跳至主要內容

重慶探親之旅Day 1

今次返重慶於我主要係探望外婆, 比上次食+玩少左好多, 但對老公同Matthew始終都係個新奇體驗, 都會花少少時間去寫返旅記! 不過, 衰人老公在執行季時竟然執漏了相機叉電, 今次得好少相! 





出發當日媽媽仲要返半日工, 收工時返到元朗仲超級大雨.... 



被困於樓下的awakening中, 算啦, 好好嘆個late lunch, 慶祝假期開始~~


好味的牛扒, 仲可以補充到鐵質, very good!! 平日價只係$50咋, 超抵食呢~~ 

之後返屋企再執埋少少野, 都差不多係時間出發去機場啦! 我地今次係國泰網上book港龍的機票, 出發當晚係搭傍晚6:30pm的機, 希望爭取到最多的時間留o係重慶~~



不過有隻豬仔好明顯訓唔夠醒來, 去到機場一度超激動呢!!! 個樣好搞笑囉~~ 

過了一陣開始情緒平伏, 好似知道又有得去旅行了~~ btw, 今次推新車去旅行真係輕巧方便好多呢 


仲未夠2歲的Matthew, 仍然未擁有自己的座位 (但我情願咁, 因為平好多呀, haha)... 不過好好彩去回程架機都唔滿, 起飛後都可以俾佢自己坐一個位, 咁樣寬落舒服好多好多!!


出發去時差不多係傍晚時分, 可以o係機上欣賞日落美景呢~~~ 



其實飛重慶都幾耐架... 6:30pm出發的班機, 抵達重慶都要差不多8pm, 航程差不多兩小時, 比上次飛高雄耐半粒鐘! 好在我地準備充足, 帶備了Matthew最愛的i-Pad同行~~


之不過i-Pad治到Matthew一時, 治唔到佢一世... 隔了冇耐, 好動豬開始坐唔定, 開始要爬高爬低去搞人地個mon了.... 唉, 媽媽真係冇眼睇囉~~~~ 


到重慶後搞埋入境手續, 離開機場大概係9:00pm~~ 婆婆同親人一早抵達迎接我地, 之後首先車我地去酒店! 講起酒店, 原本媽媽在網上揀好Somerset, 不過婆婆抵達後check過話地點較遠唔方便返祖屋, 結果自己揸主意改book天成大酒店.. 咁依間的確好方便o既, 而且都OK企理, 不過竟然係雙人床唔係大床, 有一晚Matthew就碌了落床! 


放低埋行季已經接近十點, 不過親戚都熱情地招待我地食了餐宵夜火鍋~~



其實我咁夜食唔到咩啦, 就連太婆都比我擦得... 唯有派老公出賽, 而佢的表現實在令人驚喜!! 



點了鴛鴦火鍋, 我都係咁耳幫襯了唔辣的養生鍋, 食了D菇菌類~~~ 老公當然主攻麻辣鍋!! 

調味方面, 地道的重慶火鍋主要以麻油為底, 另外再加其他seasoning... 好似好油, 但真係好味架

食火鍋的好拍檔----啤酒!!!



我第一晚仲未知冇帶叉電, 並冇忍手影, 不過食材實在太多, 最後只影到6-7成咋~~

依款係老公大讚的黑柏葉 (x2), 比起香港漂過的牛柏葉爽脆好味得多, 有人勁食半碟!!


黃喉、筍件.....

鳥龍麵 (烏冬)、腐皮.....


肥牛、午餐肉.....


依個好似係豬肝~~ 睇到都唔敢食~~~


黃鱔~~~


豬紅、藕片、薯仔... 另外仲有大量食材冇影~~~


既可直接吃, 又可以打邊爐的酥炸肉~~ 老公都幾鍾意的!


婆婆久別Matthew, 初時覺得好開心, 不過唔駛一陣就發覺好累了~~~ 



好在Matthew好快搵到新目標, 就係差不多4個月的表弟軒軒~~~



軒軒都OK like依個表哥喎, 第一次見面已經笑笑~~~


Matthew仔超肉緊呢!!!!


過了一陣Matthew又去玩椰菜, OMG, 人地仲要食架......

又將南瓜當係積木... 頂佢唔順~~ (按: 今次返去就住祖屋的婆婆已上樓換埋衫)


之後我地都有上祖屋留了一陣, Matthew仔非常鍾意軒軒張床仔!!!



其實大家都累了... 留到11點幾, 又要麻煩叔叔幫手車我地落酒店, 梳洗訓覺, 第一晚就此結束! 

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。