跳至主要內容

Jolly Kingdom ~ 近近地的PG好選擇

講起來都慚愧, 由年頭得知大肚以來, 對於教導Matthew方面媽媽懶左好多丫.... 

一來今胎比上胎累好多, 而Matthew又越大越好動, 走黎走去坐唔定, 捉佢聽書唔易架, 加上試食繁忙, 好多時一星期同Matthew溫2-3次Oxford Path咋! 另外, 如再出去上Rockababy, 媽媽又嫌好遠好累了.... 卒之懶到農曆年去完日本返黎, 在機緣巧合之下報了Jolly Kingdom~~


相比其他同類機構, Jolly Kingdom 歷史悠久, 2007年已經被《壹週刊》和L3.com選為香港十大教育中心之一, 亦係現時全港最大Phonics中心, 質素有一定保證~ 同埋對大肚媽媽黎講, 最緊要係元朗有分校, 由屋企推車過去大約15分鐘, 來回半粒鐘就搞掂, 好方便! 
  
 
依度上堂模式大致係warm up game、唱歌、睇flash card、唱歌(連跳舞)、做手工、學letter、學數學、final games同埋goodbye song, 仲記得第一次試堂Matthew已經好開心, 一來外藉的導師好靚仔 (哈哈, 依個point應該媽媽比較開心! ), 而且當日的小手工、同埋同學仔都好o岩Matthew呀~~


第一次小手工係整花環, 兩母子合力完成的作品超靚, Matthew仔戴到唔捨得除呀! 



同學仔好friendly又熱情, 亦令上堂之間更加開心呀~~~ 


是日有matching games又係令媽媽好欣賞, 非常有效引起BB的興趣, 而基本上每次color matching都會o係課堂度出現, 相信Matthew好快就會學識哂D colors了~~ 



每次去到最後都有game time, 自然係貪玩Matthew非常期待的時刻啦!!



首日上完堂後, 媽媽下午約了朋友出街, 一直到較夜先返....
老公就whatsapp Matthew豬的趣怪樣俾我「老婆, Matthew好鍾意個花環呀~~」  

  


第2次上堂有更多的小朋友, 氣氛更加熱鬧, 大家又係一齊玩遊戲、做手工, 好開心!!



大家輪流排隊逐個餵青蛙, 慢慢Matthew都學識了要等待同守紀律~~
   
依次上堂後有bubble time, 所有小朋友都好開心呀~~~~ 


咪睇Matthew好似好鎮靜... 下一張已經開心到癲左, 唔知走左去邊啦~~~ 


大概上完兩堂Matthew有D記憶, 第3-4堂見到佢好大進步, 開始越來越明白導師同媽媽的指令 (亦可能因為BB唔止係聽, 仲會觀察埋其他小朋友的動靜然後模仿), 如玩完玩具識得tidy up!
  
當時剛過完Easter, 導師flash card教小朋友chick, egg等, 然後又會做返相應的小手工, 等BB加深記憶, very good!


其實俾BB製作的小手工可以好簡單, 已經好有心思了~~~


之後又玩埋唔同顏色、形狀的egg matching, 依個係Matthew的強項, 好快搞掂!  


又有每次唔同的letter, 可能之前的努力有功啦, Matthew仔對於letter同生字比其他小朋友叻叻架~~


依次發大達, 課後有大波波玩, 好多小朋友特別係男仔都興奮到癲!!!



又有bubble time啦!! 見到Matthew咁鍾意, 媽媽都買左支返到屋苑樓下吹呀~~~



來到第4堂, 先發覺導師細心安排了每次flash card都有少量重複, 令BB回憶起之前所學, 幾好喎! 

小手工做了bunny head, 媽媽好鍾意架 (因為Matthew係兔寶寶), 不過佢的接受度今次麻麻 咋


再玩egg matching, 有了之前經歷Matthew仔超快完成, 可見practice make perfect!


相比之前參加的其他PG, 依度都算著重數學的, 每次都有加數環節~~

媽媽唔expect Matthew會咁快學識加數, 不過及早接觸都係好事, 因為書講BB o係文字上理解了數字同加減概念係第一步基礎, 以後佢先會易學習運算架! 



今次媽媽一次報了3個月的PG, 希望之後第2-3個月會見到更大的進步啦!!

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。