更多澳門精華片段 : KAFKA + 行政酒廊 + Sexy豬仔照 (Yahoo copy版)

今次的2日1夜澳門之旅行程真係好豐富, 影的靚相亦實在太多, 所以要分3篇出呀!!  


琴晚提到豐富的Bene意大利晚餐後, 我地仲有一場甜品宵夜下場, 原來就係年頭FHY曾經到訪, 甜品水準奇高的卡夫卡KAFKA (上回食記可見舊blog), 超開心呀~~~ 
 


小店真係好紅好爆, 唔係多得公關好細心留起四款甜品, 平時夜晚到訪應該一款起、兩款止了! 
 

 
佢的甜品全是超水準之作, Mont Blanc 白朗峰, 新鮮的栗蓉份外香滑潤澤, 香甜滋味配上幼滑細膩的忌廉奶油, 以及微脆的蛋白餅, 感覺非常美妙~~~ 
 


Tsujiri 都路里有著冰凍又甘濃的輕薄微脆的抹茶外層, 茶香突出, 中間的抹茶慕絲部分也柔滑帶甘, 再襯以細軟柔美的奶酩及香甜紅豆, 整個組合既清新又甜美, 層次感出眾, 好好味! 


Taj Mahal 泰姬陵選用了來自印度西孟加邦的大吉嶺紅茶, 襯以香甜的焦糖, 口味香甜又柔滑, 加上外層的朱古力碎口感更豐富了; 再加上動人的愛情故事為背景, 更加令人心醉~~ 
  

The Scent of Burgundy 勃根地滋味以黑加侖子醬外層, 配以中間的青蘋果餡芯, 微酸口味特別清新, 在飽餐後品嚐如有清泉! 

公關又點了一份Honey toast給大家分享, 其實真的很飽呢, 不過由於成品太好吃, 不知不覺又給清光了..........!! 



除了吃甜品及吐司, 是晚也品嚐了三款法國Mariage Freres的名茶, 當中媽媽最喜歡The A L'Opera 歌劇, 綠茶薰以法國南部的草莓、紅菸、紅櫻桃等水果香, 口味十分清新動人!! 
 


還有Bolero 波麗露富有地中海的清新水果香氣, 也相當不錯的; 還有一款Wedding Imperial 皇家結婚曲, 有著較濃的椰香及焦糖甜味, 會適合喜歡濃郁口味的茶迷!


  老公及文迪還加點了伯爵奶茶, 成品精美不得了, 一試之下也實在香馥迷人之極! 



店主還給我們品嚐了新出的蘋果酥, 極清脆的酥皮層次豐富, 甜品又適中, 自然是佳品!! 


搞笑是Matthew今晚除了吃甜品, 也要學我們品茶.... 相信與那茶杯太吸引也有關!! 





雖然有點out focus, 也貼一張Matthew與公關哥哥的合照~~ Matthew好鍾意人地架, 每次告別都會依依不捨say byebye, 仲兩度鍚了哥哥呢!! 
 


除了卡夫卡KAFKA, 另一個媽媽想介紹的是Sheraton Club Lounge 喜來登行政酒廊, 它共可容納274人, 為喜來登行政俱樂部的賓客**提供免費自助早餐 (7:00-10:30)、全天小食、黃昏雞尾酒會(17:30-19:30), 及各種飲料選擇 (18:00-21:00); 另外又可免費提供辦公用品及Wifi上網等服務, 好正架!  
(** 按: 凡入住俱樂部範圍內的570間客房/套餐, 又或另付數百元的升級費, 即可享用行政酒廊)
 


Day 1睇完夢工場動畫明星巡遊後, 天暗有雨未游得水住, 我地就去了tea一tea~~



當時未夠17:30的雞尾酒會, 但都有各款咖啡、茶、果汁、糖果及三文治小吃~~
 


後來收到CEO同文迪的whatsapp, 見到雞尾酒會有香檳、macarons及更多甜點, 好吸引呢! 不過當時一家四口去了開心玩水, 未能參興其中啦~~~
 

 
但依個行政酒廊翌日幫了媽媽超大忙, 因為Day 2我地預約10點的體驗夢工場動畫明星早餐, 但BB等唔到咁遲先食早餐, 所以在爸爸訓懶覺**的同時, 媽媽就帶Matthew去打左底先~~ 
 
(**點解老公會訓到咁晏? 因為Sheraton的Gym係24小時架, 食得太飽的佢跑到半夜2點先訓!! )    

早前都睇過CEO及文迪的介紹, 知道依度的早餐選擇好豐富, 當日來到果然係花多眼亂!!  我都唔打咁多啦, 大家慢慢睇相啦~~~ 
 
 
 
 
 


 















每檯仲有精緻的蜜糖同果jam.... 如非要留肚俾之後的主題明星早餐, 媽媽真係好想暴食呀!! 
 

最後媽媽都係決定忍口, 只拎了生果同乳酪打底, 連飲品都唔敢多飲, 只飲清水算了~~~



Matthew仔就唔駛忍口, 食左Cereals, 芝士, 奄列同朱古力酥, 仲有乳酪同低糖味的益士多, 好滿足!!




最後又post下Matthew開心游水、玩水的照片啦~~~



「唔好再影啦, 我地爭取時間落去超正的泳池游水啦~~~~」 



雖然依2日都有驟雨, 好在都有放晴的時間, 而且泳池中亦設有暖水池, 唔駛驚BB凍親! 



要讚樂陶泳池的設計真係好適合小朋友/BB, 全部都設有淺水區, 最深亦不過1.2M, 同行的大人不熟水性, 亦可以好可心睇實小朋友/BB! 
 


好動Matthew來到依度, 只係游一個池都唔夠, 要逐個池轉架, 真係好funny~~~ 


又俾媽媽拍到玩到超high的一段片!!!  不過又係相多關係show唔到... 大家要click入link睇: 
http://www.youtube.com/watch?v=-DDYzUYyHrw 

游完水的Matthew, 一返到房間的洗手間, 就即刻................. 


之後在浴缸享受超舒服的浸浴, 仲俾爸爸拍底了不少sexy照~~~~ 











之後換了衫又在房間high~~~~







洗完自己間房, Matthew又來到爸媽的主人房, 玩清喼大行動!!



唔知大家的BB都咪都係咁? Matthew成日好鍾意將所有野拎出來, 然後自己匿入喼架~~


 

仲有一輯爸爸Day 2早餐後操刀, 又係好sexy的照片, 心臟病患 / 高血壓者不宜觀看呀! 





hehe, 全程冇露點架~~~~ 






 




最後, 一家四口於1:25pm check-out, 並乘搭2:00pm的船離開澳門, 因為之後o係香港仲有一場精彩的tasting!! 在船上, 玩到超盡興的Matthew再度訓到冧冧豬了~~ 
 

總括來講, 今次旅程真係好開心, 收穫真係好豐富~~ 遲D妹妹出世後, 都想再帶佢地去玩過呀!! 


 
要留意體驗夢工場 DreamWorks 的夏日套票只去到9/29, 如係DreamWorks粉絲要去趁快啦! 

沒有留言:

發佈留言