跳至主要內容

The Greenery ~ 雅苑座夏日鮮果盛宴

一不離二, 二不離三, 媽媽決定Jump quene, 連續3晚出buffet食評!! 希望冇嚇親大家啦~~ 
 


帝苑The Greenery曾係媽媽超鍾意的buffet之選, 但已多年冇來, 首先多謝Muimui同公關的邀請! 

餐廳七月主題是夏日鮮果盛宴, 很多食物都會配搭上生果, 特別清新; 場面亦供應柑桔檸檬特飲及蘋果汁, 原價加$30連所有汽水任飲, 但like了帝苑酒店Facebook即可免費享用! 
   

之後又係逐一睇下buffet陣容, 刺生吧的選擇超級豐富, 選擇超多, 媽媽都忍不住來了一round! 
 

之後的即席火焰壽司更加架勢, 製作過程火光烘烘, 可惜我去拎時冇帶相機影底啦~~~
 


即煮粉麵檔由於包括碩大吸引的海鮮選擇, 都好受歡迎架, 好多人甚至選擇淨煮海鮮湯!! 


 


生果區選擇雖然唔算好多, 但勝在味道真係好清新, 特別係爆甜菠蘿, 仲有好味的楊枝甘露~~ 



朱古力噴泉的配料有媽媽大愛的士多啤梨, 淨食左唔少呢, 仲有泡芙都幾吸引 



甜品一向是The Greenery的強項, 這晚來到見有不同口味的繽紛macarons, 超開心!!   背後的杏桃批都超香超吸引呢~~~ 


還有這個令人瘋狂尖叫的甜品櫃, 當中無論是Tiramisu, Blueberry Cheesecake, New York Cheesecake, 以及朱古力mousse cake, 都是經典中的經典, 美味得十分誇張啊~~~ 



甜品的超美味程度是, Haagen Dazs的雪糕櫃雖然吸引, 也有點比下去之感! 
 


甜品還有麵包布甸、即叫即製原味/班蘭味pancake, 以及中式糖水, 總之甜品迷一定滿足~~~ 



又睇睇熱盤有甚麼選擇啦~~ 講到種類這裡或者不是最多, 但很難得味道全部都很讚!! 


 
除媽媽及妹妹大愛的咖哩, 還有配合主題的香芒鴨胸、時蔬炒鮑片、芒果龍脷柳、香芒蟹皇焗飯...



還有更多的薑蔥炒蟹、意大利炒雜菜、香芒炒大蝦、士多啤梨牛仔骨等, 大部分都好得! 
 

 
最後這啤梨什椒炒桂魚及藍莓汁烤羊架都好好味架!! 
 


至like有中式老火湯, 還是最能保溫的原盅上, 超正~~~ 媽媽當晚幫襯了兩盅之多!! 
 


這裡也有串燒吧, 有多款美味串燒源源不絕炮製起奉客, 香氣撲鼻十分吸引~~~ 





因與帝苑軒同一廚房出品關係, 燒味檔的水準又是超高, 媽媽忍不住係要打孖上架!!  


仲有好味到飛天的海南雞飯.... 飽極都一定要來一份, 擔保你一定不會後悔!! 
 
 
來到意大利菜湯, 雖然有芝士粉增加魅力, 都飲唔落啦.........
  

另外源源不絕的炸廣島蠔都係一大attraction, 可知媽媽唔like生蠔但勁愛食炸蠔呢~~   

最後睇下冷盤有咩選擇啦, 媽媽想講spoon size的香芒蟹肉魚子醬係超超超好味呢! 



來到海鮮吧更加不得了, 首先入眼簾的加拿大黃金蟹已經吸引不得了, 我又要大開蟹戒啦~~ 


相比之下, 煙三文魚同海螺的魅力就有所不及啦~~~



另一邊仲有凍蟹、加拿大蟹腳同大蝦, 實在係引C人啦~~~ 
   
另一邊更多的冷盤及沙律選擇~~~



媽媽每次食buffet都會幫襯的芝士區, 正~~~



當然少不了港人大愛的巴馬火腿配蜜瓜啦~~~ 



啊, 差點忘了這重量級的菠蘿燒豬脾, 配合主題之除, 仲要好juicy好好味架 


 
最後其實麵包區都好正, 為了留肚我忍住唔食grissini, 否則應該有食冇停口!!! 
 

