跳至主要內容

媽媽坐月期的越獄食記 (1) ~ 嫲婆生日快樂!

嘩哈哈哈,為食的甜魔媽媽其實上週五已經在坐月期出街食飯了! 嚴格來說這也不算越獄啦,因為是慶祝嫲嫲的生日,沒理由繼續又要她煮飯嘛;原本大家甚至想到不如大家落樓吃飯,媽媽一個留家吃飯算了,但經過一番討論,最保守的嫲嫲最終也批准媽媽落街了,於是一家人就到了樓下的飛陽砂鍋粥潮州打冷小廚吃飯啦~~ ^___^

當晚的菜式,終於不是雞酒/薑醋了!!!
其實食物只要其要,媽媽能夠落樓呼吸一下新鮮空氣,已經很開心了! 講真,人奶媽出街吃飯並不算方便,當晚媽媽都沒敢碰蠔仔粥 (因為味精多);也沒怎麼吃滷水鵝片,本來鵝我一向沒禁忌,只是見大家喜歡就不多爭了,而且見到底下的豆腐,我傷心啊.... > < (妹妹腸胃受不了寒涼的豆腐!) 去到魚香茄子煲也怕太油,只淺嚐了2件;全晚吃得最多的,是金銀蛋莧菜,以及菜芯炒牛肉的菜芯,牛肉也沒多吃,因為覺得「拿」得非常緊要;最後沙拉骨也吃了件半,再加白飯一大碗!
 
不夠飽? 不會啦,回家還有蛋糕呢;從來嫲嫲及婆婆每年的生日都很近,今年更是只隔一天,所以當晚也一起慶祝了! 不過大家心裡都知道,吃蛋糕的主角其實不是任何一位9月壽星,而是下個月才生日的Matthew仔~~ 

又有蛋糕食/吹,Matthew仔最開心了!!!
不過好動為食豬Matthew玩了整個下午,晚餐時已經沉沉睡了,去到8點媽媽才勉強捉他起身,但明顯有人未瞓夠呢.......

我仲係好眼瞓呢......
唔,但又冇理由錯過吹蠟燭架......
好,要精神!!!!
又睇下爸爸影的大機相啦,明顯為食Matthew對影合照興趣不大,雙眼注意力只放在蛋糕上... 
 


嫲嫲抱埋妹妹來影相,有人等到不耐煩,打哂「喊露」!!!!! Hahaha~~~~ 最後再來大合照時,有人直情面露兇光了......

打哂喊露
面露兇光
好啦好啦,俾你吹完快快食啦!!! Matthew都不知今年吹第幾個蛋糕了,不過仍然超級鍾意;而更加開心是之後自己分一大件大蛋糕,不要小看他,為食豬真的吃得完的!


我唔止獨自分一大件蛋糕,仲要自已叉來吃!!
Yummy!!!
還有當晚其他花絮~~~~~~~

叔叔、嫲嫲、爺爺與妹妹
婆婆與妹妹


** 想收到兩小兄妹的最新消息,可以like一下Matthew and Chloe fanpage哦~~

留言

  1. 回覆
    1. 係丫, 佢地兩兄弟好似樣, 只係叔叔較瘦, 爸爸就中年發福....!! XD

      刪除
  2. 嫲嫲及婆婆每年的生日都很近,今年更是只隔一天 <-- 佢地慶祝舊曆?
    matthew仔個樣真係好眼瞓...所以目露兇光都絕對正常 XD

    回覆刪除
    回覆
    1. 婆婆慶祝新曆, 嫲嫲就慶祝舊曆, 不過依幾年keep住都好近呢~~

      matthew擺到明勁唔妥我地影咁耐啦... 目露兇光真係笑C我! XD

      刪除
  3. 祝嫲嫲&婆婆生日快樂,身體健康

    回覆刪除
  4. matthew訓緊覺都肯起身冇喊都唔錯嫁啦

    回覆刪除
    回覆
    1. 梗係啦, 佢知道有蛋糕食/蠟燭吹嘛, 起身時自己都係度「happy birthday....」啦!! :p

      刪除
  5. 祝婆婆嫲嫲生日快樂,身體健康,開開心心^^
    Matthew 真的無論眼訓呆豬, 為食樣定兇惡樣都一樣咁可愛,wakaka >3<

    回覆刪除
  6. 內地標準,乳母每日攝取量:鈣1200mg、鐵25mg、鋅21.5mg。
    你自己計下數下,不要相差太遠。

    haitang

    回覆刪除
    回覆
    1. 最怕計數, 總之我會keep住3份高鈣食物 (奶/芝士/遲d yogurt), 然後盡量揀高鈣的菜/豆食啦 :p
      鐵質依排食得肉多, 應該都冇少, 但鋅就唔記得邊度吸收添??

      刪除
  7. 祝婆婆嫲嫲生日快樂!! 你好快就坐完月啦!!!

    回覆刪除
    回覆
    1. 多謝, 我超想快到d到9/30呀, 個日我會提早俾自己放監去慶祝老公生日, haha!!

      刪除
  8. Matthew就快可以吹自己生日蛋糕啦

    回覆刪除
    回覆
    1. 仲要過埋爸爸的假生日, 就到matthew真正的生日啦, haha~~

      刪除
  9. 嫲嫲每次同兩粒乖孫影相都笑得十級燦爛!!
    比個like嫲嫲先!

    回覆刪除
  10. 祝女麻女麻生日快樂
    叔叔同爸爸超似樣呀...我頭先一睇...真係以為係爸爸呢...

    回覆刪除
    回覆
    1. 代嫲嫲多謝妳~~
      haha, 其實細心睇下, 叔叔比爸爸瘦好多好多呢!! XD

      刪除
  11. 為食豬matthew打住「喊露」切蛋糕,但一食蛋糕時就精神晒,笑死ee

    回覆刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~