跳至主要內容

Chloe四週大了!!

上一胎,甜魔媽媽很有心機幫Matthew由week 1一直寫到week 13,不過妹妹Chloe應該不會記錄得那麼詳細了,今篇很可能是最後一篇週記,之後或者改寫月記或特別事才來篇專題好了!

Chloe: 不知不覺,我已經四週大啦!!
9/23 (一) 這天最開心的事,就是在天兔掛起的8號風令爸爸平白放多天假,於是一家四口再次越獄了!
不過當日細節已記在《媽媽坐月期的越獄食記 (2) ~ 又來颱風假》,大家有興趣就click去看看啦!

Matthew: 我地兩兄妹最喜歡同爸爸媽媽出街街!    Chloe: 係咩? 我瞓左咩都唔知喎....
9/24 (二) 出街雖然開心,不過太久沒長時間走動,雙腳有點累呢,特別買了太多的衫,心情興奮過後特別疲倦,這天要留家休息了~~
 
上週的週記講過,媽媽很想讓妹妹回復3小時一次的吃奶schedule,週一出街時能夠做到,可這天一在家,吃奶schedule馬上亂了... 主要原因是在家裡雖然有工人,日間多數兩位老人家都來幫忙,但主要照顧妹妹的,還是甜魔媽媽。可知BB除了肚餓,很多時眼瞓也會想啜奶,特別是聞到媽媽身上奶味時;以致很多時未夠鐘,已經提早吃了,當然每次吃的不多,有時還會吃到嘔奶,挺麻煩的...
 
媽媽也忍不住,提早給妹妹試用奶咀,看看能否取代乳頭令她安靜,不過正如大部分的人奶BB,Chloe對奶咀不太喜歡,最終還是要啜媽媽奶來入睡.... 令媽媽不禁抱怨一句:很痴身!! (可能是男女不同吧,哥哥Matthew沒這樣痴身的....)
 
Chloe: 啜完都冇野出,都係唔太鍾意奶咀!!
無論如何,吃奶有功,Chloe妹妹的肚腩仔真的越來越誇張,比爸爸仲勁呀!!!! XD
  
9/4 vs 9/10 vs 9/25 : 肚腩越來越大了!!
9/25 (三) 是又出街的一天,無他,餵人奶真是好麻煩:無又煩,有又煩;少又煩,多又煩,今胎明明奶量剛剛好稍多一點,都一樣煩,因為遲點11月中媽媽還是要上班,所以要去比較+考慮買奶泵了!!
 
講多點,其實上胎乳腺不通的媽媽是只用手揸的,用手揸的好處是沒有手泵的累 (個人認為,因為手泵的動作太機械太重複了!),在引發了噴奶反射後是最快靚正的,不過壞處是揸了大半後,較難引發二次噴奶反射,清不到最深層的奶,所以那時媽媽會返工時一日三次去揸奶。
 
不過,媽媽所屬的部門今年有些重要改動,工作忙多了,加上回去的11-12月正值year end,很難再有如此多時間去清奶,所以要另找可以清空的工具。聽了眾多意見後,最理想應是medela的freestyle / swing maxi雙電泵 (比單泵省時一半以上),不過價值也非常貴,所以要去尚健看看租機計劃,但原來都超級貴,租2個月已經2千多了,那與買機新都差不遠了! :O


也講回開心事,當日在婆婆陪同下,帶著Matthew一起去太興吃午餐,好好好想念它的冰鎮奶茶... 不過最後還是點了熱柑桔蜜算了........ 為食豬雖然吃飽粥仔在先,對八寶飯仍然非常好奇,特別勁想吃咸蛋,扭了挺久呢!



不過吃咸蛋太多對幼兒不好,我們唯有另外出動紫菜安撫他... 不過為食豬又吃到滿咀紫菜屑,搞笑極了!

Seaweed-beard Matthew!!
9/26 (四) 出完一天街,週四又繼續留家了。每次留家都會覺得妹妹索奶特別密,媽媽的底線是至少2小時才可以啜一次,每次啜也盡量讓她吃多吃飽一點 (詳見: 由超級塞奶媽到全埋身人奶媽 ~ 心得分享 (2)),除了臨睡那次,因為想她吃飽點可以睡久點,慢慢向戒夜奶進一步啊!
 
