跳至主要內容

Common Grounds:不能說的試食秘密

這篇blog set在出發後刊登,有兩個原因。一來,稿件實在多,將部分blog分流到出發後post,免得整整個多星期沒有文章。二來,這篇blog又有少少吐苦水成分,還望大家勿插,不過即使是插,隔幾天回來再看,也不會太影響情緒~
 

早前在大隻佬寫了一些試食心聲後,引起的回響不少。真心感激支持的朋友,至於不支持的,其實也實在無可奈何,始終寫blog同做人一樣,不可能取悅全天下人。只想講:其實試食也有成本,特別自己身兼母職,真心覺得去試食花的時間很長、很多,食完後還要執相,還要寫文,還要出post等等等,十分繁忙... 所以盡量每星期不參與多於2次試食,而挑選的準則除了餐廳是否吸引或特別,也會看附帶條件,如可否邀請朋友、可否提試食,云云。比較吸引是酒店的邀請,因為他們不太介意OpenRice,寫試食絕沒問題,而類似Marriot可帶同家人一同經歷就更好了。而比較麻煩是小店,很多時都希望不要寫成試食。其實甜魔媽媽都識做,如上次O Delice!的試食,食物及服務的確出色,也想給更多人藉認識它,於是在OpenRice沒剔試食,不過在blog中照實分享出來。就算食評遲些給檢舉,OpenRice再將它變成試食文,至少小店一度給宣傳過。


這間位於上環的Common Grounds,講真食物及環境並不吸引;然而收到邀請時,正值嫲嫲回鄉的黑暗歲月,所以都經whatsapp聯絡負責人,查問試食詳情:負責人沒有說不能提試食,還可以帶同一位朋友去。不過問完還是沒有立定主意去。 



後來劉總也收到邀請,他建議不如連同Oli一起去,當是聚聚,所以才加上老公,7/11的happy friday又一塊兒聚餐。我們吃的是晚市套餐,價錢由$118-158,已包餐湯、沙律、甜品及飲品,以這區來講十分相宜。我們一起選了四款主菜共享。
 
首先是蟹籽火腿沙律,沙律份量不少,內容不算十分新鮮,吃到底的沙律汁還有輕微腥味。不是因為太肚餓,也不會吃清光蔬菜部份。
  

西蘭花忌廉湯就不錯,咸味剛好,忌廉味香濃,而且湯身熱暖,飲完空空的胃終於有了溫飽感。
 

然後四款主菜也上檯了,首先是安格斯西冷扒 ($158),落單時我們要求五成熟,但侍者說牛扒較薄,建議要熟些才好吃,於是我們改要求七成熟,但結果出來差不多十成熟,因此肉質較實。而且牛味不顯之餘,根位都幾多。是全晚最失色的一味。不過這裡的配菜相當豐富,西蘭花、車厘茄及薯仔都新鮮好吃,也挽回不少分數。
 

蜜糖芥末德國咸豬手 ($148) 就好得多,雖然皮不是很脆,但份量真的無得彈,兩個人分享絕無問題;而且豬牛肉嫩、筋位膠位很多,帶適當咸香十分誘人。一定要點上蜜糖芥末同吃,那一咸一甜的滋味十分美妙~
  

除了豬手好吃,底下的酸菜絲比傳統德國餐廳的來得沒那麼酸,口感清爽一些,在吃膩豬手後進食一些,真的十分妙。連同與牛扒一樣的豐富配菜,值得推介。
 

紐西蘭羊扒 ($158) 又有一點水準回落,其實羊扒的肉質及豐腴度不俗,但太騷了。吃羊個人喜歡吃帶羶味的,不過這裡的出品不是正常的羶,還有點騷,直覺是開始有點不新鮮。不過最終吃光一份,肚子也沒有投訴。


最後BBQ烤燒春雞 ($138) 也很不錯,帶點微甜的燒烤醬與春雞很夾,而雞隻烤得很嫩,很多汁,份量不少而肥膏又不多,有水準值得推介。
 

雖然質素有些參差,但無疑這裡的主菜是大份夾抵食,不過服務就差一些,可能是週五吧,人手不太夠,想落單要等頗久,之後要點餐飲也等了一排。飲品方面,Oli的凍檸茶與茶記很似,沒影,劉總的熱檸茶就配以Earl Grey茶包上檯,有夠特別。


而我的飲品quota都轉贈老公了,要睇波的他一連飲了下圖的Iced LatteDouble Espresso (沒拍了),他讚兩杯均水準了得。
 

最後還有每人三粒裝的甜品---雲尼拿泡芙,較為稔身的泡芙底下,是雪糕來的!以這個價位來講,是驚喜的小bonus了。當然,想進一步滿足甜牙齒,我們最終還去了Robuchon


雖不是甚麼特色巴閉店子,服務也實在一般,但作為一個提供溫飽的小店,本來都算值得支持。但臨走,負責人突然交低在OpenRice交食評時不要提試食,就令人有點反感了!其實呢,在OpenRice幫忙不是問題,但不要馬後炮好不好?這樣會令我在幫手時心深不忿。出此文來呻完,同時提醒自己:以後接試食要更加小心了~
 
