跳至主要內容

甜魔家新寵物 ~ hamster Chloe!!

大家養過倉鼠嗎? 如有,應該知道對牠們吃東西時鼓起兩腮的樣子不感陌生;最近,甜魔家中就出現了一隻疑似倉鼠的物體,牠(她)的名字叫Chloe!! XD


事緣這幾天比較凍 (大家要注意保暖,別冷著啊~~),老人家給Chloe妹妹換上了較厚的冬衣,特別可愛,一回到家裡眼前一亮呢! 馬上拿起久違了的相機拍照~~


第一張有點懞
不知其他媽媽是不是這樣? 甜魔媽媽生產完頭幾個星期,甚至頭一個月都會很緊張BB,他/她一哭就馬上飛撲過去;然而慢慢摸熟了BB的脾性,知道他/她並沒大礙,只是扭計/扭抱時,就會放慢腳步,遲一些再去理會他/她,甚至轉而欣賞他/她的哭態了!!

Chloe: 媽媽好衰架,我喊都唔抱我,仲要影我!!!
Chloe: 衰婆真係唔理我....
Chloe: 睇黎喊都無用,不如我轉食雞脾好了~~
Chloe: 今晚的雞脾寧舍入味,好好食喎!!
Chloe: 各位哥哥姐姐、叔叔姨姨,您地要唔要試下呀?
其實BB沒有大問題 (很肚餓/很眼瞓/很濕/很大poo/太熱太凍),一般自己喊一會後就會收聲,當然,再隔一陣很可能又會再喊過,這晚Chloe妹妹就是這樣~~
 
Chloe: 媽媽仲係未抱我,又喊過!!!
(終於抱起妹妹)
Chloe: .... (開始冷靜下來)
Chloe: 哼,卒之捨得抱我喇??
媽媽: 妹呀妹,妳個頭非常似日本武士呢!!

Chloe: 日本武士? 有無我咁cute呀?
爸爸搭咀: 妳個頭似毛主席多D!!!!
真的,爸爸經常說Chloe妹妹的髮型似毛主席,還叫媽媽製作Chloe妹妹與毛主席的合成照,好過份呢! 雖然,睇真D兩者真的有些共同點...!!!!


之不過,Chloe妹妹最似的,其實應該還是倉鼠才對,特別是掃風時的樣子,似不似??

I'm a little hamster, short and fat~~~
這張更加搞笑啊!!! =P
最大大爆的一張!!! XDDDDDDDD
真開心來到happy friday,之後又有兩天可以好好全天對住小兄妹了! 也祝大家有個愉快weekend~~~

  
** 想收到兩小兄妹的最新消息,可以like一下Matthew and Chloe fanpage哦~~
 

留言

  1. 日本武士果兩張反為覺得Chloe靚女喎.
    其實會唔會剃走毛澤東頭, 會生得多d?

    回覆刪除
    回覆
    1. 唔知呢, 不過冬天快黎, 都係由佢留o係度保暖呀~~

      刪除
  2. 哈哈... 爸爸咁都聯想到... 妹妹得意好多啦!!!

    回覆刪除
  3. 媽媽對女兒的動靜已經很了解,讚!
    忘記告訴妳,看完妳早兩日講泵奶嗰篇,嗰晚夢見妳哋,不過已經對個夢無咩印象,只記得同妳餵人奶有關,嘻嘻!

    回覆刪除
    回覆
    1. 因為第2胎, 特別有經驗呢~~
      嘩, 真係日有所思, 夜有所夢呀!! :p

      刪除
  4. 似毛主席髮型, WAKAKA!! 但又幾似WOR.

    回覆刪除
  5. 過咗個半月啫妹妹真係唔同晒樣

    回覆刪除
    回覆
    1. 係架, 初生BB真係大+變得好快, 所以一定要密密影相~~

      刪除
  6. 好快就唔似嫁啦,過多半個月d頭髮應該又再多d

    回覆刪除
    回覆
    1. 唔知呢, 其實Chloe多左好多頭髮啦, 不過好似都集中o係兩邊.... 主席!!!!!

      刪除

發佈留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。