講起夜奶,Chloe真是很痴身的BB,自己睡小床的話,3小時總會醒一次,有時才2小時因為尿濕了片又叫了,真是令媽媽很抓狂啊... 可是如媽媽將她放到大床貼在我們身邊,她根本可以不用換片/吃奶又再睡著的;於是媽媽又面臨多一個難題/抉擇:到底是先培養她獨立睡,還是先戒夜奶呢? 餵人奶真的挺煩.....
 
不過今週有兩樣好消息,首先妹妹的鼻腔終於全清了,應該是100%康復了;另一方面她的大便終於穩定了下來,每天會有1-2次超大poo (真的很多,會堆滿整張片片!!),其餘時間只是少許,相信有很多營養都是吸收進了她那日漸圓潤的身軀,令媽媽很高興!
 
這天也幫妹妹拍了不少照片,原來由不同角度去影相,對女孩子的影響真的很大,哈哈!!




正常角度
高炒可以突出尖下巴
低炒就顯得相當肥美了.....
9/27 (五) 繼續留家,經過連日的堅持,妹妹吃奶的schedule稍有進步,日間多數都是2.5小時吃一次,希望到滿月後可以變到3小時一次啦;不過每次逼她吃多了奶奶,掃風就變得很重要,不然她一定會嘔奶。其實Chloe算是很乖,湊她不算辛苦了,處理換片及嘔奶只是小兒科啦!

當日繼續處理Matthew的幼稚園申請 (真的很煩啊...) 後,夜晚就有師母及傳道人的第2場探訪,感謝她們的禮物,還有教會的代禱!
 
  
不過這次探訪在夜晚,令到Chloe遲了進睡 (平時是9點睡,當晚10點多才睡),結果當晚她情緒十分混亂,還表現了變臉神功呢! Chloe最搞笑的,是想喊想時眼睛都是笑的,果然是甜魔媽媽的囡囡啊~~
 
Chloe: 玩到好high,但又好眼瞓.... 我唔知自己想點呀!!!
9/28 (六) 出街食飯,詳見《Habitat Japanese Restaurant 楠料理 ~ 提早放監!!!》,至於Matthew仔及Chloe妹妹的照片及動態video,則可看看下面爸爸的作品 (爸爸真的太棒了!! 多點放假吧~~~ ^o^)




其實當日還有另一重要任務,就是買泵。不過奶泵這東西真是因人而異的,多人讚好的Freestyle,媽媽首次試用效果還不如普通牌子的手泵;而手泵也遠不如用手... 我應該會再試多1-2次,如果還是不行就再賣出去,另外就是返工後真的要多抽時間去揸奶了! @@

 
媽媽當然也不會忘記拆解Matthew淚眼之謎:其實好動豬是在楠料理食+玩得太開心,當一家四口買完泵到銅鑼灣行街時,已經非常眼瞓了! 結果爸媽在希慎的baby GAP買衫時 (對!! 我們又買衫了! >v<),眼瞓豬一不見爸爸或媽媽其一,就放聲大喊! 可知他這樣一喊,令媽媽買少了好多東西,慳了不少錢,想起來應該是要讚的?! 
 
Matthew淚的呼籲: 媽媽買少D衫, 陪多D我!!
至於妹妹在街多數是睡,很標準3小時才吃一次奶,實在是很方便;不過一回到家就似是要補回之後啜不夠的心理缺失,非常嗲啊! 而這幾晚夜間大約是4小時吃一次奶,如果以媽媽返工時的作息時間,應該中間起一次身就OK了,媽媽也可以應付得來了!
 
9/29 (日) 反正都提早了放監,不差在也返教會啦,不過這一次返教會比預期中論盡呢! 首先出門時已經delay:話說媽媽先準備好了一切東西,然後再餵奶換片出門,怎知正要將妹妹放進揹帶 (其實家中有兩架BB車,但為方便計我們習慣讓Matthew坐車,妹妹就用揹帶),就聽到「poo」一聲,有人又痾臭臭了! 而且「poo」不止一次,還是陸續有來,我們知道,非要等她痾清不可,唯有改搭半小時後的另一班shuttle bus了! 

