吉百利爆脆系列 ~ 開心全新口味!!

天氣繼續陰暗有雨，真悶人... 不過也無損甜魔家的開心甜蜜指數，因為吉百利又有新口味：繼早前的OREO口味吉百利，吉百利的Marvellous Creations (前作按此) 又推出了全新爆脆系列，多謝公關的厚愛，甜魔家又有幸收到禮包分享了! =)　
　　

要讚吉百利真的創意無限，又有心思，今次的新朱古力是連同一部迷你夾糖機送上，小甜魔Matthew一打開即無比的興奮呢!!

而由於Matthew仔 (還有爸爸!!) 太聚精會神去研究夾糖機，估不到反而讓Chloe妹妹有機會手握朱古力，看來她將來也鐵定是個甜魔妹妹!

好好玩，好認真

兩父子一起研究

Chloe妹妹就趁機拿起朱古力了!!!!

Chloe: 趁冇人為意，等我大啖大啖咬先~~~~

好有咬口呀~~~~~ XD

食完朱古力再食棉花糖，仲有香蕉軟糖先~~~

Chloe: 唔，對於我的櫻桃小咀好似大左少少添~~~~

原來Chloe的食相一點不比Matthew哥哥失色呢! XD

Matthew: 「傻妹，妳都未開，點食呀??」

好啦，玩完影完一大輪，也是時間品嚐兩款新口味：甜魔家先試「香脆花生 + 香蕉軟糖」的組合，吉百利的朱古力向來夠滑，今次加上香蕉味組合好正，花生又夠脆，好味道!! 比起前作的Jelly Beans、蜜糖脆脆及爆炸糖「爆脆系列」，甜魔媽媽更加鍾意這新創作呢~~
　

另一新作是「棉花糖 + 紅莓脆脆」，它的特點是一軟一硬，又煙韌又脆卜卜，口感十足，也是有趣的新嘗試。另一點要讚是吉百利採用了特別朱古力模，令到每一粒朱古力均以不同形狀示人，帶來更多驚喜開心滋味~~

吉百利牛奶朱古力｢爆脆系列｣50g的建議零售價為$11.90，現於各大超級市場及便利店有售了，想試就買回來開心一下吧~~~
　
　　
** 想收到兩小兄妹的最新消息，可以like一下Matthew and Chloe fanpage哦~~