Common Grounds
地址:上環永和街33號地下
電話:2955 1005
    
** 想收到兩小兄妹的最新消息,可以like一下Matthew and Chloe fanpage哦~~

留言

  1. 我當然無妳這類型經驗,不過負責人嘅要求忽然令我諗起以前租地方住,試過睇完都幾滿意,就順便落訂,典知一落完訂,包租娘娘就多加一個唔準用佢部洗衣機洗襪嘅要求,個包租公見我面都黑埋,就打完場話無所謂。講真,負責人同包租娘娘應該由此至終都無忘記自己有這樣特殊要求,但要等到事後至提出,就好令人反感囉!

    回覆刪除
    回覆
    1. 馬後炮, 的確好難令人唔反感; 不過事過境遷, 其實我都無乜野, 寫出來試下水溫, 睇下大家的反應囉 :p

      刪除
  2. 香港哋咩人都有唯有自己小心D啦^0^永遠支持甜魔媽媽~

    回覆刪除
  3. 很久以前已經有留意你的食評。坦白講,你最近呢2年的文字可觀性下降不少,有部分嘅文章俾人hard sell嘅感覺,有時更有利用小朋友幫手宣傳之嫌。作為讀者嘅我感到有點反感。所以現在我會跳過你所有嘅試用文,只看感覺比較真實的文字。一個原本很喜歡嘅blog變成咁真係好可惜⋯

    回覆刪除
    回覆
    1. 好多謝你真誠的分享, 其實問心我仍然憑良心去寫, 當然越來越多試食/試用, 令到大家感覺商業味濃, 都係合理的. 始終寫blog要有所付出, 讀者要求好睇又好真的免費content時, 同時又冇試用/試食, 講真我無法做到, 唯一係盡量講明係試食/試用, 等大家去分辨~~

      刪除
  4. 我都跟樓上有同一種感覺,廣告/試用文多了,可觀性少了,很可惜。

    回覆刪除
    回覆
    1. 特登寫依篇都想收集下大家意見, 同埋真係好多謝你地長期以來追看我的blog, 我的回應都同上面一樣, 唯有希望你地o係可惜之餘, 都仲o係依個blog搵到有用的資訊, 因為無論試用/食或自己去食去玩的經歷, 我都真係用心去寫的~~

      刪除
  5. 我公司成班女同事會blacklist所有你既試食試用,呢個就係我地既答案,因為你已經超出太多。

    回覆刪除
    回覆
    1. 可以呀, 所以我都o係新blog加左label, 大家不喜就勿看啦~~

      刪除
  6. 無意中路過,原來係曾經關注過嘅blogger。由於內容太煩厭,令人吃不消。一早已經冇睇嘞!

    回覆刪除
    回覆
    1. 多謝你曾經一度錯愛關注過, 有緣再會啦~~~

      刪除
  7. Alina意見:
    盡量試食前問清楚細節,減少試食,樹大有枯枝,重質就要捨量。

    haitang

    回覆刪除
    回覆
    1. 講真, 今次依篇有d拋磚引玉, 好想知道各界對試食的意見, 非常感謝你咁詳盡咁留言俾我!! 真係好感動, 因為世界太大太多人太多角度, 我冇可能兼顧哂, 而妳的意見同睇法係我會比較信任同尊重的~~

      其實依家都推左好多好多, 以後真係再問多d詳情先接

      刪除
  8. 改善表達手法,好似本篇咁「雖不是甚麼特色巴閉店子,服務也實在一般,但作為一個提供溫飽的小店,本來都算值得支持。」實在莫名其妙。提供溫飽的小店到處都有,講平佢又平唔過連鎖快餐店,又唔係好食,服務又麻麻,點支持得落手?

    haitang

    回覆刪除
    回覆
    1. 可能我對依間野有少少心病啦, 寫到灰左, 其實佢的豬手餐真係好食同抵食的, 春雞都好唔錯, 加上沙律同餐湯, 以及有水準的咖啡, o係中上環區的確係抵~ 快餐店我太少去, 冇法比較, 但印象中應該冇豬手的?

      刪除
  9. 勉強寫好事後又踢爆既事唔好再做,你咁樣會令人懷疑所有寫好既都係假既。如果你大失民心,無哂公信力,就唔會再有人搵你試食試用,始終代言人形像係品牌最重視既。其他餐廳見到你咁做法又會有咩感覺?樓上有一留言話blacklist你既試食試用,雖然語氣不好,但係說明已經出現杯葛情況。佢肯講出來都算有心,你睇愚太果篇呃like不易就知,好多人係日日來睇完就算。在你睇來佢地係來睇免費野,不過無佢地來睇亦無你既免費試食試用,你有付出佢地對你也有貢獻。

    你既試食試用唔係只寫俾朋友睇,得朋友支持你無用。如果你想長久走下去,都要學下些少公關技巧。

    haitang

    回覆刪除
    回覆
    1. 其實妳講中左我的問題, 我自問寫野都幾直下, 真係唔太識公關技巧,名blogger應該唔會有我份, 但前面條路要點行好呢, 其實我唔知, 但我自問又鍾意寫, 唔會想停止~~

      出依篇文, 除了希望知多d大家的意見, 另一方面都係想d餐廳/PR唔好搵我太多, 始終有得考慮都要煩, 所以暫時都係最傾向同酒店work, 因為一定唔會唔俾提試食試用.

