上星期的端午假, 一家四口臨時興起前往油塘大本型玩, 渡過了非常開心的一天!! 
當日完全是零planning, 起身後肚餓了也只是煮起早前的剩餘物資 (多得早前週末的cooking class同secret ingredients!) 當午餐! 講起上黎, 可以學以致用都幾有成就感呀~~~
飯後, 一句「不如帶Matthew去油塘玩」, 又令一家幾口急急起行; 其實原來由元朗去油塘都唔駛一粒鐘, 時間OK喎! 途中豬仔訓得好稔, 到埗後先帶佢食少少野填肚~~
依間85度C Bakery and Cafe, 既有超多款新鮮出爐靚包, 又有飲品同位坐, 唔錯呢~~
買了三款包+兩杯飲品, 覺得麵包全部幾好食, 但飲品就同台灣差得遠啦, 我的珍奶完全唔得!
當日完全是零planning, 起身後肚餓了也只是煮起早前的剩餘物資 (多得早前週末的cooking class同secret ingredients!) 當午餐! 講起上黎, 可以學以致用都幾有成就感呀~~~
飯後, 一句「不如帶Matthew去油塘玩」, 又令一家幾口急急起行; 其實原來由元朗去油塘都唔駛一粒鐘, 時間OK喎! 途中豬仔訓得好稔, 到埗後先帶佢食少少野填肚~~
依間85度C Bakery and Cafe, 既有超多款新鮮出爐靚包, 又有飲品同位坐, 唔錯呢~~
買了三款包+兩杯飲品, 覺得麵包全部幾好食, 但飲品就同台灣差得遠啦, 我的珍奶完全唔得!
老公的岩鹽綠茶就叫做有D特色~~
講起上黎, 剛訓醒的豬仔唔知點解突然傷感.....
好在, 為食豬一有野食又開心返哂!!!
好味丫~~~~~
心情平伏左, 又食到飽飽, 係時間出發去Play Academy啦! 我地遠道而來, 都係為佢咋~~
依度有D似早前去神戶 / 高雄旅行時帶Matthew去玩的收費playgroud, 假日收費$100全日 (連一位大人), 都算合理, 不過香港店人真係特別多!! 如果BB太細我都唔建議帶去玩~~
另外一提無論大人或小朋友進場都一定要著襪, 當日大頭蝦的爸爸都要落街買過對呢!
講真媽媽都好想同Matthew一齊去玩呀! 不過依家腹大便便真係冇咁o既體力啦, 所以都係由爸爸代勞~~ 當日真係好辛苦爸B, 因為同好動豬玩超累架, 佢仲要邊玩邊睇住BB, 仲邊影相!
以下全部都係爸爸的大機相~~~~
當日叉爆電又食飽飽的好動Matthew豬, 真係超級開心囉~~~~
「捐隆捐罅, 精力無限, o個個係我!!!!」
又會玩到lam lam脷咁cute o既!?!?
其實個場都算多野玩, 不過真係幾多小朋友... 大人真係要小心睇實佢地避免碰撞呀~~~
當時仲未滿20個月的人仔, 已經心雄雄要爬繩網... 辛苦哂要睇住佢, 然後又要自己過的爸B!
「又越過高山又越過谷~~~~~」
之後sir滑梯來到Matthew最愛的波波池!!!!
有人幾乎被波波淹過頭呢................
不過仍然超級興奮, 無比開心high到震喎!!!!
由波波池出黎, 又有人超速駕駛啦...........
正當差人準備抄牌之際, 疑犯又以超音速嘗試逃脫!!!!
不過最後都被繩之以法.... 雖然都只係坐左一分鐘咁多~~~~
玩左成粒鐘, 好動豬都好累啦.... 反正都係全日pass, 我地決定帶佢出去抖一抖, 轉頭再返黎玩~~
媽媽決定去做下靜態野, 就係帶Matthew行下書局~~ 不過好動豬都搵到興奮point呢!
又來Matthew duck表情~!!
除了鴨鴨, Matthew都好鍾意好鍾意貓貓呢~~~
之後又去85度買更多的好味甜點/麵包, 前者夜晚返去同家人分享, 後者就翌日當早餐~~
仲去逛左一陣超市添, 不過好多人冇買野~~ anyway, 真心覺得大本型都幾好行的!
最後其實同層的J-plus都仲有另一個較小的樂園, 又係可以俾BB開心遊玩!!
J-plus留返下次啦, 我地梗係盡用pass, 臨走前去玩多次!! 本來想今次媽媽帶Matthew入場, 但, 我腳抽筋呀!! 好痛好痛, 唯有又係辛苦爸B啦~~~ (按: 我2次大肚中後期都成日腳抽筋....
)
再玩多個大半個鐘後, 好動豬同爸爸都無哂電啦... 一家四口都係時間回程了, 可以想像, 回程的路上Matthew豬梗係爆訓啦... 訓到返到天水圍爺爺嫲嫲屋企, 都仲係懞豬豬樣呢~~ 
好耐冇post 99的大作啦, 佢真係好犀利, 又煮出九大簋來, 超級豐富呢~~~
放假同BB出去玩真係好開心, 寫時都好期待快D又到weekend呢~~~
留言
發佈留言