跳至主要內容

未到40週,搶先出世的Chloe妹妹!!



沒錯,甜魔小妹Chloe已經搶先於9/1 (日) 凌晨出世了!!

在記錄妹妹的產記以先,請容媽媽向自己的自由時光道別.... 可知道,今天(9/6)其實才是妹妹Chloe的預產期,由於媽媽今胎的肚子真的很大,也有想過大隻妹應該會提早出世;然而開始放產假後,大概是心情輕鬆了不少,又覺得想生產的感覺不強,妹豬似乎會留多一陣,特別很多老人家都說女孩子一般會遲些出世,那就正好給媽媽多享受自由自在的輕鬆一週囉!


還記得,上胎產假又未生得的日子其實頗悶,不過今胎有了Matthew,生活又怎可能沉悶呢? 單是生日時買的一盒Pierre Hermé Macarons,都夠為食豬爆足笑料了!!


其實媽媽都已在小兄妹的facebook fanpage update,不過這裡也再打一次啦:今朝Matthew上午茶食了两粒Pierre Herme macarons,食時梗係好滿足啦,但食完即扭計想要多2粒…… 媽媽唔俾,佢退而求其次要一粒,但媽媽堅持聽日先再食,結果為食豬爆喊!!


另一天:講過要算數,琴日朝早真係請Matthew食埋最後2粒macarons~ 不過貪心豬一黎貪心開價要Ten! 後來減到three,好在最後食左两粒後冇再嘈! 


仲有Kisses的cupcake,為食豬又係好鍾意,不過今次影不及相啦~~~


講明是甜魔媽媽嘛,也趁坐月前去Euro go go飲多次凍朱古力,hehe~~~


講開朱古力,其實還有兩盒Godiva的美味朱古力,都是友人們的心意,很感激!! 可惜食了第一盒後,第2盒已經來不及吃啦..........




除了吃,放假也很開心的同Matthew遊玩;除了早前的朗豪KT展及Office Party,8/29當日魚子醬也來探訪了Matthew;相差一歲的兩隻小豬,同樣的活潑可人!!

合成圖沿用素素媽媽

11月大的魚子醬,與Matthew一樣都是早行路的寶寶,一樣的八卦好動;當然23個月大的Matthew會來得更加馬騮,這大概是近2歲的男孩的共同之處,希望接下來素素要好好加油!





玩玩下又會匿o係椅底扮喊,出到公園又要玩單槓,精力無限就係Matthew好動豬!!!



不過自由自在的日子總會過去,其實Chloe揀的出世日子都真係好fit.... 9/1 (日) 的半夜3點,媽媽感覺到陣痛醒了,馬上通知爸爸;之後開始計時,知道大約5分鐘就規律痛一次,是真的陣痛了,就馬上安排好Matthew(姐姐逢週日放假,平時的週六夜晚Matthew會過來與我們睡,所以當晚我們要叫醒姐姐代為看管Matthew,同時致電老人家週日早上過來照顧Matthew),然後執起走佬袋就搭的士入院了!


與上胎一樣,媽媽今胎也是打算順產揀了屯門醫院,所以很快約4:00AM已經進入七樓的產前病房~ 與上胎一樣,入院時媽媽只開了一度左右,所以要在床上等。經歷過生產的媽媽應該知道,初期的陣痛都痛,但忍得過去,而且隔得較疏,不難忍過去,我還有時間與心思去update facebook status呢...

不過很快未夠5:00AM,我還未感到陣痛加密加劇,姑娘已經憑讀數要求轉送我到產房了;那時我還心想:沒那麼快吧? 上胎我也在醫院過了6-7小時,才開到三度要入產房呢! 可事實證明她是對的,進入產房不久,陣痛就開始加劇加密,約在5:15AM左右已經痛到要直吸笑氣(還好屯門醫院剛於8/30回復笑氣供應,不然我更慘了!!)止痛,並馬上致電老公要來產房了!! 講起上來,他與我一樣沒有預期我那麼快生,還在樓下泡了杯麵,差點吃不及,haha~~

其實吸笑氣也要講timing的,有了上次的經驗,媽媽今次的timing掌握得很好,感到效力非常強,勁整個人都是暈陀陀,但在暈的同時,仍然感到超強烈的陣痛(聽了好幾位二任媽媽講,生第2胎會快些但也更痛,原來是真的!),應該是因為那陣拉力加大了吧~ 痛到我在心裡想,如果以後還會再懷孕,我要揀開刀不要順產了!!!!

