跳至主要內容

第一胎 vs 第二胎

雖然每個人的經歷未必一樣,作為二任甜魔媽媽,都特別準備了這篇比較資訊性的blog,希望可以俾其他的準媽媽,特別是二任媽媽作為參考!

 

  1. 真實產期 vs 預產期
    • 第一胎 - 10/13/2011 vs 10/18/2011 (早了5天)
    • 第二胎 - 09/01/2013 vs 09/06/2013 (也是早了5天!!)
  2. 生產地點
    • 第一胎 - 屯門醫院
    • 第二胎 - 屯門醫院
  3. 生產方式/時間
    • 第一胎 - 順產:第一階段 (1度至子宮頸全開) ~7小時, 第二階段 30分鐘, 第三階段 30分鐘
      (按:我是特別快的... 正常媽媽平均第一階段一小時開一度,即約10小時才全開)
    • 第二胎 - 順產:第一階段 , 第二階段 10分鐘, 第三階段 20分鐘
    • 作動方式
    • 第一胎 - 陣痛,入院人工穿水
    • 第二胎 - 同上,也是陣痛,入院人工穿水
  4. 初期陣痛密度
    • 第一胎 - 5分鐘一次
    • 第二胎 - 同上,也是5分鐘一次
  5. 陣痛程度
    • 第一胎 - 初期ok,中期最痛,生產時 (第2產程) 反而較舒服
    • 第二胎 - 初期ok,中期極痛,生產時快要暈了!!! > <
  6. BB出世時間及體重
    • 第一胎 - Matthew出世時7:30PM,重3.39KG,即約7.46磅
    • 第二胎 - Chloe出世時5:50AM,重3.71KG,即約8.16磅
  7. 會陰傷口
    • 第一胎 - 有剪會陰,有感覺但不大,約縫了廿針,之後幾天頗不舒服
    • 第二胎 - 沒剪會陰,自然撕裂不多,縫了10針之內,之後沒多少不適
  8. 痔瘡 (我是超大力的媽媽.... 所以兩胎都有爆痔瘡,超慘!!)
    • 第一胎 - 產後翌日肛門開始很痛,痛到要吃止痛藥,原來爆了一粒巨型痔瘡,來到產後第4-5天最最最痛,必須要坐水泡,約一星期才好轉
    • 第二胎 - 產後第2晚開始發覺肛門劇痛,原來爆了四粒超巨型痔瘡,超級劇痛,而且出院時沒問醫院要止痛藥,只靠搽家中的痔瘡藥膏,感覺勁慘....
      (按:我是容易出痔瘡的體質,陀Chloe後期因難去廁所,太用力谷也爆了一次...)
  9. 產後第一次餵奶** (屯門醫院會給產婦在產房內進行第一次餵奶,我覺得超有用的!)
    • 第一胎 - 哥哥Matthew出世清洗後就沉睡了,不肯啜奶,之後住院幾天再試
    • 第二胎 - 妹妹Chloe一出世就很努力啜吸,結果媽媽上奶快多了!!
  10. 產後第一次小便 (醫院要求產婦在產後6小時必須去到小便,否則要插尿喉)
    • 第一胎 - 其實我有便意,但因產後12小時不能下床,要睡在床上用尿盤,心理上接受不了,結果要插尿喉... 還好不太痛,但之後行動非常不便!!
    • 第二胎 - 早作好心理準備,很順利在3小時內去了第一次小便,之後還陸續有來~
  11. 上奶**
    • 第一胎 - 我比較失敗,產後第3天才有乳汁;其實可能也是這個原因,一開始Matthew不肯吸啜....
    • 第二胎 - 這次我未生產就有初乳,第一天已經有滴滴仔,所以妹妹一直食飽飽
  12. 住院時間
    • 第一胎 - 屯門醫院的床位比較短缺,首胎也只住48小時就出院
    • 第二胎 - 同上,歷產婦只需住24小時就可以出院了!! 超開心~~~
  13. BB收水情況** (正常範圍是5-6%)
    • 第一胎 - 吃不飽的Matthew (在醫院只補過一餐),2日後出院時收水至3.14KG (~7%),之後隔2日再去健康院檢查,繼續體重下跌至3.09KG,唉~~
    • 第二胎 - 吃飽奶奶的Chloe (完全沒有補奶),一日後出院時收水至3.55KG (~4%),之後第3天去健康院檢查已升回3.59KG
  14. 標汗情況 (餵過母乳的媽媽會知道,上奶初期上半身會很熱+不斷標汗,特別腋下位置)
    • 第一胎 - 第3日上奶,第4日開始大汗,覺得很熱、很臭、很不習慣很辛苦!!
    • 第二胎 - 第1日已很快上奶,所以已有大汗情況,但情況較輕微,較易接受
  15. 谷奶情況** 
    • 第一胎 - 10/18晚 (第5晚) 開始谷奶,一谷就變石頭胸,超硬超痛超塞,泵不到也揸不到,BB完全吃不到奶;同時發高燒同時發冷,最嚴重時甚至有輕微抽筋情況,當時感覺比生仔還痛還慘!!! > <
    • 第二胎 - 由第一晚已經微谷,之後第3-4晚胸部最漲,但漲得來是可以啜到/揸到,我通常餵奶後揸走20ml至一安就OK舒服了 (儲起待用),第5日已經不谷了~~
  16. 產後情緒波動
    • 第一胎 - 我是超樂天的媽媽,但在第3-4晚也無故失眠、流淚了,真的很不開心!
    • 第二胎 - 除了痔瘡痛,今胎其實很順利,不過第4日被Matthew仔觸動了 (facebook fanpage已update,遲些blog也會再分享),當天哭了好幾次~~
** 按: 餵哺母乳是很多媽媽都關心的話題,放心,遲些我會另文再詳細記錄!!
 
