早排實在太忙啦, 食記仲係清到去4/22咋, 今晚寫篇早前同食友自己開餐, 事前充滿期待的一餐
被譽為全紐約市的最佳薄餅的Motorino, 俾身邊食友講到超新星咁, 當然引起為食之士的垂涎
其實早在4/12, 媽媽已經相約一班食友去拜訪, 不過新店太火爆, 我地未能在限定時間內做到人數過8成的要求, 眼白白就將店內好有限的吉檯拱手相讓...
好在改去食另一間pizza店Gigi都好味~
依一次我地特別約冇咁多人的星期一, 加上大家都提早收工, 又跑又盛, 終於拎到張8人大檯啦!!
辛苦達成任務, Thomas又開心啤一啤, 不過依度無Gigi的HH買一送一, 其他人都冇點了~~~
再講多少少, 雖然來自NY, Motorino主打的卻是拿坡里薄餅, 店內這個柴火烤爐亦係特色icon之一!
被譽為全紐約市的最佳薄餅的Motorino, 俾身邊食友講到超新星咁, 當然引起為食之士的垂涎
其實早在4/12, 媽媽已經相約一班食友去拜訪, 不過新店太火爆, 我地未能在限定時間內做到人數過8成的要求, 眼白白就將店內好有限的吉檯拱手相讓...
好在改去食另一間pizza店Gigi都好味~依一次我地特別約冇咁多人的星期一, 加上大家都提早收工, 又跑又盛, 終於拎到張8人大檯啦!!
辛苦達成任務, Thomas又開心啤一啤, 不過依度無Gigi的HH買一送一, 其他人都冇點了~~~
再講多少少, 雖然來自NY, Motorino主打的卻是拿坡里薄餅, 店內這個柴火烤爐亦係特色icon之一!
據講店內食物取材都好嚴謹, 水牛芝士、橄欖油、火腿等皆是由意大利直接進口, 令人期望更高了!
好肚餓啦, 都係時間開餐~~ 大概我地點得太少酒水啦, 菲/尼藉的侍者態度麻麻, 係咁話我地落得唔夠柯打, 但事實係8個人分2個前菜, 4個pizza, 同2個甜品, 真係飽喎!
首先係Meatballs braised in tomato ($98), 一上檯已聞到好香的蕃茄香, 事實上肉丸的造型都有D似蕃茄呢! 肉丸質感軟滑, 同清新的蕃茄醬好夾好襯, 係個滿意的前菜
然後有Octopus and Potato Salad ($128), 八爪魚幾新鮮, 調味辣辣地都幾醒胃, 但講滋味上一款會吸引D~~
即叩即焗關係, 之後經過一陣等待, 四款pizza都上檯了~~
首先係推介的Brussels Sprout ($148), 好少pizza會用上菜, 感覺較為清新健康, 但另一邊廂的煙火腿就好咸, 超咸! 我情願佢口味平均D~~ 另外pizza用了fior di latte, 一款近似水牛芝士口感, 但由牛奶製的較平芝士, 襯以較燶的批邊, 其實我真係唔太欣賞囉!
第2款Soppressata Piccante ($138) 亦係推介, 由fior di latte加上蓄茄醬做底, 配料方面則有辣味辣肉腸及香草, 較似平日食開的口味, 但我會嫌冇迷人橄欖油香 (依度Ppizza好少油... 所以咁燶?
)
CEO不嬲都點推介, 第三款Margherita ($118) 亦唔例外, 今次pizza終於用返水牛芝士, 加上蕃茄醬及香草, 可惜係冇左橄欖油香同埋太燶, 否則就係最classic的意式口味喇~~~
因侍者話我地一定唔夠食, CEO被逼加點一個非推介的Colatura Di Alici ($158), 馬上出事!
其實佢內容的水牛芝士、清甜車厘茄以、鯷魚以及適量辣椒調味, 加起來淨食感覺清新又醒胃, 但夾落pizza搞到件餅又濕又凍, 再要加上燶邊 (哎!! 其實我真係好介意食熡野
), 好麻麻...
以佢的名氣同難拎位度, 食完真係頗為失望, 講真樓下Gigi又或早前試的Assaggio都好好多!
去到甜品, 全店只得兩款照掃啦, 首先試Tiramisu ($68) 唔夠濕潤無厘酒香, 又係樓下好D~~
Torta Al Cioccolato ($68) 相對較好, 雖然朱古力味都唔係好純, 同埋餅底實到痴根, 叉唔開個種...
整體來講都係失望架啦, 唯一驚喜係價錢, 點得好少酒水關係每位$135咋!
同埋當晚見到CEO上報紙, 覺得好威好犀利囉~~~
其實同媽媽上次一樣 (見舊blog), 都係經濟日報的飲食版, 遲D會有劉總添!
有興趣可以睇CEO blog: http://herbertlui.blogspot.hk/2013/04/blogger.html
其實每人吞下半個pizza都幾飽滯, 不過甜胃好似未滿足, 事後又拉大隊想去食HD買二送二~~~
失策係去到IFC商場先發覺HD裝修緊... 於是又改去i-Scream, 都好, 選擇夠多而且仲有位坐!
失策係去到IFC商場先發覺HD裝修緊... 於是又改去i-Scream, 都好, 選擇夠多而且仲有位坐!
有七個人之多, 我地決定點8球雪糕一齊分享 ($208), 口味包括有: 焦糖、野莓乳酪、紅豆、忌廉曲奇、冧酒提子、伯爵茶、荔枝、朱古力, 大多數都相當唔錯, 比起上半場的pizza滿足好多!
大家一齊開餐總係好開心! 而下次再聚應該係期待已久的譚魚頭, 好心急呢~~~~
留言
發佈留言