      最後, 個人一直覺得試食不等於幫餐廳賣廣告, 但好多人都覺得一試食就一定假, 想打個依個睇法似乎冇乜可能了

      刪除
  10. 留言係咪有字數限制?post左幾次都失敗 >.<
    分3個留言出先成功 。。。

    haitang

    回覆刪除
    回覆
    1. 之前從來未試過, 聽妳咁講相信係字數限制, 真係好多謝妳咁有心分享丫.....

      刪除
  11. 我之前係因為無意中見到你篇講人奶既文章而開始追post 之後你讚好用既乳墊同片都即刻買黎試 但用後感覺非常差 果時都唔明點解咁你都會話好用 而家我知道原來係要賣廣告 :(

    回覆刪除
    回覆
    1. 相信妳講緊的係Combi? 個篇我算係幫公關手宣傳個新e網, 但乳墊係俾錢買的, 可能第一胎冇乜用即棄的乳墊 (個時用清洗型已經ok), 加上每個人要求唔同, 以消耗品來講, 佢唔駛$1一片, 我覺得係抵喎, 又冇pigeon咁厚. 當然如果講超好用, Combi一定比不上六甲村, 但六甲村d野o係香港賣得好貴, 如果有機會去台灣就大量掃貨啦, 平好多的

      刪除
  12. 雖然感覺可惜,不過都盡量尊重,始終每個人有權選擇自己既生活方式。雖然你話不想變成全商業化,不過你自己計下廣告佔幾多,每次來看到都是試食試用。我無買過你試用產品,當中確有非常吸引我的。試食則大多比較貴,也沒法去試。

    見過幾面的某PR

    回覆刪除
    回覆
    1. 我唔知道你係邊個area的公關, 但其實除非另外有incentive, 我自己睇試食試用唔等於廣告, 餐飯/d野真係唔得的, 我會o係blog中講出黎~~ 而暫時的試食試用, 可能我笨左, 絕大部分都係冇incentive。講真我有個疑問, 如果公關睇提出試食試用就=落廣告, 咁樣blogger o係大家心中地位都頗低???

      刪除
  13. 我都係飲食blogger,偶然有護膚品試用,因為都係大牌子,實有支持者,我先接。如果我自己都覺得唔好用,寧願唔出文,一定唔會違心唱好。

    回覆刪除
    回覆
    1. 多謝你的分享, 其實我都考慮緊, 一d好似上文的食評只o係OpenRice求其出, 滿足左小食店的要求就算, 唔好落blog, 就唔駛咁多noise. 試食試用太多, 都真係煩耶~~~~

      刪除
  14. 我係美妝blogger,人地好羨慕我有好多skincare產品唔使錢任用,只係有苦自己知!本身皮膚有小小敏感,用多左各牌子之後敏感嚴重左。試過睇醫生使左$7xxx,又唔可以直言係咩產品令到我咁,好痛苦!

    回覆刪除
    回覆
    1. 依家我表面上繼續試唔同產品,實際用既人唔係我。我影完相就送人,人地話好用我就寫好。我自己只用醫生俾既,用左大半年,穩定左好多。我都思考緊條路點行。。。。。。

      刪除
    2. 真係好可憐, 但無辦法幫妳做決定, 始終所有的得著同付出, 除了自己無其他人可以衝量到~~~
      或者, 試下搵下慢慢改變路向的可能性?

      刪除
  15. 越睇越忟。綜合大家俾你嘅意見,你個blog實在太多試用試食,太過商業。你又反駁「如果公關睇提出試食試用就=落廣告, 咁樣blogger o係大家心中地位都頗低???」。其實你想聽d咩意見?問心,公關邀請你試用試食嘅目的唔係為宣傳係為乜?純粹飲食交流?香港有幾多人好似蔡瀾般識飲識食?好好想想問題所在吧!

    回覆刪除
    回覆
    1. Btw,你呢幾日嘅遊記反而有返幾年前舊blog嘅感覺,令人看得舒服。加油吧!

      刪除
    2. 其實睇左咁多回應, 雖然唔認同, 但都明白好多人覺得試食就等於廣告了.... 好老實講,一d幾十蚊至百零蚊的大眾化蛋糕/甜點, 食左有幾著數? 講真都想大家多個channel, 多個意見去選擇啫, 而我亦相信會有部分讀者都重視依d意見的~ 所以我都會繼續去寫月餅的食評, 講真誠心的程度同遊記無分別! 但如果睇落唔舒服, 唔想去相信, 就可以skip過所有的試食試用唔睇, 只睇我自費的食記遊記啦!

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~