跳至主要內容

N度慳家或敗家?? Happy Friday 特約:Gap 初夏折扣情報分享

甜魔媽媽承認,我真是個不折不扣的師奶仔,對於能度成功慳錢/精明消費會有份難以言諭的歡樂並自豪感。所以今早特別加插這篇新鮮滾熱辣的慳家(或敗家??)折扣情報分享!XD
 
11件貨總共只花了$608!!! XD
已非第一次寫 Gap,曾有朋友問我們家是代言人嗎?絕對不是,不過 Gap 做減價時實在癲抵啊,價錢會比 H&M 或 Uniqlo 更平;而 Baby Gap 系列設計又夠靚,不敗對不起自己啊!

逐件介紹(貨幣 = HKD):這男童花T原價$159,特價只$68,給Matthew買了4歲碼今年穿。


這件彩藍T也是由$159折至$98,也是4歲碼;由於設計較闊,有機會明年也能穿。
 

超便宜的短褲,由$229特價至$88,也是4歲碼。其實 Gap 的尺碼很足,不過Matthew個子太高,明年未必能穿,要轉去買 Gap Kids,不過個人認為那邊款式稍不及 Gap Baby,傷心...


因此這次11件收穫中,除了以上三件,其餘都是Chloe的。女仔衫真是又平又靚好多啊!首先這件簡單女童T由$79減至$38,買來頹穿也抵啊!買的2歲碼,今明年都可以穿。
  

很可愛的花邊裙子,由$199減至$118。由於設計較修身,考慮Chloe的大肚dup,買了3歲碼,希望這兩年都合穿。
 
  
花紋圖案裙子,還連上同色底褲仔,由$199折至$118;買的2歲碼,這花紋應可穿到秋天。
  

很便宜的女童上衣,由$179減至$48,買了白、深藍色各一!買的3歲碼,應該明年較合穿。
 

可愛的女童牛仔連身衣,由$279勁減至$108;買了3歲碼,今年當鬆身款穿,明年就可以show肉脾脾了~
 

很適合夏天在家穿著的短褲 (原價$79),前身淨粉紅色那條現只$28,後面花蝴蝶那條則$48,都是買了3歲碼,今明年都可以穿。
 

甜魔媽媽計著數來買,以上11件貨總共是$808,馬上再扣減$200,埋單$608;再用上早前特價入手的 Gift Card(間中有9折),太抵啦!!!!各位精明媽媽,也趁週末去看看吧~
 
不是廣告,純粹真心抵買分享!=)

** 想收到兩小兄妹的最新消息,可以like一下Matthew and Chloe fanpage哦~~

留言

  1. 快D出志魂,我想睇$3500食D咩!
    最近半年,我勁買uny,已經買夠3年着,呵!

    haitang

    回覆刪除
    回覆
    1. 我冇去志魂架, 不過聽食友講同鮨文食的野差不多, 當然水準再高一d
      大人衫可以著好耐, 我至今仍然唔太提得起勁幫自己買衫, 好多都著緊2-3甚至4-5年前的衫 :p

      刪除
  2. 我今年冇入過gap 呀.....反而轉投Uniqlo懷抱 XDXDXD

    回覆刪除
    回覆
    1. Gap的男仔衫擺明係冇咁靚, 如果唔係睇中左妹妹個d款, 都唔會辛苦去揀多幾件Matthew衫湊夠數呀 :p
      Uniqlo今年反而d boy款幾得, 我地都有入, 當然就冇咁抵啦

      刪除
  3. 慳家慳得好!! 掌聲鼓勵~~

    如果嚟北美玩,買童裝一定買得更高興呀!!

    回覆刪除
    回覆
    1. 北美的甜品加埋童裝, 引到我好想飛過黎啦!!!

      刪除
  4. 去日本OUTLET走一轉....仲抵呀...買到傻左....

    回覆刪除
    回覆
    1. 好想好想好想去!!!!
      不過湊兩隻要隨時走開唔係咁易, 所以o係HK gap敗下已經好開心喇

      刪除
  5. 回覆
    1. 每次敗家都好開心架, 好多衫今個long weekend馬上拎出來著啦!!! :D

      刪除
  6. 好抵呀,買佢地d 衫真係敗極都唔完,但敗完又好興奮,哈哈哈! 我早排都換左d 季,真係敗極都有呀!

    回覆刪除
    回覆
    1. 妳兩位都係公主, 仲要身處美國, 一定更加抵, 更加忍唔住手係咁敗啦!!! ;)

      刪除
  7. 你用「頹穿」呢個term超爆笑! XDXD
    不過38蚊件真係可以頹穿,著到第日唔要時可以做埋地布,真係慳家首選心水貨~~ XD

    回覆刪除
    回覆
    1. Gap真係平架, 識趁特價入手一定抵過H&M or Uniqlo
      so far小兄妹的衫冇乜丟, 多數都係pass俾其他小B, 始終佢地大得太快啦
      可能去到4-5歲會穩定d~~~

      刪除

發佈留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。