跳至主要內容

親子weekend : 妹妹home studio + 悠閒brunch

其實還欠一篇產假的試食未出,不過今天還是先記載一下難得來到悠閒週末,可以與家人有較長時間相處的點點滴滴,吃的、玩的、影的;可知,這些就是繼續工作下去的最大推動力!!
 

先倒一倒帶,補貼上週六爸爸在家裡影的搞笑相~~ 如果大家是由初生Matthew開始追看甜魔媽媽的blog,應該會記得媽媽貼過爸爸及Matthew的睡相,勁似的! 估不到到Chloe妹妹出世後,風水輪流轉,竟給爸爸影到媽媽與妹妹睡相很一致的相,姿勢差不多是一模一樣的!!

當年爸爸vs Matthew
甜魔媽媽vs Chloe

殘爆的甜魔媽媽就算了吧.... Chloe妹妹的睡相就真的很可愛,而且,看真一點,她還是裸睡的?! 沒辦法,這個妹妹太食得又痾得了,在清晨又弄污了衣物... 貪睡媽媽就索性幫她脫掉衣服,當然大前提是上週天氣沒有今週的清涼!




之後爸爸給醒來了的Chloe換衫,順便也影了幾張相~~ 不過媽媽總覺得爸爸有點偏心,幫Chloe執相時的顏色特別啞的?!?! 平白浪漫了妹妹的得馬神態.......... -_-

Chloe: 爸爸玩野呀? 個條係裙,唔係頭cool呀!!
Chloe: 不過我都照樣交戲啦... 係咪好專業?
Chloe: 咦,有真正的頭帶戴,好開心喎!!
Chloe: 爸爸,其實我都幾得意呀!
不過其實也不能全怪老公,今年他的工作量真的增加了不少,以今個週末為例,星期六中午至夜晚要去萬人行,週日上午至中午也要回學校工作,忙到傻了! 既然如此,就由甜魔媽媽親手出馬,趁週末有空幫妹妹影一影相吧! 不過細機相始終難與大機媲美啊~~

Chloe妳的頭毛好搞笑啊~~~
影到流口水添...!!
Chloe: 其實唔計毛澤東髮型,我都不失為一個靚女丫~~
Chloe: 不過媽媽話影我相好睇角度,由上面影落下我都算下巴尖尖幾標致...
不過由低抄就好唔掂啦!!!! XD
Chloe: 咁樣同媽媽影相都幾開心丫... 熊仔先生,不如聽日你代媽媽返工啦!!!
最後... Chloe: 我要遮住毛主席頭!!!!
最後也講講食,趁老公返工前,兩口子 (還有Chloe!) 在樓下Chef's Stage Cafe嘆了一頓悠閒brunch~~ 其實不久前才寫過它 (詳見《Chef's Stage Cafe ~ 倒數中的自由空氣》),不過平日吃的是lunch set,週末則吃的是brunch set,個人認為後者出色很多呢! 首先點了凍朱古力 (少冰) x2,水準不錯的,比熱朱古力好飲些。
 

重頭戲的Egg Benedict Royale ($57) 非常讚,蛋味濃郁又夠流心,襯以份量充分又鮮美的煙三文魚,還有鬆香可口的muffin包,以及恰到好處的荷蘭汁,比早前在A Little Bit Restaurant吃的出品出色又抵食多了,還附送大量清新好吃又健康的沙律菜呢!



另一個蕃茄辣肉腸螺絲粉 ($58) 也不錯,口感al dente,調味亦適中,很快又整碟清光~~ 埋單也不過$127,在湊著雙B又忙碌的日子,以後也會多來幫襯。


其實週六下午及夜晚,媽媽還有另一場活動,遲些再記吧~~~
 
 
Chef's Stage Cafe
地址:元朗鳳攸南街3號好順景大廈地下44號鋪
電話:2799 9880
 
  
** 想收到兩小兄妹的最新消息,可以like一下Matthew and Chloe fanpage哦~~

留言

  1. 妹妹同你的訓覺姿勢好似呀 ^^
    凍朱古力我又想飲 hehe

    回覆刪除
    回覆
    1. haha, 係o岩我地都抬起手, 好funny~~

      下次妳地黎元朗, 可以一齊試依間呀!

      刪除
  2. 妹妹帶帽仔相相好似哥哥,連神態都似埋!
    比妳引到好想食egg benedict, 陣間一於食佢做早餐!

    回覆刪除
    回覆
    1. egg benedict真係好正, 感覺好似咸食版的心太軟呀!! haha~~

      兩小兄妹細個時真係幾似樣的, 遲d又搵返matthew細個相出黎對比先

      刪除
  3. 妹妹好誘人呢!!嘩個egg benedict見到口水都流埋睇嚟要走番轉元朗先得

    回覆刪除
    回覆
    1. 元朗真係好多美食架, 隨時welcome maggie ee再黎探我地呀~~

      刪除
  4. 好想鍚啖Chloe丫
    原來Chloe裸睡架?

    回覆刪除
    回覆
    1. 咁o岩個日痾濕左衫衫先裸睡咋~~ 係咪好誘人呢? :p

      刪除
    2. 將來Chloe知道,鬧妳呢個媽咪俾人睇蝕晒:p

      刪除
    3. 唔怕唔怕, 妹妹性感得來唔暴露的~~ :P

      刪除
  5. 妹妹好似托住個頭瞓, 好可愛.

    回覆刪除
  6. Wow , Vivi loves more and more day by day and miss u a lot la haha好肥美呀^^

    回覆刪除
    回覆
    1. 就係太肥美, 所以成日痾大大poo囉... 講起上黎真係唔好意思呀! :p

      刪除
  7. 妹妹瞓覺個樣真係好可愛呀...
    低抄果張相, 好肥美, 好想咬啖... XD

    回覆刪除
  8. 見到唔著衫嘅BB真係好肉緊, 我都想咬妹妹, 妹妹成日笑, 真係一個好可愛的BB女~

    回覆刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~