Happy Weekend！週末遇上大晴天，大家心情應該都不錯吧；甜魔媽媽就更加開心，因為昨天去看了醫生，醫生經親身診斷，證明了兩兄妹均已康復，可以出街不用隔離了！之後特別到 鴻星 飲茶慶祝，帶來更多的歡樂搞笑片段～ =)
要講長假期後診所真的特別多人，甜魔媽媽前一天特別打了50通電話，完全打不通... 由於Matthew假期前出痘時，去到診所是優先看症（免得傳染給其他小朋友嘛...），所以昨天早上8時多，就與嫲嫲帶兩隻下樓搭的去診所。還好早到，診所到9點已經額滿；而我們的「優先看症」，結果也到近十點才可以見醫生... 等待過程更不可以進診所，兩兄妹都要餓著吹風...
還好醫生一見Matthew，就說他一早已康復，再看Chloe，也斷定她也已經不具傳染力。這位資深的兒科醫生更說：妹妹的水痘，應該不是過年前重聚感染，而是哥哥發病前1-3天感染，只是妹妹僭伏了較久才發作（水痘僭伏原來可以長至21日!!!）。如果是真的，Chloe沒在旅程中發病，真的萬分感恩，否則離境都可能成問題！
 |
| 診所出來，終於可以玩一會了～ |
大家都餓了，所以點了不少食物；人不多關係上菜也挺快。最先來到是小兄妹的主食 叉燒河粉 ($28)，鴻星的叉燒當然不能與前兩天 國金軒／天際萬豪 比，但水準還不錯，久違的妹妹吃到津津有味；個人就認為湯河更有水準，微彈滑溜、湯頭微鮮自然，兩兄妹幾乎全吃光。
除了叉燒河粉，也點了 貴妃雞米粉 ($28)，那雞上了腿肉，嫩滑味香、十分好吃，愛吃雞的妹妹吃了很多；米粉就不及河粉精彩了。也點了 荷葉糯米雞 ($28)，成品足料好吃，但很多糯米飯都黏在葉上，吃時不太方便。蜜汁叉燒包 (小) 也是飽肚之作，水準OK，不過多吃真的很膩，所以當店方不知為何給我們多點多上了 流沙奶皇包 (最前方)，甜魔媽媽堅持要退掉。
小兄妹愛蝦餃，這裡的 純鮮蝦餃皇 分為$23/兩隻或$45/四隻，當然點四隻。 成品估不到很出色，蝦肉超級爽彈，個仔又飽滿碩大；如是平日Matthew應該不夠喉，不過這天太多公仔點心，而且之後還有燒賣。
這 鴻星燒賣皇 ($20/兩隻或$39/四隻) 也是我敢吃的貨色，新年期間特別加了髮菜，味道也不錯，妹妹不吃關係，嫲嫲與媽媽各吃一件後，餘下兩隻由Matthew包底。
當日最期待的是，是這【靈猴獻瑞】奶皇精靈猴 ($28)，成品無論是賣相或味道，均不及 國金軒 精緻，不過都幾搞鬼可愛，還連上小朋友極愛的朱古力金幣上檯，兩兄妹喜歡不得了！
新年期間沒有最可愛的 熊貓豆沙包，最後再點一客可愛又不貴 棉花白兔仔 ($12/四隻)，好與之前兩款動物點心併成「動物園併盤」！
這就是甜魔媽媽自創的「動物園公仔點心併盤」了，小兄妹看到都喜歡不得了呢！=) Matthew大個仔了，開始有拍照的意識，馬上在併盤後擺pose；但Chloe就只顧吃... ^_^"
更大的對比是吃帶椰絲的棉花白兔仔時，吃到一嘴都是椰絲的Matthew覺得好玩，主動要求媽媽拍下他的食態，之後還叫媽媽給他看照片～
另一邊廂，驚青Chloe卻非常怕椰絲，連棉花糖也馬上吐了出來！妹妹真的超級細膽哦～ XD
埋單剛好$300，兩大兩小吃得開心飽足，物有所值啦。特別一提，第三次到訪才首次幫襯洗手間，原來都幾靚而且有換片位及親子設備，不錯抵讚呢。
一個上午在診所外轉圈，兩隻都有點累了，吃完先回家午睡養神啦！可惜下午開始下雨，沒能帶兩兄妹再訪迪士尼或去其他遊樂場玩；不過，兩兄妹聚在一起其實已很開心～ =)
去到今天，天氣回復晴朗，吃飽早餐後兩隻馬騮再度出山啦！搞笑是驚青底的Chloe隔了一週沒下樓玩，竟對遊樂設備產生了生疏感，初時甚麼都驚都縮，慢慢才回復正常～ XD
之後下午Matthew要回復正常的芭蕾舞班，更多的玩樂食記遲些再分享吧～ =)
鴻星海鮮酒家 Super Star Seafood Restaurant
地址：元朗朗日路8號形點二期3樓A301-A302號舖
電話：2628 0866
** 想收到兩小兄妹的最新消息，可以like一下Matthew and Chloe fanpage哦~~
呀哈哈，點解妹妹會怕椰絲架 XDDD
回覆刪除真係好耐無見過兔仔棉花糖啦 :D
鴻星我最鐘意食個巨型壽～
（Btw, 我見到你add左我煮野食個個blog係右邊column，多謝我好開心^^）
其實媽媽我都好唔鍾意椰絲個口感, 所以妹妹唔like都唔奇, 加上驚青底性格, 就變成驚驚 XD
刪除鴻星巨型壽上次有食, 唔差, 但始終東海最好味, 下次妳都試下丫
P.S. 我份人好懶, 好日都唔整理D setting, 新一年先毅然改變一下。
其實妳影相好靚, 有機會可以一齊出黎食野丫~~~ :)
我淨係食過鴻星同陶源個個炸>3< 我媽咪都話東海最好味~
刪除沈日系家上海都食左佢地個壽包預祝爹地生日，但成品不夠熱呢！
呀！多謝 :) 我D影相技術都係自己摸下摸下。好呀！我期待呢個機會 YEAH :D
搵工食東海啦，真係超好味呢
刪除兔仔棉花糖N年沒吃過了
回覆刪除依家間唔中去飲時美點雙輝有佢, 平日飲茶買少見少啦
刪除不過其實我唔鍾意食, 因同妹妹一樣討厭椰絲, 不過為左整動物園先點佢 :p
兩個小朋友好Sweet！
回覆刪除好感恩兩個都算相親相愛, 希望以後都要保持落去呀~~~
刪除原來元朗都有鴻星仲喺Yoho Mall咁方便，下次同老人家飲茶都可以考慮下呢!
回覆刪除妹妹唔鍾意食椰絲張相真係有十個趣! :D
妹妹性格同反應成日同哥哥相反, 真係非常爆笑!
刪除係呀, 鴻星雖然唔係超好食, 但環境舒服、服務到位, 都係扶老帶幼的飲茶好去處呢~
兩兄妹好番晒，可安心晒啦
回覆刪除呢間係鴻星?我以為妳去左西餐廳，裝修完全唔似酒樓
mmm, 今日Matthew又有d唔舒服, 希望好快無事啦
刪除可能同商場想行年輕路線有關, 元朗依間鴻星裝修同出面好唔同, 同隔離茶木反而有點似!