跳至主要內容

New York Cafe & Bar ~ PG後的美味飯堂 (Yahoo copy版)

寫完Jolly Kingdom, 忍不住接著要分享一下一家四口上堂後常去的New York Cafe & Bar 


因為小店下午一點才開門, 平時媽媽都不會等, 但PG時間剛好是12-1點, 完了來吃就剛剛好! 



無論係惠顧午餐或晚餐, 首先送上都係依D餅乾條, 較乾身關係, 其實我麻麻地鍾意食的, 不過同上的沙律醬往往好惹味, 值得加唔少分呢~~~ 



餐湯就多數係忌廉蘑菇湯, 好偶爾會改成忌廉粟米湯, 但總之都質感較厚, 忌廉味濃, 而且我鍾意佢非常夠熱, 所以都幾欣賞的!
 
 
至於主菜我同老公愛C了這裡的炭燒特級牛柳 ($68/4oz 或 $138/8oz), 牛味非常濃厚吸引, 而且又配上超級大碟又好味爽脆的凱撒沙律, 食得好健康又滿足!!
 


成品真係好tender又juicy架~~~  點五成熟就非常完美了!! 

 
除了牛柳係午餐鐵角之外, 其他主菜就輪流換款, 試過豬腩肉 ($50) 都唔差, 係肥D~~
 

 
初上PG時係天氣乍暖還寒的3月, 當時會揀熱朱古力, 香濃甜美不得了~~  

 
自從發覺了PG後來lunch的時間超fit, 其後日子兩口子基本上隔個星期都會來一次, 除非老公要返工 (佢真係好忙架... ), 又或者係間野太爆book唔到 (都幾常發生的!!!)
 


如果唔太熱的日子, 其實坐室外位都幾正架, 有自然風之餘, 影相仲靚好多添~~~


每次必吃的牛柳, 真係好好味, 而且成個組合好健康呢~~~ 


冇記錯依款係魚柳三文治 ($58), 都好食架~~~ 



去到初夏的日子, 我仲可以乖乖的點熱朱古力 (俾個讚自己), 老公已經率先轉飲凍的~~ 不過真係要讚佢的朱古力無論冷熱都好好好飲呀  


又有一次點了美式炸雞 ($50), 成品香脆得來中間雞肉仍超嫩滑, 襯以千島醬+芥末汁好香好吸引, 而且配上osso pasta (米型意粉) 我覺得好味又特別呀! Matthew都食了唔少osso!
 


兩杯凍飲, 代表了天氣真係好熱.... 我都頂唔住要轉飲凍朱啦!! 


而最近一次到訪, 就帶埋姐姐一齊食好野, 其實都係預慶佢生日呀!! 

依度的午餐真係唔貴, 依份烤雞肉配意粉只$40咋, 但質素一D唔差, 佢都食得津津有味有呢~~
 

當日的海鮮長通粉 ($58) 都好唔錯呢, 焗得好香口creamy的~~~



當然永遠少不了的主角----炭燒特級牛柳~~~ 您真係太太太美味吸引喇!!! 





點了凍朱古力 (少冰) 俾自己同姐姐, 佢都超鍾意飲呢~~~ 



老公試了凍Mocha, 原來都好有水準架~~~ 
 


當晚仲買了東海堂的「白桃之愛慕」為姐姐慶祝生日~~  Matthew仔當然超開心啦, 仲口張張唱埋生日歌添 (佢真係識唱少少架, 可惜冇拍底) 


為食豬好想好想食呀!! 不過點都影張合照先啦~~~~
 

終於有得開餐, 為食豬可以分到四分一個cake, 超級happy超級滿足啦!!!! 



講起上來, 姐姐生日請了食飯同買蛋糕外, 都唔知買咩禮物好, 結果作罷, 反正佢正日生日 (6/30) 同翌日已經有得放假, 夠哂開心~~ 不過都想八下, 其他媽媽又會點做o既呢? 

留言

此網誌的熱門文章

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

2023 Road Trip to Beautiful BC ♥ 美麗卑詩省自駕遊 ♥ Day 1-3 : From Winnipeg to BC

終於完成工程浩大的  遊記 summary ,緊接著也高速分享 Day 1 - 3 的詳細遊記,反正這三天主要是由 MB 省的 Winnipeg,連跨兩省開車至 BC 省的 Abbotsford,除了中間在 AB 省的 Calgary 有小段時間 shopping、與友人相聚、遊水放鬆,其餘時間基本上都在開車中渡過~~~ 首先在 Summary 分享過,為了減少請假日數,9月20日星期三 Day 1 這天,一家人是等兩兄妹放了學,回家置放好書包才開始出發去6小時車程外的 Regina。下午 4:30pm 出發的我們,在3小時車程遠的 Brandon 小休+買了A&W 晚餐後,就一口氣開車至 Regina;由於接近冬季日落時分越來越早,當抵達 SK 省後很快就天黑了,最後一小時是「天黑黑」的情況下開車,壓力山大呢... 😥