跳至主要內容

川善茶居 Sinmei Teahouse ~ 綠色魅力

The French Window午餐後, 原本是到Chicco揀新車, 但原來中環店週末不開門做生意.. (竟然!!)
於是又決定轉兜到上環, 到一間心底千呼萬喚了不知幾多篇的小店---川善茶居, 嘆下午茶了~~



不過媽媽低估了小店的魅力, 雖是舊區的樓上店, 但來到也要排4-5轉.....



連最初乖乖訓著的Matthew, 去到半路也醒了, 並且好似知道有得食綠茶好開心呢~~


等待的過程中, 唯有先睇下餐牌有咩好食啦~~ Matthew仔揀得好認真架 


好在中途都有人放棄, 約半小時後, 我地終於有得坐啦, 而且個位同個view都好正呢! 


茶室的設計可謂中西交融, 環境就如香港一樣, 相當富有特色; 除了這個中式風情的玄關設計, 爸爸還發現我們就坐的酸枝長椅背後, 還有一座古箏, 真夠特別!!


大概等得比較耐, Matthew仔初時都炆炆地, 無乜心機只顧著玩電話....


  
然而當食物上檯後, 為食豬就發癲啦~~~~ 

這款Yo Yo ($25), 賣相實在太吸引, 一上檯拍完照就被Matthew搶左, 一去無回頭!!!

其實件餅的外層位頗實架, BB唔夠力咬開; 但為食豬都有過牆梯, 就係用匙羹筆出香濃甜美的綠茶夾心來吃~~ 媽媽都係好唔容易, 先咬到少部份來試味, 更為此俾為食豬仇視左幾野添呀 


算啦, 我地轉攻另一款新出品----焙茶蛋糕 ($29)
新鮮焗起的蛋糕質感鬆軟, 微帶濕潤兼有清幽茶香, 好正喎~~~ 



不過淨食蛋糕都幾乾下, 好在兩款飲品此時亦抵達啦!

我點了熱飲的Matcha Soul ($32), 成品算不上口味甘濃, 卻勝在清幽動人, 加上蜜糖、麥芽、桂花等點綴, 更加是口味微甜而豐富多變, 媽媽非常鍾愛, 連老公亦大讚呢! 
 
老公點了凍飲的Matcha Snow White ($42), 成品有著豐盈的綠色泡沫, 又係超吸引!

 
它是由綠茶加上雲尼拿雪糕, 整個組合無得輸, 但講味道同層次都係Matcha Soul豐富D! 


除了蛋糕及特飲, 今次到訪的最重要目標就是綠茶味的心太軟 ($68), 成品好靚啊~~ 


微脆挺身的外層切開, 中間的綠色熔漿爆發, 正啊~~ 要讚心太軟本身已經做到外脆內軟、質感濕潤, 淨食已經好美味, 加上清甜不膩的綠茶熔漿, 實在係太美味了, 唔加雪糕都已好好食! 

不過是日雲尼拿雪糕唔夠, 店方改上Dreyer's Mocha Almond Fudge, 雖然都好味, 但冇咁夾啦


老闆Sinmei認出媽媽來, 又好好人的加送一件 Green Tea Loaf Cake ($29), 真是客氣! 但依件signature蛋糕真係好正, 綠茶味突出, Matthew仔又鍾意到癩喇~~~ 

到底佢有幾好食? 媽媽唔多講, 相信大家睇下為食豬仔的反應, 就會完全明白~~~ 



超滿足的一個下午, 比買到新車更加開心, 如果下次再同Matthew經開依頭, 都會帶佢上去回味呀 

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。