跳至主要內容

啟明BB ~ 回憶初生Matthew

下圖的啟明BB係咪眼仔碌碌好得意呢? 甜魔媽媽其實已經前後探望了他三次啦,今晚一次過記錄這三次的變化啦!!


首訪是於2/16 (日),雖然啟明BB算是大隻仔 (比Chloe妹妹出世輕但比Matthew仔更重),但當時只有19日大,仍然非常細粒,好袖珍好得意呢!! =) 


Matthew仔見到咁細的BB,又是非常感興趣,想伸手去拍拍啟明,但轉個頭又想起要扮monster 「roar」 (在家裡他間中也愛「roar」妹妹!!!),真是淘氣非常!!



Matthew monster roaring.... 啟明BB喊啦!!!
講起這隻Matthew monster,除了好動又很為食,抵達前很狼死的吃了兩件三文治,但抵達後又非常不客氣地吃了人家半盒餅 (因為是非常好吃的Jules Destrooper餅乾... 為食豬太識食了!!),哎呀呀....



咦,小主角啟明吃飽奶奶出來了,皺眉的樣子好搞笑啊!!! 而且,不知為何令甜魔媽媽想起了初生Matthew的樣子,可能因為大家都是大眼大鼻的可愛B仔!




送上三張從未在blog上爆光的Matthew初生照 (day 10,比上圖的啟明小一些),他們有像嗎??




Matthew仔對弟弟都頗好奇的,可能是想「點解你咁似我細個時o既樣o既??」 


還想抱抱啟明!!!
Chloe妹妹也上一上鏡,其實剛出世後頭半年BB的變化真的很大呢,重看她初生時的照片,真是兩個模樣了~~~


來到2/25,甜魔媽媽又去了探快將滿月的啟明,果然樣子又有點不同:沒那麼皺,眼睛也張得更大,間中還懂得望鏡頭,是個醒目的叻仔;有時又會似初生Matthew喜歡o都咀呢!




而來到上週六 (3/8),甜魔一家又上去看了啟明,這時他差不多個半月大,更加精靈可愛;加上有爸爸的靚機在手,可以拍更多精彩的照片了~~~





說真的,大家覺得啟明是不是有點似初生Matthew? 只希望他長大後,要有Matthew的精叻醒目,但就不要那麼淘氣搗蛋,別讓Annie媽媽太辛苦啊~~~ 說起Matthew仔,果然又是吃貨,去到人家裡又是吃吃吃.....
 

又爬上人家BB床開心的玩.... 這是怎麼樣的一種情意結呢?? 還有一點挺搞笑,Matthew對住啟明BB,好幾次的忍不住叫「妹妹!」,是想起初生的Chloe嗎? 但是樣子不似啊~~~



說起Chloe,也來貼兩張妹妹的照片,她真的越大越可愛了,而且最奇妙的是在似哥哥的同時 (這是媽媽的看法,覺得Chloe似哥哥多於似媽媽!),又實在非常的女孩子!



當日也在啟明家裡吃奶米糊,也貼上一張大頭的吃相,明顯要比Matthew哥哥斯文好多好多啊!!



初生BB總是大得非常快,下次再來看啟明,不知又會是怎麼樣了?? 反正住得不遠,以後可以多與小兄妹一起玩啊~~~ =)
  
** 想收到兩小兄妹的最新消息,可以like一下Matthew and Chloe fanpage哦~~

留言

  1. BB女, 眉清目秀, 我估多會是易教易揍的BB.

    回覆刪除
    回覆
    1. 好丫, 如果阿妹都似matthew咁馬騮我真係頂唔順了~~~~

      刪除
  2. Haha我睇fb張相已為係啓明BB添原來係matthew仔細個張相

    回覆刪除
    回覆
    1. haha, 話哂人地個仔, 唔好拎去貼o係小兄妹的專頁o既~~ :p

      刪除
  3. 真係有D似,特別係"眼神"
    我估對Matthew嚟講,妹妹=初生BB :)

    回覆刪除
    回覆
    1. 所以好想成日去睇啟明, 可以重溫一下matthew的小時候呀~~

      初生bb = 妹妹都可能係真, 遲D又有兩位朋友要生了, 到時又帶Matthew去睇「妹妹」啦! :D

      刪除
  4. 啟明眼大大好靚仔喎
    我估Matthew食量大過我

    回覆刪除
    回覆
    1. 真係好大眼, 比初生Matthew仲大眼, 不過都幾大鼻呀

      Matthew食量肯定大過妳啦, 肚腩仔都係!!!

      刪除
  5. 大眼大鼻真係好似matthew仔呀!
    妹妹好圓好肥美好girly. 天然呆都可愛過人!

    回覆刪除
    回覆
    1. 我好鍾意大眼大鼻的matthew同啟明 (其實田鼠b都係呢), 但都好鍾意圓美又女仔的Chloe妹妹呀!! ^3^

      刪除
  6. 有d似啦!
    一仔好似Matthew 一半咁为食就好啦!
    好彩妹妹食得斯文,依样唔似哥哥!

    回覆刪除
    回覆
    1. matthew為食, 不過都揀飲擇食, 所以好唔哂架~~

      妹妹唔似哥哥食得斯文----> 依樣媽媽超開心呀!!! ^O^

      刪除

發佈留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。