跳至主要內容

八月花 Jasmine ~ 多年後再訪 (Yahoo copy版)

ToTT's食完semi-buffet lunch, 其實飽到唔太食得落到晚餐, 不過夜晚一早與舊友有約, 而且約在八月花! 如果睇返引用, 就知依間餐廳曾經係求婚紀念日的午餐地方, 好有感情架~~ 



講起上來, 當日食完lunch下午爸爸都好好的帶了Matthew去游水放電, 但好動豬傍晚來到又一城, 仍然龍精虎猛地要求跑步!! 又係o既, 媽媽買俾Matthew的新跑鞋真係幾好著架 
 

 
其實, 到底係Matthew天性特別活躍, 定係所有接近2歲的baby boy都咁好動呢??
  ​

大家睇, 佢十足馬騮精上身咁架..... 真係睇少陣都完全唔掂呢~~~

 

眨下眼又唔知跑去邊了~~~~~~  
因為Matthew的跑步, 原本18:35pm抵達九龍塘, 差不多七點先來到餐廳~~ 好在都冇遲太多!  
 
今晚其實主要與很久不見的中同食飯, 大家都榮升了媽媽, 個仔都係2歲左右, 特別o岩傾呢!  


咪睇上一張Matthew好似好精神, 其實又游水又跑步後, 豬仔冇電啦, 過了5分鐘已經訓著!! 仲好, 咁樣我地可以慢慢傾慢慢食, 唔駛擔心為食豬搞搞震了~~~

在HSBC六折四人餐及散點中揀了後者, 首先係有機腐衣鮮准山 ($38, 店內推介), 個麻醬非常醒胃, 組合亦算清新又健康, like!! 

散點最主要目標就是脆脆BB豬 ($68, 店內推介), 是晚只點了小食份量, 每人一份剛好夠回味又不會太膩滯, 正呀~~ 
 
咕嚕肉食得多, 但拔絲石榴咕嚕肉 ($88, 店內推介) 聽上去好特別, 又點了來試, 外層的糖漿的確特別黏挺, 口感與肉味不差; 不過石榴好碎濕濕又唔夠清甜, 我都係鍾意食菠蘿版本多d~


由我拍板, 就選點清怡又健康的籠仔蘇薑星斑柳 ($98, 店內推介), 成品仲搭了數條菜芯, 好正氣!!  


另外再加一碟梅菜皇蒸玉蘭 ($70, 店內推介), 是晚食得絕對夠纖維質, very good~~  

Encore了一底中山蘿蔔蒸盆糕 ($58), 糕身質感軟滑唔會好粉, 富蘿蔔清甜味又有適量臘味香及瑤柱鮮, 水準仍舊, 值得推介!  (不過大家唔好俾賣相呃到, 糕身其實非常淺的!)  

不過是晚迷你桶仔飯 ($22, 店內推介) 就失準啦, 只得一陣咸味, 只點了一兜都食淨大半!  
有食過八月系列都知它的甜品餐牌異常豐富, 不過是日真係太爆quota, 所以夜晚都好忍手的只點了兩款, 首先係薑茶滑湯圓 ($22), 估不到成品只得2粒湯圓, 都幾孤寒喎.... 最後俾我食哂  

味道其實都係一般, 依粒湯圓算係好靚仔了, 有一粒個皮硬到呢... 絕對唔係新鮮包起~~
 


八月系的得得哋甜薄撐 ($26) 真係幾得的, 但我食完湯圓後只食得落一小件咋, 其他大家分啦!
  
連續2餐食得咁飽足, 其實都有擔心妹妹會否又重左好多?? 但翌日上磅我的磅數又冇改變, 真係無法估計呢...  總之如果妹妹未出世, 下一次產檢+超聲波的日子會係40週 (9/6), 到時再update啦!
 
** 來到39週, 媽媽真係隨時作動入院生得!! 由於Yahoo Blog係預先寫定set時間出街的, 未必咁快update到, 如想緊貼情況, 請likeMatthew and Chloe fanpage, 以得到最新通知
 
** 真係估唔到Y! Blog要執.... 可能會改去 --> http://gourmetyan.blogspot.hk/, 但一日未肯定前, 同時最好大家Like定Matthew and Chloe, 以保持聯絡呀! 

留言

  1. 07年嘅Matthew爸爸好型仔呀,Yan妳都無咩點變一樣甘靚

    回覆刪除
    回覆
    1. 妳太識得氹我啦, 真係估唔到咁又6年喇, 真係時光似箭!!

      刪除
  2. 過黎打個招呼先! 呢幾日花左好多時間摸索新blog用法....頭都大呀! 你好快手!!

    回覆刪除
    回覆
    1. 之前放產假, copy得就copy嘛, 不過我只係copy & paste, 遲d yahoo一瓜好可能冇哂d相, 諗起都好傷心又頭大呀 > <

      刪除
    2. anyway, 剛圈了妳+添加埋去友好網誌, 休息一排後好好追返田鼠b的近況先~~

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~