跳至主要內容

繼續生日飯 @ 一登龍門 (Yahoo copy版)

依幾個weekend都好忙呀... 食完阿一海景2星lunch的生日飯,  當晚在銅鑼灣又有另一場生日飯, 地點就係一登龍門, 個名非常架勢, 簡直同Matthew的黑超型仔look有得揮呀~~   

餐廳位於登龍街永光中心3樓, 當日由帝苑拎完餅過左海, 去到先放好餅, 再去利舞台的Uniqlo旗艦店shopping, 非常方便! 



餐廳樓底唔算高, 不過環境都幾骨子, 店面特別放了12銅獸的頭像, 引來大家狂拍!!



特別驚喜係預訂之時冇諗過會有包廂, 而且並冇min charge架; 而訂位時講明的$50切餅費 (其實都算好平了, 好多地方要求$100甚至$150樓上!), 最後埋單時亦waive了~~~ 


 
加上Matthew仔, 當晚共有15大1小開餐, 好耐都冇大班人食飯, 特別熱鬧開心~~~ 
 


差不多人齊, 大檯坐得好滿呢!! 唔知幾時俾爸爸偷拍的一張, 相中媽媽同Matthew表情好一致 



但好明顯Matthew仔的camera sense強好多... 好快留意到有人偷拍, 仲準備襲擊/搶菲林了~~ 
 

 
開餐了, 首先是小食 ($25 x3), 其中最鍾意食爽口的黑木耳~~~
 


多謝草的手信, 朱古力同餅乾都好好食呢~~~ 



繼續有頭盤的雞絲粉皮 ($68), 味道正常~~



黑醋大黃魚 ($268) 雖經油炸又有濃醬, 但中間的魚肉仍然很鮮嫩, 媽媽起了唔少肉俾Matthew食~~



CEO轉性了.... 竟然點了紅龍王 ($298), 其實即是水煮魚, 場內辣魔開心到暈了~~~~ 



老公日頭影得太多相, 夜晚懶起上來決定收機, 不過都破例影了一張~~ 佢真係堅like架, 馬上要求黎白飯拌食!! 



好多食友都讚草捆牛骨 (例) ($338) 比早前4月生日局的珀麗心軒做得好, 是晚我也吃了兩大件~~
 


黑醋小排骨 ($132) 都唔錯, 酸甜吸引而且肉質鬆化~~~ 


酒釀南瓜蝦 ($228 x2) 點了兩份, 因為這樣可以每人分到一隻大蝦~~~



其實食唔到酒釀味, 但蛋黃與南瓜的配搭幾好味, 蝦隻亦算OK, 加上伴碟又有大量健康的西蘭花, 最後的南瓜肉更可以俾Matthew撈飯食, 成個組合我幾like的! 



大漠風沙羊腿 ($388), 幾香口不過食落幾騷下, 唔, 我開始好似唔太鍾意食羊添....



場內有3-4位大肚人士 (包括兩位大肚婆, 其餘人士請自己猜測 / 認投 ), 都係點多幾款菜好, 所以要了西湖樹影 ($88)~~ 成品幾靚, 但食落無乜特別味的~~~

雲腿冬瓜條 ($88), 我未至抗拒但就唔多鍾意食瓜類, 所以幫襯得好少~~~



扒王菜 ($88) 都OK正常, 至少唔會有濃杰杰的可怕茨汁~~~



除了白飯, CEO又點了一登龍門炒飯 ($108), 不過幾惹人話柄, 因扣除海鮮後, 真係太似羅漢齋碟頭飯啦!! 不過食落原來中間的係蛋炒飯, 都算佢有少少心思, 不過用上店名真係太冒險了~~~


 
上湯小籠包 (5隻, $45 x3), 無乜特別~~~
 


蔥花芝麻大餅 ($48) 就好正了, 金黃香脆又可口~~~ 



紅棗糕 ($48) 就無賣相, 不過食落又OK, 綿綿質感唔差的~~~
 

食到咁上下, 好動又坐唔定的豬仔已經好想上演prison break了..............



食埋甜品同蛋糕先啦!! 這是拔絲蕃薯 +  拔絲菠蘿 ($108@), 甜品賣相有點似早前試食的帝玉庭, 味道就以蕃薯較為討好, 因為拔絲菠蘿太水了~~~
 


Oli想食的八寶飯卻無論做唔到, 唯有快快出動蛋糕氹一眾七月壽星仔女~~~~



訂了帝苑Fine FoodGreen Apple Cheesecake, 以及稱為Leopard的Honey Hazelnut Crunch Cake, 兩款都勁靚好吸引!!! 



咁多位七月壽星 (其實有一位係6月的... 拉埋一齊慶祝), 生日快樂呀~~~~~ 


雖然兩款蛋糕都冇想像中咁驚艷, 不過一大班人勁掃勁食, 仍然非常開心~~~ 


 


只計晚飯埋單$3357, 都算合理抵食丫; 而來到下個月就輪到我啦, hehe, 真係好期待呢~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~