諗過分開2日出, 但為了大家可以一口呵成, 睇得盡興, 都係今晚出埋下集啦~~~ 
繼續更多熱盤之前, 睇下甜品buffet有咩選擇先, 嘩, 座朱古力噴泉好高呀!!
雖然, 我最後都無食到噴泉, 只係拎了佢的朱古力醬去襯雪糕 / 即製pancake / waffle~~
講起雪糕, 其實媽媽訂依度的最主要原因, 係好耐都冇盡情食過movenpick雪糕啦!!
雖然下午茶開唔哂所有味, 當日只有朱古力、士多啤梨、Tiramisu同青檸雪葩 (老公大愛!!), 但已經好夠滿足, 而且之後店方仲將Tiramisu轉了好好味的焦糖味添, 好好味呀 繼續更多熱盤之前, 睇下甜品buffet有咩選擇先, 嘩, 座朱古力噴泉好高呀!!
雖然, 我最後都無食到噴泉, 只係拎了佢的朱古力醬去襯雪糕 / 即製pancake / waffle~~
講起雪糕, 其實媽媽訂依度的最主要原因, 係好耐都冇盡情食過movenpick雪糕啦!!
其他甜品的選擇都唔少, 而且仲有好多超合心意的生果~~~
依個scone好得, 鬆化得來富有牛油香, 唔夠加clotted cream同jam已經好好食, 而且size細細唔怕膩
咪睇小Cookie同brownie, 都好受歡迎架, 食到後半場我想拎都無哂了~~~
German cheesecake, 同我好like的酥皮卷~~~
繼Pret的健康打底餐, 生果亦係我的解救, 特別在正式開波前食了好多!!
好味但熱氣的荔枝只食了一粒, 橙同火龍果 (都好甜!!) 就大量進食!! 所以當晚都真係好順暢呀
更多的甜品, 留意到high tea set上都有小甜點嗎? 加加埋埋成十幾廿款架, 梗係試唔哂~~
非常飲恨就冇一開始就拎綠茶卷, 去到後半場又係冇哂啦.........
又繼續去睇下熱盤, 嘩, 原來連南瓜肉碎粥都有得食, 咁帶Matthew黎食lunch buffet都OK喎!
近期荔枝當造, 又特別出左一味荔枝咕嚕肉, 味道唔錯不過肉質實左少少~~
辣酒煮花螺都有得食, 係咪好豐富呢? 之後仲有炸子雞、燒味等冇影添.......
點心都有唔少選擇, 馬上拎了一個奶黃包俾Matthew, 都唔差架~~~
OMG, 有媽媽同妹妹 (哈哈, 入埋佢數了~~
) 大愛的印度咖哩counter添!! 發達了~~~
有咖哩雞、咖哩牛、咖哩素菜、炸魚、薄脆及烤餅, 正啊~~~~
另一邊的西式熱盤仲有即叫即切的燒豬脾、燒羊脾 (圖中只係display, 背後焗爐另有兩大隻), 味道都唔錯架!
以及各式的配菜, 當中法邊豆媽媽食左超多呢~~
仲有芝士火鍋食!! 豐富成咁, 依個係咩tea buffet黎架???
仲未完架... 連西班牙海鮮飯都有食, 好犀利呀~~~~
更多的.................
仲有羊架、燒牛仔肉等等等, 總之就係超豐富乜都有, 講係dinner buffet都有人信!!
Tea buffet會包每位餐茶, 好多人都點大大杯凍檸茶慢慢嘆, 不過老公就選擇一來要杯Cappuccino~ 味道都幾正架!
食Buffet已經夠放肆啦, 所以飲野方面媽媽決定節制返自己, 只飲熱水就好了!
老公的第一碟~~~
第二碟~~
我就決定慢慢食左生果先, 咁樣的組合總共食左兩大兜!! 之後餵下Matthew仔, 等到15分鐘後再食其他野~~~
聽爸爸講刺生都算新鮮, 所以都試左少少, 特別係三文魚希望吸收多D omega 3同DHA呀
老公好快去到熱盤同scone啦, 跟住好快去到4:00pm左右就飽滯左!
繼續係我的頭盤, 唔知係我大肚真係大食左, 定係先食生果清腸胃+慢慢食係真係有用呢, 相比之下我係戰鬥到最後一分鐘架~~
輪到我的熱盤啦, 除了燒靖魚、羊架、芝士、炸雞 (點他他汁太好食喇! 忍唔住一件咁多啦), 當然唔少得係妹妹鍾意的咖哩啦 (又入佢數, 哈哈哈!!
)~~ 
仲有咕嚕肉、魚蛋同豬手, 魚蛋係滿足心癮, 豬手係真心好味!!
依一碟又係老公的, 其中件壽司係拎俾Matthew的 (當然揀走蟹柳先俾佢食啦)~~
講起Matthew, 依度太多野食, 媽媽都冇乜時間影佢添, 直到有綠茶甜品食, 梗係要影下為食豬仔的狼相~~~
媽媽更多的熱盤---燒扇貝、燴牛尾、炸子雞、蒸餃、燒羊脾、燒豬脾等等, 真係好豐富!!
開始有D飽添, 但都忍唔住整了Carbonara! 冇MoMo Cafe的好食, 但新鮮熱辣都唔會差啦!
老公已經食到去水果同甜品啦, 但我仲未試完熱盤喎............
點要試埋坊間少有的芝士火鍋, 以及西班牙海鮮飯先啦!!
仲順手拎了粥仔俾Matthew食添呀~~~
我都開始甜品, 不過依家唔食得咁多啦~~ 但要講前方的朱古力truffle cake, 同埋scone真係得!
其實我係留返最多的quota俾超好味的movenpick雪糕呀!
Swiss Chocolate同Tiramisu都實在太好味喇, 加埋脆脆、朱古力粒同朱古力醬, 以及新鮮即焗的waffle, perfect! 
Movenpick的雪糕太正斗, 老公都忍不住食完再encore!!!
我當然都唔客氣啦, 再拎多輪Swiss Chocolate同新出焦糖味, 加上新鮮即製pancake (好薄好棉好好食喎!!), 又係爆美味之選~~~
其他甜品則唔試都唔係損失啦! 
超級飽足的一頓, 最後一杯Mocha都益埋老公!! 因有HSBC 85折, 埋單一共係$47X, 都幾抵丫
之後去海港城shopping, Matthew仔都揀到心水喎!!
擺哂pose, 有無咁model呀???
超多古靈精怪表情的豬仔!!!
放假陪BB真係好開心, 特別係又食又玩最滿足! 所以剛過去的週日一家四口又book了另一間buffet試, 遲D再同大家分享啦!! (不過Yahoo的限制好煩, 唔通次次都分兩篇???
)
留言
發佈留言