再訪MoMo Cafe ~ 食物篇

早前吃過MoMo Cafe的tea buffet後, 一直念念不忘想再訪晚市, 剛好又得知有超抵內部認購, 結果CEY靚太靚媽三人組就每人認購了2張, 帶同老公+BB一同去擦餐勁了!! 


是晚總共六大兩小, 就是就坐中間的這張大方檯, 吃得十分舒適, 兩隻豬仔更係超開心! 
而由於Yahoo blog現有字數限制, 今篇只能先講食物, 下篇再寫豬仔了~~


又係睇下有咩食先, 不過講明先, 媽媽覺得比起上次有少少失望~~


繼糖水三款, 桂花糕、芒果布甸 (原來堅好味!)、及不同的生果~~ 依part同tea buffet係一樣的!


兩大個甜品櫃, 但其實真係有得拎的款式唔特別多, 唔知點解我仍住上次tea仲正~~



真係有得睇又有得食的甜品檯, 首先係朱古力棉花糖、朱古力慕絲 (Matthew好愛! 食到香蕉眼~~)、香蕉蛋糕、朱古力蛋糕等... 好失望係冇上次試過超水準的栗子蛋糕囉! 


仲有creme brulee, 依個Matthew都好鍾意, 但媽媽覺得早前媽媽節試的Eric Kayser出品正好多喎!


賣相靚靚, 但我唔鍾意的士多啤梨mousse cake、Tiramisu, 以及朱古力戚風蛋糕~~ 最好係最後一款!


仲有朱古力脆脆, 以及士多啤梨mousse杯~~ 我好掛住上次食過, 今次無見的brownie呢!!


好在另一邊仲有唔錯的麵包布甸, 即叫即整pancake, 以及不斷焗製的souffle同心太軟~~ 後者好正! 


來到雪糕環節, 本身好興奮, 但點解雪糕來貨會由HD降到變成牛記?!?! 晴天霹靂啊.... 


甜品講完, 另一邊的冷盤同麵包區, 當日媽媽在buffet正式開始前, 已幫為食豬特別「唉」了包包來食!


下午的三文活區變成了cold cuts區, 當中有款parma ham的質素超得呢!! 仲有芝士~~


自助沙律區, 又係孕媽媽必定幫襯的~~~


Tea buffet只得簡單壽司卷, 晚市就有好多不同款海鮮, 老公開心C啦!! 聽完講座我都放心食了唔少 



另一個老公勁攻的就係刺生同壽司區, 單係依款刺生飯, 佢都食左兩大兜呀!!!


我反而專向綠色檯攻, 雖然依個即叫即製粉麵檔tea buffet都有, 但蔬菜款式無咁豐富呢~~~


其他配料都豐富左~~~~ 不過我都將澱粉質quota留了俾超美味pasta, 依度主要食菜就好!!


除了西湯一款, 夜晚仲有燉湯出爐~~ 都唔錯架!



熱食區比下午茶豐富, 當然仍然不足與Cafe TOOCafe @ Hyatt Regency相比啦~~~


冇試焗牛膝同焗生蠔 (聽老公同友人講唔錯架), 只試了茄子千層麵好食架~~~


香煎比目魚同吉士雞~~~


BBQ ribs、燒西冷都唔錯呢!!

仲有燒豬手同腸仔併盤添~~ 以及我冇影到的蒸海斑~~~



更多的熱食區~~~


加了膶腸關係, 炒飯好香口好食又唔太油, 是晚冇帶粥仔, 媽媽將之撈蕃茄蛋俾Matthew食了兩兜!


食肉獸的話要來grill station了, Grill中要數燒墨魚最好味呢~~~


即焗Pizza以及印度風味Corner, 估唔到佢的咖哩好有水準, 好香好好味呢~~~





最後不可錯過超好味的pasta station, 飽極都要食上一大碟!!!


一早拎了麵包俾Matthew, 一開波再拎了芝士俾佢拌食, 然後再拎多碟生果俾佢玩!



老公第一碟, 刺生飯好味! parma ham質素更係驚艷!!  如果蜜瓜再完熟甜美D, 就完美啦~~~~
 
繼生果後, 我的第一碟都係食菜為主~~ 希望吸收多D維他命, 同時保持腸道健康呀!
 
老公已忍不住向海鮮進攻啦! 琵琶蝦、鮑魚、蟹腳同大蜆, 我都有試鮑魚, 唔錯喎~~~


更多的刺身及以cold cut~~~


再encore多一兜刺生飯~~~~


其實我唔太怕食生冷野, 不過既然buffet有燉湯咁正, 繼普普通通的西湯後, 梗係拎兜返黎滋補下!
 
味道清清地都唔錯架~~~



老公的熱盤, 當中BBQ ribs, 燒西冷同燒豬手都好味喎~~~ 蒸海斑雖然鮮嫩, 但有腥呢!


我真係好健康, 大啖食肉前忍住食埋依兜菜先~~ 因為去到懷孕中後期, 我好怕去唔到廁所呢!!
 

之後再開動~~ i like cheesy pizza & 咖哩配上naan!! 好味道~~~~




老公拎多隻琵琶蝦, 以及爆膏蟹蓋返黎共享, 圖中肉眼可見的膏只係整體1/4左右咋, 超漏超過份!!



大概食得太急, 今次好快就飽.... 最後一定要整返兜pasta, 今次又食Carbonara, 雖然賣相冇上tea buffet好, 但味道仍然係咁一流, al dente兼香濃creamy好好食!! 


&nbs

沒有留言:

發佈留言