB食)



之後返Resort, 探索埋從未到達的B2, 包括有壁球場, 同一個半荒廢的兒童機動樂園~~

燈都未開哂o既.... 雖然都夠Matthew仔好興奮了~~~







我地冇入錢去玩, 不過單憑機車原有的聲效, 已經夠Matthew仔好hyper了!!



仲有一條冇乜人行的商店街, 以及通往小灘沙灘的道路, 不過我地冇再去兜啦~~


上返去lobby同司機confirm埋時間先~~~


Matthew仔又乘機搵佢個friend叙下舊, 風花月雪下咁~~~ 
  

直到後來俾另一個鬼妹吸引住.....



想追人丫!!!!!


我地架車3點先到, 仲有時又去了Children playroom玩多次先!!


可愛的B模~~~ 
  

好動豬至至至至至至like sir梯梯!!!!



司機黎啦, 係時間上車~~ 我地臨走先記得換埋杯welcome drink ar! 
約2小時的車程後, 我地抵達高雄了~~~ 多得DAY 2的的士司機阿旺介紹, 今程平左千幾銀呀 


 
然而o係連續幾日搽完防曬又無洗乾淨臉臉的情況下, Matthew仔開始皮膚敏感... 好紅! 

好彩媽媽帶了一件全天然而且有機的潔臉皂 (比起平時的沖涼液冇咁多泡, 令BB客易接受而且冇咁易醃眼), 當晚我地馬上幫Matthew仔細潔臉了!
   

Anyway, 抵達高雄住宿的85大樓的金典酒店, 個view真係好正呀~~~
  

我地住61/F, 都見到好多全市景色+旗津港風光, 好正!!


至於更多的酒店照片已upload於住宿篇介紹, 依度唔重複, 大家有興趣再返睇啦!


訓的又係KING size大床, 爸爸好鬼嘆囉~~~~

 

最搞笑係Matthew仔都唔執輸~~~~  
    

除了靚view, 金典另一個驚喜係mini bar可以免費享用! 雖然裡面只得可樂同支裝水, 都好丫~~



另外酒店都有每日鮮果提供, 當中仲包括媽媽好掛住的奇異果!!
(按: 每日食一個維他命C特高的奇異果, 已經成為媽媽陀Matthew同妹妹時的習慣了)



之不過, Matthew好睇唔過眼媽媽切開橙橙喎..............

其實Matthew仔係扭緊眼訓啦... 見差不多6點, 決定帶佢出去兜下, 推住車好快就訓著了~~


雖然金典酒店好靚, 不過樓下就好殘舊, 好有大陸feel呢.....

由隔兩條街影返85大樓~~~ 之後先知原來DAY 3已經係好好天了!
 

行了兩條街, 已經見到頗為繁華的夜市了~~~



揀了一間伯伯當值的李家傳餡餅, 即叫即製相當唔錯喎~~~




依款係羊肉餡餅, 好食而且唔會好油, NT$25真係食得過!! 


老公好想食湯包, 又去了一間較為多人的小店, 不過出品只係OK啦!



依個時間Matthew仍然熟睡... 黎張close-up俾大家睇下佢的皮膚敏感, 真係好慘呀~~~  



繼續行, 買了超平的芋頭餅, NT$10咋, 味道仲要唔差!



之不過高雄的飲品好有問題.. 我地幫襯的第一間傻瓜冰茶, 點了綠茶鮮奶好鬼稀囉!!

幫襯左佢, 我地覺得自己真係幾傻瓜~~~~ 


於是再見到茶之魔手, 我地又去幫襯啦~~~


點知依杯少甜的石榴奶茶甜到爆炸!!!  搞到我仲叫左大杯添, 依2杯野真係好唔掂....


雖然附近仲有好多夜市小攤, 不過食得多好悶了, 於是去了依間麻辣燙小火鍋~~


點了一份鴛鴦鍋 (NT$180), 一邊係老公至愛的麻辣鍋, 另一邊則是養生鍋~~


 
火鍋原本已包一份肉類 (牛/豬), 海鮮, 雜菜及薯粉 (好好食喎)~~
當晚竟然有人新黎唔識世界, o係媽媽未影相之前已淥左一舊牛肉, 豈有此理! 



又加點了鴨血糕同凍豆腐, 前者見到都唔開胃, 留哂俾老公, 加上麻辣鍋本身有豬紅, 飽C佢! 


雖然火鍋本身已有菜, 不過好想食多蔬菜, 又加碼點了大陸妹 (菜名) 同金針菇~~


一鍋之後好鍾意台灣的丸類, 又點了海膽丸同特濃芝心丸, 兩款都好正呢!



Matthew仲訓著, 而且睡姿超誘人.. 不過爸媽實在太飽了 (D冬粉好好味但超飽肚呢!), 係時間叫醒佢



依份烏冬就係Matthew的主食~~ 另外仲有火鍋送的一碗白飯, 為食豬都飽哂!


食到8點幾, 我地就提早折返酒店休息了~~ 又見到樓下Julian's朱力安小舖, 好似好正喎!

D甜品非常精緻誘人!! 媽媽忍唔住了~~~


其實真係幾飽下, 只買了兩件返去試, 估唔到店員會獨立包裝, 整到好鬼靚!!! 

而且, 佢件Green tea opera超超超超好味!!! 



平日大家成日睇媽媽形容, 其實都唔係好傳神, 不如大家睇下Matthew的表情? 
  



仲係未夠清楚? 爸爸拍埋video, 可見件餅好味到Matthew要用力合眼去細味架! 笑C媽媽 

(不過片中的媽媽4眼look比較樣衰... 唔好見怪~~~~~)  
 

仲有另一件Mont blanc都好好味, 雖然反應就無綠茶個件咁勁~~



雖然高雄唔好玩, 不過依個view同依間酒店真係好開心囉~~~ 



   
聽日再繼續~~~~

** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。