回來了!!!吃在出發前及航班上

終於回家了!!! 今次旅程可謂百味交集,由於今次豁了出去豪食豪駛,一連吃了多間米芝蓮,又前後看了5套Musical,還趁sales season瘋狂shopping,開心的時光不少,但另一方面真心的超級掛住小兄妹,特別是最後幾天,好想好想好想提早回港!
 

今次遊記真的不得了,至少要寫半個月才能完成。關於旅記的編排,想過是以內容為分類來寫,但最終決定還是以日子順序記錄,因為這樣可以更流暢的記錄下這十天的心路歷程。而一開始先來一篇最easy的,就是出發前在機場的宵夜---是的,今次去程我們搭 7/27 (日) 凌晨00:20的班機,所以提前一晚於 7/26 (六),將小兄妹都氹瞓後就出發,最終9:40pm出門,約10:30pm就抵達機場了。
 
當日其實在家裡已經吃過晚飯,但來到機場又有餓餓的,於是與老公來了翡翠拉麵小籠包。因為,接下來大把日子吃西餐了!

 

機場的翡翠超多人,差一點要等位... 但水準其實比其實分店差些。飲一杯收費$6/位的熱茶暖胃後,我們簡單點了兩款食物分享,首先當然是馳名的小籠包。
 

小籠包 ($38) 看樣子都不太對頭,個子太大,而且厚薄不平均,第一隻一挾就穿 (按:自問挾小籠包的手勢不差);好在那湯汁都算鮮甜,

  
還有老公指明要點的擔擔麵 ($54),更加缺善可陳,不是難吃,但真的一點不好吃,純粹是填肚之作。
  
  
這樣加一埋單也要$114,後來上到飛機,才知道國泰也有提供「晚餐」,而且內容挺不錯,有挺美味的牛肉飯,還有Haagen Dazs雪糕做甜品!



同時國泰的Studio CX真的很正,有超大量電影、劇集、音樂選擇,航班上絕不會悶。其實上年兩次帶Matthew出遊都是搭CX,但那時只顧著照顧他完全沒時間去享用,今次旅程就一共看了4套電影,包括戰狼300:帝國崛起、冰河世紀、百寶狗先生與細蚊:時光機大歷險、納尼亞傳奇:黎明行者號,還有1套劇集。很滿足!還可以為手機叉電呢~


抵達前還有早餐提供,航程中也有不同的小食、杯麵。由於抵達倫敦的首日是星期日早上6:05am,所以這些食物對於仍在產奶的甜魔媽媽非常重要,沒有它們應該一早會在倫敦餓暈!



回程機是倫敦時間20:15,也是起飛後提供晚餐,抵達前提供早餐。其實都是有齊沙律、麵包、主菜及雪糕,但倫敦的餐飲質素明顯不及香港的~ 可能因為選擇的是中餐 (大佬,咁多日西餐,而且吃的是米芝蓮,再揀也不會揀西餐吧...),而倫敦的中菜出品始終遠不及香港。



由於晚餐時間有點晚,原計劃 (按此觀看詳情) 是最後一天會在倫敦吃完High Tea才離開,很慶幸最後沒這樣做,因為原來離境的安檢及退稅 (今次買了超多東西...!!) 超花時間!累了,遲些再記錄吧~

翡翠拉麵小籠包
地址:赤鱲角香港國際機場一號客運大樓第5層抵港接機大堂 (非禁區)T160舖
電話:2261 0553
 
** 想收到兩小兄妹的最新消息,可以like一下Matthew and Chloe fanpage哦~~

18 則留言:

  1. 回覆
    1. Thanks ar, 有妳地o係度真係特別warm~~ :)

      刪除
  2. 回家看到兩個小寶寶,一定食高興!

    回覆刪除
    回覆
    1. 係架, 見返佢地真係好開心, 但又忍唔住喊, 超矛盾呢

      刪除
  3. Welcome back!! 好心急睇妳嘅遊記同埋戰利品呢!

    好好休息下呀!

    回覆刪除
    回覆
    1. 遊記不日推出, 而戰利品冇影大合照, 但就多到要買多個喼, 超盡興!! 盡量post d上黎啦~~

      刪除
  4. 歡迎回來呀~~ 兩個小寶貝一定好掛住爸爸媽媽!!

    回覆刪除
    回覆
    1. 係丫, 見到妹妹瘦左, 真係好鬼心痛, 依2日都唔捨得出街了

      刪除
  5. Welcome back!!! 等住睇你的遊記呀!

    回覆刪除
    回覆
    1. Thanks, 會唔會妳地遲d又去呀?

      刪除
  6. 睇完率先預覽,的確好期待您的遊記呢!

    回覆刪除
    回覆
    1. 最後幾日行程有d改動, 但大致都差不多, 食食食、睇睇睇 (musical) 同買買買!! XD

      刪除
  7. welcome back 我相信妳應該好掛住我~D中菜haha~~

    回覆刪除
    回覆
    1. 掛住妳D中菜, 都有掛住妳呀~~~
      18號見面派手信啦! ^3^

      刪除
  8. 估唔到咁快就玩完回家la,日日係fb見到你,都唔覺呢,掛c兩個心肝寶貝了!
    聽你咁講,飛機餐比翡翠拉麵小籠包更好食bor,heheh

    回覆刪除
    回覆
    1. 妳講得好o岩呀, 國泰的飛機餐係比翡翠拉麵小籠包更好食, 所以搭國泰的話, 唔駛side錢

      刪除
  9. welcome back ar
    妳好犀利,去了9日可以做咁多野

    回覆刪除
    回覆
    1. 其實倫敦市中心唔算大, 我地都係不外乎食食食, 睇睇睇, 同買買買之嘛 :p

      刪除