跳至主要內容

Ruby Tuesday + Office Party Day

熟悉媽媽的朋友會知道,我習慣打定很多篇blog,然後排好時間每晚8點出... 8月尾得知Yahoo Blog要結業之時,其實已經寫好了9/4的blog了,這篇其實也是8/31,第一次在blogspot寫的文章,出文之時到底又發生了多少事,其實真的很難說呢...


不過正正因為世事多變,媽媽先特別鍾意食左先算;上週五一家四口,就趁爸爸唔駛返工,出發去「Summer姐姐」的office party前,到荃灣廣場的Ruby Tuesday食lunch~~


其實媽媽對Ruby Tuesday有一份情意結,除了因為超喜歡它的Chocolate Tallcake (相信沒有甜魔不愛啦!!),還有就是2011年第一次帶Matthew出尖沙咀,就是在新太陽廣場店吃lunch, 頗有回憶~~ 事實上,這裡算是幾baby-friendly的,而且Matthew仔日大差不多可以order Kid's Menu了!



是日我們真的點了一份成人set lunch + 兒童套餐,首先是set lunch的餐湯 (也可揀沙律) +麵包,餐湯是蘑菇湯,菌味幾濃郁,唔錯,同上的麵包也鬆軟,媽媽幾喜歡的!
 

其實Matthew在出來前已經吃飽了粥仔,所以見到麵包籃沒有爭食,只是當它是投籃機般玩,haha,令到媽媽馬上諗起田鼠B... 哎呀,你們一家遲些搬去那裡?? 又忍不住傷心了....


都係繼續寫返開心野~~ 兒童餐有無限re-fill汽水或者果汁,當然揀了較健康的後者,份量唔少的,媽媽同Matthew都夠分;set lunch的飲品就交俾爸爸揀了凍啡,超大的一杯,而且味道都唔差呢~~~


主菜有兩款,先是迷你露比漢堡 ($82),細細件但質素唔差,除有半融芝士中間的牛肉也香口柔嫩,媽媽同爸爸一人KO了一件;也欣賞伴菜有新鮮的西蘭花,加上為數不太多而香脆可口的薯條,滿足口腹之餘,感覺也不會太不健康!


另一份是特別點給Matthew的意式肉丸意粉 ($68),那香脆的蒜茸包又是收歸爸媽肚子裡,但那微帶酸甜蕃茄味又al dente的意粉 (真的!! 我也估不到呢) 就是Matthew仔的至愛了!!


BB的吃相就是沒有儀態可言啦,不過也實在可愛極了,媽媽一手揸相機影相,一邊又要用手機影相,忙壞了!!




最近在忙Matthew and Chloe的facebook fanpage (記得幫忙like!),這張就是整成品了!! 還不錯吧?

https://www.facebook.com/photo.php?fbid=720922374600014&set=a.716235361735382.1073741828.716222095070042&type=1&theater

兒童沒有頭盤的湯或沙律,不過吃完主菜後就有一杯迷你新地,口味可揀雲尼拿或朱古力雪糕,當天為Matthew點了後者,等媽媽也可以滿足自己的朱古力心癮,嘿嘿~~~


美式餐廳的甜品真的很巨型,其實對於正常人來講,迷你新地的份量也不算太小了,可是一旦與媽媽之後散點 (也是今次來的主要目的,嘩哈哈哈!!) 的Chocolate Tallcake ($138,惠顧午餐可半價選點) 相比,就顯得非常細小了!!!


要講這個Chocolate Tallcake除了身量巨大,味道也實在很讚呀! 超喜歡那鬆軟又有朱古力夾層的蛋糕,加上香甜的雲尼拿雪糕並適當的忌廉真是美妙極了,媽媽食到頂住個胃都要堅持繼續呀~~~


好在是日仲有小小甜魔生力軍Matthew仔~~ 為食豬的食力一點不差呢,表現絕對比爸爸好!


  
嘻嘻,最後順利整杯KO! 又於產前完成多一個心願,超滿足超開心呀~~~


不過為食豬仲未食完.... 原來有人連ketchup都唔放過,仲搞到自己變成烏咀豬添,OMG!!!