巡視一週後, 正式開始buffet前公關又拎了樓下Fine Food新出的甜品俾我地試, 超興奮!! 
 


先試新出的Strawberry Yogurt Cake, 口味十分輕柔清新, 一點不會膩滯呢~~


 
嬌艷可人的Mix Berries Charlotte Cake 有著較突出的雜莓酸甜味, 輕薄外層也很討好! 



但媽媽最愛還是這Mascarpone Cream Cake, 除了那輕柔香甜的mascarpone非常吸引, 媽媽又超級喜歡那清脆餅底, 令到口感非常迷人!! 



最後還有Cream Horn, 不用說又是清脆可口、香甜美味的佳品啦~~ 

 
給甜品稍為打一打尖後, 繼續品嚐buffet啦~~ 媽媽的第一碟水果是不是很豐富? 還加插了巴馬火腿, 以及滋補的老火湯, 希望有個較為健康的開始啦!! 
 


第二碟就取了刺生及即點即製火焰壽司, 其中三文魚、台灣鮑魚都很新鮮好味 ; 而燒穴子及燒玻璃蝦壽司也都很美味, 我只稍壽司飯稍有點濕實, 所以好衰的吃剩了飯..... 

在CEO的推介下又拎了柑桔檸檬特飲, 酸酸地好清新開胃, 有少少似在馬拉飲到的桔仔檸檬, 媽媽超like!!  之後見CEO係咁添飲蘋果汁, 後來媽媽都試了杯, 原來又係清甜好得的! 


然後來到第三碟, 已經忍不住向凍蟹及蟹腳進攻.... 真係好好味架!  仲有巴馬火腿配蜜瓜波又係好味, 至於芝士同自製凱撒沙律就係為了健康同營養, 不過都唔差架!


繼續滿足味蕾, 依個巨大的加拿大黃金蟹蓋令人好滿足呀! 仲有炸廣島蠔, 以及菠蘿燒豬脾都好味! 



來到第5碟, 開始向燒味同燒烤吧進攻, 除了最前的蝦串麻麻, 之後的虎蝦好正, 蝦頭位爆膏的, 之後的燒牛柳又係好得, 火候超靚中間勁juicy又tender, 拌上香芒好好味! 燒味都當然係超水準啦! 
 


CEO拎了海南雞飯, 我對雞興趣唔大, 只分享了油飯部分真係好得好好味架!! 
 


來到第6碟繼續食不同的熱盤, 覺得肉類mix上生果真係冇咁漏滯, 好多都好好味, 結果全部清光!! 



我仲拌埋楊枝甘露食, 份外清爽呀~~~ 



開始飽飽地添, 都係時間向美味的甜品進攻--- macarons, 綠茶冰皮卷, Blueberry Cheesecake, Tiramisu, 朱古力慕絲cake, 同埋朱古力噴泉泡芙, 全部都係好味推介呀! 



又拎了Haagen Dazs的Cookie & Cream, Vanilla同朱古力味, 加上額外朱古力醬同士多啤梨, 特別滿足! 不過如果依度用Belgain Chocolate去取代朱古力, 我會開心好多呀!
 


見到CEO同文迪拎了木瓜同海鮮去煮製木瓜海鮮湯, 好新奇吸引呢!!  不過唔想浪費食材 (始終仍住快煮個湯唔會太入味), 我都係飲多盅現成的老火湯算啦~~~




食完湯, 媽媽最後再來一個班蘭pancake, 襯以HD的雲尼拿雪糕, 加上菠蘿, 好滿足~~ 



最後要了熱檸茶, 結束這美滿的一晚! 對了, 當晚正是CEO的生日, 能夠一同吃飯真開心~~ 


 
最後依個主題buffet只到7/31, 要食趁快, 每晚6:30pm開始週一至四成人$508 / 小童$398, 週五-日及假期前夕就成人$568 / 小童$428, 憑OR coupon可享低至75折優惠架! 
 
媽媽仲順便八了週末及假期Tea Buffet, 收費係成人$238 / 小童$178, 時間3:30pm - 5:30pm, 另有信用卡優惠, 由於地點好方便, 遲D都會考慮帶埋小甜魔Matthew仔再來架~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~