於是之後數日影得超忍手, 不過其實之後幾日天氣都麻麻, 加上重慶本來就長期煙霧 (太多建築!), 都無心機影啦~~
Day 2的上午, 去祖屋玩了一陣, 之後就去重慶最有名的朝天門廣場~~~ 依個廣場可以睇到較清的嘉陵江, 及與較黃的長江交匯點, 而由重慶開始往後下游一帶如武漢, 就冇左嘉陵江喇~~
(按: 是日天暗有雨, 想睇較清的景色可按引用睇媽媽3年前的舊blog
)
帶老公同Matthew睇景用了都唔知有無一分鐘, 之後兩父子就o係遼闊的廣場奔跑追逐啦~~~
講真自從再度懷孕後, 媽媽可以同Matthew玩的時間少左好多.. 見佢地咁開心, 媽媽都好安慰!!
Matthew特別鍾意中間圓形蓋, 上去又落去左N多次, 幾乎唔肯走丫............
直到見人放風箏, 好奇豬又八卦「卜」過去睇啦~~~
等Matthew仔大D, 爸媽一定會帶你教你放風箏!!!
之後見到人地小朋友有個colorful的喜羊羊氣球, 衰豬又霸住唔放, 唔肯還!! 最後強行拉走....
是日中午去了日月光商場的小濱樓食精品川菜~~
小濱樓主打懷舊風, 店內一切佈置都好有心思, 如果唔係怕冇電我一定怒影呀!!!
餐廳有BB椅, 相當之方便, 是日為食豬都食到好盡興, 兼夾成地都係飯!!!
我覺得好夠酸的酸梅汁, 超like, 但表妹話中間加了山楂, 孕婦唔可以多飲....
前菜兩味, 先係豆乾, 味道幾豐富的~~~
紅油鴨肉, 唔係好辣的, 反而帶點鮮味~~~
婆婆超like的涼拌麻醬茄子, 都唔錯的~~~
宮保雞丁~~~
小炒回鍋肉~~~
其實當日主角係依兜毛血旺, 老公飲到超辣超爽呢!!!!
都要了個青菜來中和一下~~~
大家或者都會好奇, 四川菜咁辣, 邊可以o岩BB食? 好在個邊好興蕃茄雞蛋湯, 當日亦點了一份, 俾D蕃茄同雞蛋Matthew撈白飯食, 已經好味又營養豐富啦~~~~
其實相比小菜, 我更加鍾意重慶的小吃同麵點, 所以表妹一口氣又點了四碗擔擔麵 (有肉醬/無肉醬各二)!! 成品精緻, 味道亦好過香港/深圳店多多聲, 但論風味卻不及街頭的小店呢~~
紅油抄手亦係我的至愛, 是日也點了一份, 我獨力包辦兩隻!!
仲有過橋抄手, 今次用的係牛肉餡做的抄手, 吃時再點以辣油, 都唔錯~~
又點了兩籠小籠包, 依味就去上海食正好多啦~~~
最後甜點有南瓜酥, 都唔錯呢~~~
仲有我係湯圓怪, 最後仲食了酒釀湯圓, 以及擂沙湯圓各一, 好滿足好飽丫!!
食飽飽, 又出發去磁器口帶老公開下眼界~~~
依一帶甚有古城風味, 好吸引呢~~~
不過其實去到內街, 就會變得非常商業化, 感覺好唔同的~~~
入去逛逛啦~~~
成條街都係賣紀念品、手信等, 今次無乜點影, 只影了一個得意的雕像~~~
雖然好飽, 但事事新奇的老公乜都想食想試, 首先食了陳麻花~~ (真係幾麻的)
雖然天氣陰陰涼涼, 又忍唔住去買了涼粉來吃~~~
後方就係重慶的「佐料」~~ 咁豐富, 所以出品的味道比香港/深圳店贏十條街架!!
有人出力去打糍粑~~~~ 我幾年前試過, 真係唔係易的!!!
又買了件甜糍粑來吃, 熱熱暖暖的唔錯架~~~
仲買了酸梅湯同龍酥糖, 不過後者非常唔好食呢.....
有無覺得我地行得好輕鬆? 冇錯, 因為Matthew仔訓左呢, 有老人家幫手推住車, 我同老公真係覺得超relax!!! 而今趟除了食食食, 都有實質的收穫, 就係Matthew仔同妹妹的字畫~~~
師傅好犀利, 一個簡單的郭字俾佢拆解到好似一坐城咁, 令人非常佩服呢!!
以下就係Matthew仔同妹妹的字畫了, 大家睇唔睇得明呢? (其實妹妹個名只係暫定咋... 不過寫左好似又更firm想用了~~
)
我地玩到4點左右, 就折返祖屋啦, 始終今次唔係黎玩, 都想抽多D時間陪太婆呢~~~
好動豬一醒來, 又爬上表弟的床仔玩啦, 仲戴埋人地頂帽添, 真係頂佢唔順呀!
晚餐係由舅父同阿姨炮製的川味家常宴, 其實水準唔比出街食差, 我同老公食到lam lam脷!!
就係咁, 旅程第2日又過去了~~~ 預告一下, 翌日會有個相對較長的long trip呢!
留言
發佈留言