唔得喇,真係要埋單走人,因為我地仲要趕去九龍灣參加family day party!!! 雖然地點較為隔涉,但場內真係好多野玩,有魔術、有遊戲攤位,又有好多小食,勁多小朋友同家長玩得勁開心!


Matthew可能上場食得太飽 (梗係!! 成兜粥仔再加咁多意粉、新地同tallcake...),車程中沉沉睡著,一醒來第一件事就係俾人印上Playboy兔仔閃粉紋身! 哈哈,襯哂佢啦~~~


之後去玩跳彈床,上一次o係Friso的彈床喊到C了,今次豬仔卻好enjoy呢!! 玩到唔願走~~~



之後去玩筆雪糕,個game要求小朋友要有好好的手部肌肉控制,對2歲未夠的Matthew有點難度喎......


不過o係爸爸同職員姐姐都幫手的情況下,Matthew順利得到中獎,有個b. Duck的襟章,好開心丫!!


之後再向高難度挑戰,去玩穿越電流陣... 依個唔好話小朋友,俾著我都未必玩到呀!!! 


之不過姐姐對於Matthew的表現非常鬆手,最後好順利「完成」賽程,又得到一張sticker啦!!



另一方面,場內又有好多野食,包括蛋撻、爆谷、腸仔、雞翼、餅乾等等等,不過唔係全部都o岩BB食,當日爸爸只分了半條腸仔俾Matthew,大家睇佢個表情即時幾囧!!


滋味食餅餅~~~~


開心食棉花糖,後來痴到成臉都係!!!


依個表情唔好再爆笑D!?!?!?


哎呀呀,食爆谷整到人地成地都係,真係無眼睇............ 


最後我地仲去影埋大合照,整個合親子家庭襟章,好sweet好正呀! 不過襟章size較細,容納唔到妹妹Chloe,唯有另外自己影張一家四口的大合照啦~~~




是日可以又食又拎又玩,渡過一個超開心的下午,真係要多謝哂「Summer姐姐」丫~~~



另外仲有2張Facebook已張貼的合成相 (大部分相都係草草影的,多謝!!),可以紀錄當日的歡樂時光~~~
  


** 來到39週, 媽媽真係隨時作動入院生得!! 由於Blog內容係預先寫定set時間出街的, 未必咁快update到, 如想緊貼情況, 請likeMatthew and Chloe fanpage, 以得到最新通知




留言

  1. Matthew拎住綿花糖個斜啤樣勁掂呀,仲有呀yan呢度留言blogspot係預設咗驗証碼架要我哋自己去校返先唔使打碼留言

    回覆刪除
    回覆
    1. 原來blogspot有咁o既setting, 多謝妳提醒呀!! ^3^

      刪除
  2. 終於搵到你,但點解add吾到你既???

    回覆刪除
    回覆
    1. 我add左妳落友好網誌喎, 但都好似google plus中圈唔到妳.. 其實google的操作真係唔係好熟呢~

      刪除
    2. 我都係未add到你,好鬼煩!

      刪除
  3. 個Set lunch $8x ? 拱又好抵喎

    回覆刪除
  4. 妹妹好可愛, 恭喜恭喜.

    回覆刪除
  5. 恭喜Yan弄瓦之喜!! 祝寶寶聽教聽話, 美麗動人, 主恩常佑!!!

    回覆刪除
    回覆
    1. 多謝妳的祝福呀, 真係好o岩聽呢, hehe~

      刪除
  6. 好期待有關chloe既blog文呀!

    回覆刪除
  7. Matthew 仔太太太可愛了~
    主佑兩個寶寶快高長大, 相親相愛, 身體健康.

    回覆刪除
  8. 唔使客氣呀,我果日都玩得好開心呀哈哈 :P
    btw, 我以為妳去左九龍灣的ruby tuesday?

    回覆刪除
    回覆
    1. 係荃灣呀, 因為考慮緊matthew 2歲party o係荃灣西搞~~

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~