探車車 + 美味羅家私房菜

想見車車又想食羅家私房菜好耐啦,終於上週二成局,超級開心,甜魔媽媽冒著累死的危險,先是下午在葵芳遊樂場與Matthew放電,後是再訪東薈城 (果然又敗家了... 原來我很有天份嘛! =P),夜晚也照樣湊著兩件上來東涌。還好嫲嫲也來了幫手。


但,再辛苦也是值得的!! 因為車車真的很可愛~~~ 眼大大又精靈,果然盡得車媽媽的優良血統! 雖然車媽媽一直說車車比較惡,但其實都OK呀,一靚遮三惡呀! 但很自責是事先不夠時間shopping,在東薈城又沒有適合車車的禮物,唯有遲些再補上啦~~


車車真係好靚好可愛呀!!


影完車車,又影下小兄妹;明顯Matthew就是吃貨,一上去就飲了人地一大杯洛神花茶,仲飲到咀仔都紅哂!! Chloe妹妹來到新場都冇驚驚,仲幾開心探索新事物呢~~~
 


Chloe見到車車,唔驚,好叻叻!! 但其實都要讚車車好乖,沒怎樣吠妹妹;據車媽媽講,平日車車經常吠手抱BB的~~~
 






車車真係好可愛~~~~~
鏡頭回到為食Matthew,雖然當日午餐他食到超級飽飽,但去到夜晚七點多真的餓了,忍不住要由廚房偷食。令人好笑又好氣的是,他不願意將偷食的食物與媽媽分享,卻要與靚姐姐Oph分享,正正就是爸爸講的「有異性,冇人性」!!!
 

之後羅家私房菜宴也開始了,車媽媽真是十級勁,邊煮還要邊招呼我們,一個人煮出了9-10人的豐富菜宴,簡直令人眼界大開!!!

熏蹄 + 原味/辣味海蜇絲,兩款都好好味好得!
惹味香辣口水雞
Oph炮製的泰式三文魚,又係好得!
仲有自家靚湯,鮮甜好飲,飲了兩大碗
有抹茶卷蛋做間場,Yummy!
嘩,連蟹都有得食,好多膏好吸引!!
仲有靚蜆,老公食到停唔到口!!
魷魚
大蝦粉絲
好適合Matthew的蒸水蛋,中間有極多元貝!!!!!
仲有炒露筍,太靚啦!!!
來到甜品環節,是晚也絕不野少,十分的豐富吸引~~~~


第三次品嚐Petite Amanda的出品,喜歡檸檬撻及榛子味拿破侖!
Matthew也吃得十分開心
玩得盡興,又食得萬分飽足的一晚,下次要轉場來元朗品嚐郭師奶私房菜,不過下廚的不是甜魔媽媽,而是廚藝高強的嫲嫲!! 十分的期待啊~~~
 
** 想收到兩小兄妹的最新消息,可以like一下Matthew and Chloe fanpage哦~~

14 則留言:

  1. 妹妹好似有少少驚, 不過都好叻啦~ 車車又好乖~

    回覆刪除
    回覆
    1. 當晚妹妹同車車都好乖又叻叻啊! =)

      刪除
  2. 妹妹同車車對望個樣好得意呀,好似兩個都對大家有好奇,但係又唔想對方行得太近,兩個都咁可愛!

    回覆刪除
    回覆
    1. 如果下次再見可能就會friend好多了, 好期待呀! =)

      刪除
  3. 好期待呀,好想快D到果日
    最搞笑的係妹妹冇電的樣

    回覆刪除
    回覆
    1. 都係架, 可惜我抱住妹妹冇影到啦

      刪除
  4. 當晚真係超開心呀,車車對妹妹真係好溫柔呢~我都好期待試嫲嫲手勢不過辛苦晒嫲嫲喇^0^

    回覆刪除
    回覆
    1. 個晚真係辛苦哂妳呀! 不過作為一個煮人, 辛苦得黎會同時會好有滿足感, 相信嫲嫲都係一樣~~ ;)

      刪除
  5. Matthew仲話要同oph姐姐一齊瞓tim,wahaha
    期待麻麻飯局

    回覆刪除
    回覆
    1. 個隻正一超級好色仔, 唔知當晚會唔會拉住唔俾Oph走, haha

      刪除
  6. 咁快有異性,冇人性? 青出於藍自邊度呢。。。。

    回覆刪除
  7. 車車好可愛啊!可能車車見妹妹一樣可愛,就不吠了~~ ^^

    回覆刪除
    回覆
    1. 車車真係超級可愛架, 超級鍾意佢左好耐了~~~

      刪除