跳至主要內容

ToTT's and Roof Terrace ~ 最後的二人時光? (Yahoo copy版)

寫文之時, 肚中妹妹仍未有動靜, 既然如此, 產假中的媽媽就好好享受這最後假期, 開心放鬆食食食啦!!    上週二, 就同老公到怡東酒店 ToTT's and Roof Terrace , 嘆了超正一餐lunch!  
 


其實揀來 ToTT's , 除了因為它的環境超正超煞食, 而且仲有HSBC白金卡的生日優惠, 星期一至四可享75折優惠, 兼送一磅生日蛋糕!!  



當日老公上午要返工, 早到的我自己上去先~~ 餐廳位於酒店34樓, 要經一條走廊先抵達!



由於餐廳不招待BB, 今日就難得兩口子浪漫撐檯腳啦~~~ 環境真係好正, 冇揀錯!! 
 


馬上用手機影了相post上facebook, 引來不少艷羨的like, 哈哈~~~ 
 


最衰老公冇帶大機, 否則影出來的效果仲更加迷人丫~~~~~ 



依度週一至五供應$248 / 兩道菜午餐 OR $318 / 三道菜午餐 OR $278 buffet only OR $338 buffet + 主菜, 睇完buffet陣容我同老公都決定揀buffet, 因為選擇雖不多, 但都好吸引! 

首先餐湯有Seafood Chowder, 成品唔重海鮮味, 但有好多雜菜粒其實我仲鍾意呢~~~ 



個湯拌上微燶好香口的脆包, 好正架, 另外仲有媽媽大愛的芝士, 連不同的condiments!! 



有三款cold cuts及火腿, 另外仲有蜜瓜同哈蜜瓜拌食添呀~~~ 



煙三文魚又係媽媽至愛, 妹妹要吸收多d DHA呀~~~~ 



buffet亦包括海鮮併盤, 當中爆膏的龍蝦仔係我至愛, 食了超多隻, 好滿足!! 



老公鍾意的壽司都有供應, 其實淨食buffet都夠飽呢~~~



沙律吧又係我的至愛, 當日都食了2-3兜~~~~ 





仲有一D冷盤同意式沙律, 當中吞拿魚沙律都唔錯架~~~



其實, 可以勁食新鮮吸引的水果, 都係我地揀buffet的一大原因呢~~~ 



依度的甜品選擇唔算好多, 但味道都好出色, 令人留下好深刻的美味印象!! 







老公抵達時已是1:15pm, 快D開動啦!! 媽媽的第一碟要了豐富清甜的生果, 內容包括打底之寶火龍果, 明目有益的藍莓, 維他命C含量極高的奇異果, 以及營養超豐富的木瓜, 正!! 


老公的沙律都好清新吸引喎, 當中的吞拿魚仲好正添, 加埋一齊好好味! 



等我第二碟又去拎沙律先, 媽媽最鍾意食Caesar salad啦, 加少少火箭菜更加清新美味, 再加上更多的生果, 係個非常健康的打底頭盤呢~~~ 



老公的第二碟, 除了生果同意式頭盤, 又拎了Macaron, 水準都唔差呢! 又諗起為食Matthew添~~ 



沙律太好味啦!! 意猶未盡再拎多碟, 今次加埋吞拿魚、煙三文魚、parma ham加蜜瓜, 真係好豐富又美味丫~~~ 



老公忍不住率先向壽司, 以及龍蝦仔進攻了; 據佢講壽司質素一般啦, 龍蝦仔就超得了! 



我都想食海鮮啊... 不過飲埋份Seafood Chowder暖暖胃先; 講過啦, 好鍾意份湯有大量雜菜粒, 味道清爽不膩, 勁o岩孕媽媽胃口呢! 



拌上微燶的脆包, 以及美味的芝士 (幾款都好食喎!!) + cracker, 真係美味又滿足呢~~ 



hehe, 趁最後的機會嘆埋海鮮先, 真係要讚依度的龍蝦仔超鮮甜好味, D膏多到爆!!! 



請睇       !!!!!!!


由於buffet內容太豐富, 我地只當了一份主菜分享~~
 
老公揀了LAMB -- Roasted Rump, Rosemary Risotto, Confit Garlic, Eggplant, 成品賣相比較衰, 但羊後腿肉味夠濃夠出, 幾好食架! 而且意大利飯口感好好, 淡淡的香氣相當吸引呢 



不過我都係最鍾意食龍蝦仔.... 是前前後食了8隻? 9隻? 唔記得了~~~~ 



開始食甜品, 士多啤梨撻, 紅豆日式芝士蛋糕, 果仁撻, macarons, Tiramisu, 朱古力撻, etc....


其實全部質素都有返咁上下, 當中特別推介圓形的朱古力撻~~~~ 



因為除了朱古力味夠哂香濃, 中芯位置仲好moist, 有少少心太軟feel!! 



馬上拎多兩件, 同時試埋另一款新出甜品, 有少少hazelnut味兼有脆底, 又係超爆正喎! 
 


忘記了 (記得都唔理lu) 食多了會頂住個胃, 再去拎多兩件新甜品 + extra朱古力撻先!! 



老公都食得好飽好飽, 懶理我瘋狂掃甜品, 自顧自食生果解滯~~~~ 



最後的餐飲我要了凍檸茶少冰, 老公要了Mocha, 心型好鬼靚, 質素仲唔錯添~~ 



好可能係最後的二人時光, 真係好滿足!  而因75折關係, 埋單先$530咋, 抵抵抵抵~~~ 

仲有一個蛋糕帶返屋企俾Matthew仔吹, 不過要到第2晚先得閒食, 因為當晚我地又要出去食飯呢 
 


今篇純粹二人世界, 遲少少再post為食豬食蛋糕的相+ video啦~~~~ 
 
** 來到39週, 媽媽真係隨時作動入院生得!! 由於Yahoo Blog係預先寫定set時間出街的, 未必咁快update到, 如想緊貼情況, 請likeMatthew and Chloe fanpage, 以得到最新通知 
  
** 真係估唔到Y! Blog要執.... 可能會改去 --> http://gourmetyan.blogspot.hk/, 但一日未肯定前, 同時最好大家Like定Matthew and Chloe, 以保持聯絡呀! 

留言

  1. 沙律好新鮮呀龍蝦仔竟然甘多膏正呀

    回覆刪除
    回覆
    1. 超正, 不過yahoo版睇先有咁清咁正, blogspot真係.... :(

      刪除
  2. 個BLOG既版面真係好唔同
    要加油慢慢用熟D

    回覆刪除
    回覆
    1. 版面唔同都無所謂, 我好介意兩個版面的相片質素相差好多呀!! > <
      妳有無同樣煩惱? 所以都打算轉去chiba78?

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~