跳至主要內容

重慶探親之旅Day 3 (未完...)

前言: 唔知點解依篇整極都會冇左一截相同文, 真係冇yahoo計...  唯有改貼去day 4啦, 請見諒!

重慶同深圳有點似, 搭的士唔係咁易... Day 2得叔叔揸車可以載的人數有限, 但來到Day 3, 佢地索性包租了整架旅遊van, 我地可以一行十數人, 連埋婆婆一齊出去玩啦!! 





記載出去玩的片段前, 先寫下我地的街頭早餐~~ 由於媽媽需要補鈣, 每朝在酒店buffet飲完豆漿, 都例必出去買多杯yogurt食, 打好了底, 然後再同老公出去雜食!! 



依間廖記棒棒雞好似深圳都有分店, 老公買了它的香辣鵝翅, 覺得超好味!!!



由酒店步行出去約3分鐘, 就可轉入一條小巷, 個度的蔥油餅亦好香好味呢~~ 



不過最正都係依間胖妹麵莊, 據旅遊書介紹係重慶小麵第5強 (重慶叫擔擔麵為小麵), 好巴閉架!

媽媽最鍾意依D街頭風味的小麵, 真係好味到暈, 而且只賣5元碗, 太太太好食又抵食啦!! 

據老公講, 肥腸麵亦係正爆~~~~ 食完佢好想即時點多碗, 不過我唔想佢食過量 (已經勁痾啦...) 話不如翌日再黎食, 可惜去到星期日小店關門了!! 


之後出發去電影1942的拍攝場地, 車程頗遠差不多一小時, 途中太婆暈車浪嘔了... 好可憐~~~ 

不過風景真的幾靚的, 成條街都好有民國初期的風味~~~





爸爸同Matthew仔在中央公園前合照~~~

太婆以及幾位仔女~~~ 不過之後佢就一直o係石椅度休息, 冇乜再行啦~~~


與之相反, Matthew仔就一D都坐唔定......


非常之想上演prison break!!!


一落車, 好動豬立即追狗狗~~~~



都好, 又有婆婆睇住, 我可以同老公好輕鬆好relax咁逛啦~~~ 

黎張合照先~~~ 


沿路風景~~~





見到一間好似幾吸引的台式飲品bar, 去了買珍珠奶茶飲~~~

小店佈置都幾有feel架~~~


而且佢稱聲使用來自阿里山出產的靚茶, 係咪真唔知道, 不過出品係幾好飲的!


去到充滿古城風味的石級路 (我好細時真係住過依D地方!!), 又同老公來張合照~~

自拍~~~


繼續行~~~~


o係另一條石級上發現了Matthew仔......


婆婆話依隻野超好動喎!! 見到有石級係咁要爬要盛, 睇住佢超累超辛苦咁話!! 


見到我地有野飲, 好動豬又化身為食豬, 要黎分甘同味~~~ 後來飲唔夠喉仲要喊!!


珍奶飲多左唔好架, 我地另外買左D脆夾唔太甜的餅餅俾Matthew食~~

好好味咁喎~~~~



另外一D街頭小食, 由於重慶天氣清清涼涼, 真係好好胃口架~~~



之後婆婆同姨婆仲興起, 去租了套旗袍來影相呢!!! 

哈哈, 兩姐妹咁樣影又真係幾有feel~~~


好一對姐妹花~~~ 同我與玉仔相反, 佢地係妹妹高又瘦D架~~~ 


各自抱住自己最愛的孫仔來張合照~~~


不過兩位小主角唔係好交戲喎~~~~


加埋舅公一齊影~~~


仲有舅婆、媽媽、姨媽、姨叔公, 同表姨一齊來張大合照!! 如果有埋太婆就完美了~~


之後又開車去另一個龍興古鎮, 抵達後已經一點, 大家都餓了先吃午餐~~ 去了一間睇落好平實的小店, 我連門口相都無影, 但食物卻係預期之外的精彩, 相當之得呢!!



一來先吃了四碗豆花, 四川/重慶的豆花唔同香港的豆腐花, 質感較粗, 而且係拌辣醬送飯吃的~~~


超愛青椒皮蛋, 好好味呀~~~ 後方的紅燒肉亦好正!


是日主角係水煮魚, 超大的一兜上檯, 辣椒亦多得嚇人, 不過店方會幫手清走大部分辣椒方便客人食的~~ 水煮魚肉質超嫩, 香辣又入口, 老公食到完全停唔到口呢~~~ 


另外仲有超多小菜, 圖中的家常豆腐、干煸四季豆只係其中少部分, 但都係為了慳電冇影了~~~



Matthew仔的食糧又係蕃茄雞蛋湯, 加上淨豆花, 佢都好鍾意食呢~~~

食飽飽又力, 除了太婆留在公園休息, 其他人一齊去逛古鎮了~~~


Matthew仔繼續由婆婆照顧, 我同老公又可以輕鬆逛~~ 不過婆婆似乎低估了天氣, 竟然冇俾Matthew著褸, 搞到有D凍親呢.....


又合照~~~


古鎮風光~~~




覺得Matthew有D凍, 好在表弟可以share一件毛巾俾BB取暖~~~


好奇咩都拍拍拍~~~~


見到石獅子, 非但唔驚, 仲要「roar」添, 真係趣緻!!! 


好多老人家在門外打麻將呢~~~~


曬大米的舖頭~~~


又見到豆花小舖~~ 其實除了小麵, 重慶人可以食一碗豆花, 加辣醬撈一碗白飯, 就即一頓簡單午餐!



老公真係為食到出汁, 又去買了雪條食~~~ (在重慶第4定5條了??)



見到有街檔, 仲去買了饅頭, 仲要好驚奇「一蚊有兩個, 超平呀!!!」

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。