跳至主要內容

2009 陳年意大利 + 法國蜜月遊記:馬賽 Marseille + 阿維翁 Avignon

週三繼續陳年蜜月:去完純淨明媚的尼斯,特別覺得馬賽雜亂同污糟,兩口子都不太喜歡這個地方... 雖然如此,舊港拍出來的照片卻實在超美!至於 Avignon,是普羅旺斯內頗有名的小城,就在Orange不遠,我們也花了半個下午去遊覽,並對其城牆及舊橋留下美好印象~



開始前,又是相同前言:這已是接近十年前的陳年遊記,照片質素較差,同時當中場景及價位未必適宜作旅遊參考。 


到達馬賽約莫5點, 天氣好到不得了!





火車站位於山上, 可以眺望城內風光~

景色靚還靚, 冇行人電梯的設計, 辛苦哂拖喼的老公啦!!



今次book左間近火車站的酒店

比起過往幾間, 較富現代感



房間都幾大下


又有浴缸, 設計唔錯的!  
不過夜晚冷氣唔夠凍呢~~



繼續參觀市內風光, 個天真係藍到不得了!!

酒店附近的教堂





好鬼曬, 去買雪糕/沙冰食先 
不過法國的雪糕真係差過意大利好多~



一到馬賽其實都開始覺得臭  
行去小街, 更加係垃圾滿佈!!! 
真係好影響形象....

又一次向警員問路時, 佢九唔搭八同手執大機的老公講 "it's dangerous",
又叫我地收好財物, 唔好行小巷  
而沿路又有好多人冇啦啦搭訕, 仲要撩我都夠膽死!! 
感覺即時好差~~ @@



冇乜心機, 快快腳去舊港影完相, 食野吧啦~  
背光好難影呀....


咁樣來一張合照啦~ ^^



再來一張機仔落flash, 然後去搵食~



lonely planet推介的首遺餐廳, 竟然是日冇馬賽魚湯!? 
唯有轉食另一間都係港邊, 睇落幾多人的La Cuisine Au Beurre~

入座時仲早, 海鮮仲未攤哂出黎



隔條馬路就係海邊~



麵包搽上黃色rouille醬, 好好食

老公要了海鮮拼盤

除左半熟蝦, 其他都冇我份了.. 而蠔, 老公話唔及尼斯鮮~



依間餐廳食乜都等好耐, 好在有美景任影

老公超靚的大作ssss





期待己久的馬賽魚湯終於到喇!!  
咸鮮味濃烈的魚湯, 係幾好味但都幾漏

海鮮中加入龍蝦, 其實正唔正宗呢?



食完魚湯, 又要再等~~~


唉, 等到甜品到已經天黑喇~~~  
不過係幾好味o既, 嘻!

我影的夜景, 機仔來講算係咁啦~



都係個句, 歐洲天一黑, 就黑得好快~

夜市好似好亂咁, 唔夠膽行...  
返酒店前, 黎張合照啦~



對馬賽印象麻麻, 翌日仲提早離開, 出發去Orange~ 
不過無法不承認, 舊港夜景, 真係好靚呀!!!



Orange 會留在下一篇連同古堡一起介紹,今日會一併分享 阿維翁 Avignon~

由Orange搭火車至Avignon, 只需15分鐘, 超快!


一出火車站, 就見到Avignon的古城牆喇~



整個Avignon舊市都係被城牆包圍, 好特別! 
入去睇睇啦~~

行了不久, 就見到一個小小的景點



繼續沿大街行~



同Orange的樸素不同, Avignon舊市較為熱鬧~



行到城牆另一邊, 有個較大型的景點

冇記錯依個聖母像



聖母像同耶穌像



主次係咪應該倒轉呢?

合照, 之後行上山~

高瞻Avignon市內風光



城牆外又如何?  OMG, 風光如畫好鬼靚!!!



葡萄田~


城牆外的舊橋, 風景非常動人~







繼續行~

好有詩意的景色~



咦, 可以沿城牆行落去喎



穿過城牆中的小道, 我地到達城牆外喇!



城牆外的寧靜河道

好靚的舊橋, 老公勁影!

好多postcard都係咁取景~ ^^



河邊仲有個小草坪~

byebye喇, 靚橋~ 
同老公又行返入城牆內



Avignon舊城內的家樂福, 係我地法國之旅唯一見到的一次. 佢係咪做唔掂呢?

我地有支持它的~
除了lime味可樂, t非常推介依款布丁, 超滑超好味架! ^^


下篇就會介紹個人很嘉愛的 Orange,以及深刻難意的古堡任聚記!



延伸閱讀
2009 意大利 + 法國蜜月遊記 ❤ 總結篇
2009 陳年意大利 + 法國蜜月遊記 ⚜ Firenze 佛羅倫斯 ⚜
2009 陳年意大利 + 法國蜜月遊記 ♰ 比薩半天 Pisa + Siena ♰
2009 陳年意大利 + 法國蜜月遊記 ✤ Venice 威尼斯 ✤
2009 陳年意大利 + 法國蜜月遊記 : Milano 米蘭 + Piacenza
2009 陳年意大利 + 法國蜜月遊記 : 蔚藍海岸 Nice + 摩納哥 Monaco
2009 陳年意大利 + 法國蜜月遊記:奧朗日 Orange + 古堡 Châteauneuf-du-Pape
2009 陳年意大利 + 法國蜜月遊記:Paris 巴黎終結篇
預覽及總結*2014摘星高茶音樂劇5週年倫敦行*
六週年鐵婚曼谷之旅 ஐ Iron Wedding Bangkok Trip ஐ 旅程總結
七週年銅婚 ஐ Copper Wedding Bangkok Trip ஐ 曼谷之旅總結
2017 Sydney Trip Summary ❤ 悉尼8週年陶婚 x 探親之旅

** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~

留言

  1. 海鮮晚餐好正呀,雖然用餐時間長咗啲...我指天光食到天黑,哈哈!其實呢度都係咁,尤其冬天,天黑得好快!

    回覆刪除
    回覆
    1. 時代久遠,其實好多細節都忘了,期待下年summer再去體驗重溫呀

      刪除

發佈留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~