很快的約在5:40AM,我已經開夠了度數,要正式生妹妹了;那時慘事來了,姑娘及醫生不准我再用笑氣,要完全清醒的聽指示.... 我真的痛到快暈了,但也盡力服從指令,有時要用力推,有時要忍力呼氣(是的,姑娘說我太大力,必須要忍力不然會造成大規模撕裂!!),結果在5:50AM,8.16磅的大隻Chloe誕生了!!!

之後到處理胎盤及傷口,今次沒剪會陰,自然分娩的少許爆裂要縫的針數少過上次很多,花的時間也少多了,約15-20分鐘就完成(上胎用了半小時),然後就可以與妹妹合照了! 在Facebook fanpage媽媽upload了另一張三口子合照,在blog就貼一張吧;由圖可見,妹妹Chloe比起哥哥Matthew要白淨又紅潤許多,另外咀仔與鼻子也比哥哥小巧精緻多了~~

爸爸媽媽及Chloe

爸爸媽媽及Matthew

這就是7.5磅的Matthew與8.2磅的Chloe對比照~~ 雖然兩個寶寶媽媽都很愛,但其實我想講初生的BB真的幾肉酸呀! 其實我與老公都不太懂欣賞呢~~ =P

哥哥及妹妹

對了,今胎媽媽也是選擇餵哺母乳,生完不久就開始餵第一次奶了~~ 在這方面,妹妹比哥哥要叻叻多了,上胎Matthew在產房昏昏欲睡,一直不肯啜奶;妹妹卻很努力的吸啜,還足足啜了半小時有多,幫了媽媽上奶好大好大的忙!! 可知餵奶順利,休息得好,媽媽才可以抽空來打blog啊~~
  
至於更多的分享,就留待下一篇blog再續吧~~~

** 想收到兩小兄妹的最新消息,可以like一下Matthew and Chloe fanpage哦~~

留言

  1. 玩玩下匿o係椅底扮喊咁搞野?!
    妹妹好鬼得意呀! 同matthew仔一樣似晒你地兩個呀!

    回覆刪除
    回覆
    1. 姑娘就話兩兄妹好似樣, 但其實我暫時唔覺呢~ 不過初生bb好難睇樣, 等妹妹2星期左右大定左就可以知道似邊個啦!

      刪除
    2. 我都見過兩姊弟初出世好似樣. 大大下唔同晒!

      刪除
    3. 係丫, 真係好難講, 依家好期待Mrs Wu同小東的細b樣, 唔知似唔似哥哥/姐姐呢? 仲有希望快d收到妳的好消息, hehe~~

      刪除
  2. 睇到呢篇BLOG, 好感動, 都學到野~
    HEHE
    雖然係好痛, 但妹妹真係好乖架喇,
    咁大隻B 都可以係真正陣痛不到一小時就順利出世~
    媽媽您好叻叻~
    願天父保守您們一家平安, 妹妹同哥哥健康成長, 永遠幸福快樂.
    好想睇多D 為食豬哥哥同CHLOE 妹妹的互動呀~
    有時間SHARE VIDEO PLS >3<

    回覆刪除
    回覆
    1. 多謝妳, 今胎我真係精神左好多呀, 都已構思了唔少blog每日打一篇, 當中當然包括小兄妹的互動啦, 其實真係好感恩matthew好鍚鍚妹妹, 遲d share!! :)

      刪除
    2. 真的,不用太擔心,天父會一直帶領著Matthew as Chloe 😉

      刪除
  3. 好勁好勁!咁快就生到妹妹Chloe!記得多d休息呀!

    回覆刪除
    回覆
    1. 今胎餵奶順利, 休息時間多過上胎好多, 多謝J媽媽呀~~ :)

      刪除
  4. 比你講到我都好驚生第二胎呀!(原來係會痛過上一次,巧驚呀!)

    回覆刪除
    回覆
    1. 痛係痛D, 但其他野會順好多, 放心+加油啦~~~~

      刪除
  5. 回覆
    1. 我生完依胎都絕對夠皮啦, 再多一個唔駛客氣了!!

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~