返到教會後也有論盡事,話說崇拜差不多結束,媽媽就預早給妹妹餵奶之後再換片,怎知在換片途中有人又痾vivi,弄濕/污了整件底+面衫,馬上又要換衫了!! 結果手忙腳亂之下 (另一邊廂還要看著馬騮精哥哥呢!),在教會一張照片都沒拍,沒辦法,下次吧~~~
 
Chloe: 正所謂食得多痾得多嘛,大家唔可以怪我呀~~~
而今晚還有節目,提早2天出去吃Chloe的滿月飯,詳情遲些再記啦~~~

   
** 想收到兩小兄妹的最新消息,可以like一下Matthew and Chloe fanpage哦~~

留言

  1. Chloe 個樣又大咗D,又喊又笑相好得意呀!
    甜魔媽媽抱住 Chloe 影相個樣仲甜過食心太軟呢!

    回覆刪除
    回覆
    1. 湊2件係好甜, 甜過食任何甜品, 不過同時都有好多酸苦辣, 總之就百般滋味啦!! ;)

      刪除
    2. 真心明白妳的意思,所以我唔敢 ^^

      刪除
  2. 妹妹好叻識望鏡頭, 最尾果張相果樣大左好多.

    回覆刪除
    回覆
    1. 不知不覺快一個月啦, 我都覺得妹妹大得好快呢~~~

      刪除
  3. 湊兩個出街真唔簡單呀!
    哥哥要考幼稚園喇,有冇諗住考幾多間呢?

    回覆刪除
    回覆
    1. 湊兩個出街真唔簡單架, 不過鬼叫我心野留唔定o係屋企咩 :P

      Matthew會報8-9間左右, 希望中到心儀選擇啦, 因為過2年又到妹妹啦!

      刪除
  4. 妹妹咁快就一個月大啦...

    回覆刪除
    回覆
    1. 係丫, 聽日就正好滿月了, 有妳地黎探真係好開心呀! :D

      刪除
  5. 妹妹四週快樂,看別人的BB總是大得好快,自己生的才知辛苦,哈哈^^
    Btw, Chloe is really adorable and pretty , made mama always smile soooo sweet ^3^

    回覆刪除
    回覆
    1. 連我都覺妹妹大得好快, 時間過得超快, 可能因為湊2件啦!! 話咁快又老了, haha~~

      刪除
  6. 媽媽修身修得好快呀,個肚唔見晒啦~~好勁呀!!!

    回覆刪除
    回覆
    1. 邊係, 就到角度咋, 我都仲係keep住59-60KG左右, 無特別進展呢....

      刪除
  7. 雖然有不少人讚medela好用...但我亦有不少朋友話avent會泵得清d同快d呀.....

    回覆刪除
    回覆
    1. 我用得返個泵啦, 之前set錯野, 原來好work架!
      avent係快D, 不過medela會清d, 特別係後期要刺激到噴奶反射時, medela真係一流

      刪除
  8. 估錯左添! 哈...妹妹個肚腩仔真係好大呀. 裝左好多媽媽奶喺入面, 等夠鐘肚餓既時候再黎消化佢? wahahahhaa

    回覆刪除
    回覆
    1. haha, 其實除了NB階段食奶奶最大件事, 之後BB最扭最扭都係因為眼瞓居多~~

      妹妹個肚... 希望佢大d會修身成功啦! @@

      刪除
    2. 呢樣我唔替佢擔心, 有你既優良genes, 一定無問題!

      刪除
    3. 我的genes一d都唔優良, 自從上次寫左「我想修身」篇blog後, 磅數完全冇降過, 可能我真係太大食了.... @@

      刪除
  9. 我之前係用medela swing, 再改裝成雙泵, 平靚正... 返工時泵20分鐘左右, 大概可以泵到300ml左右, 所以覺得都幾好架... 我個frd 用freestyle, 話帶去返工有D重...
    妹妹好肥美呀... 表情多多好可愛呀...

    回覆刪除
    回覆
    1. 嘩, 媽媽都好好奶喎!

      btw, 我用得返個泵啦, 原來之前set錯野, 其實佢幾work架! 琴晚食完飯返去餵完妹妹, 單泵冇餵的一邊, 15min差不多有3安, 朋友話以第一次來講算唔錯, 之後會越泵越快, 我先放心哂咋!! :D

      刪除
  10. 我用Freestyle又覺得幾好喎,泵得好清,不過我諗每個人都唔同

    回覆刪除
    回覆
    1. 我set錯野咋, 原來都幾好用, 不過都有d野唔太明, 聽日會o係blog再share!! :D

      刪除
  11. 我有時會去你blog友樹睇下,依家會留低句「我係甜魔媽媽Yan blog過來的」,希望你不介意。


    haitang

    回覆刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~