最後,送上小兄妹的幾張照片;如果大家未like他們的Facebook fanpage,快點click一下like吧,可以收到最update的消息哦~~~

回家了! 兩兄妹重聚~~~~
初生Matthew
初生Chloe

留言

  1. Thanks for sharing ar Yan ^^
    但聽到生完BB爆痔瘡咁利害又痛,好驚呀😰
    有冇舒緩方法?幾時不再痛?

    回覆刪除
    回覆
    1. 我都好想知呀.. 依家都係搽藥膏, 等佢自己好, 不過good news係來到今日痛得冇咁緊要了~~~

      刪除
  2. 你話每日3份水果2份菜,係錯架。政府係話3份菜2份水果,老實1份係幾多我搞不清楚。我自己係跟內地標準500g菜200g-400g水果,500g=內地1斤,香港1斤=600g。

    回覆刪除
    回覆
    1. 有心餵哺母乳就堅持夠6個月吧,對你自己都有好處 e.g.減低患乳癌風險。

      刪除
    2. 哎呀。。。我係海棠 ><

      刪除
    3. haha, 妳唔駛留名我都會認得妳架! 其實我知菜要多過水果, 不過食水果方便d, 仲有坐月時食太多菜俾老人家講呢 (早幾日妹妹的便便好綠又水, 99即叫我唔好食太多菜啦)~ anyway痔瘡我始終覺得同用力有關, 過左後應該會好啦~

      餵母乳可減低患乳癌我都知呀, 所以matthew都餵了15個月, 到陀了妹妹先停; 遲d quit了份job, 其實我打算一直餵到2歲或以上架!

      刪除
    4. 餵足2年既話你既飲食習慣要徹底改變先得,餵母乳你食咩即係個B食D咩,老人家講D野。。。你要有定力至好。如果你有足夠膳食纖維就無便秘,咁又點使用力呢?

      p.s. matthew個肚腩好大 ><

      刪除
    5. 其實我陀今胎開始飲食習慣變左好多喇, 除了甜品較為難以抗拒, 其他試食都真係試一啖就算 (除了蔬菜), 由妹妹以來去廁所習慣都由過去3-4日/次 (我之前食野又係衰d...)變成日日去, 只係去到後期個肚太大壓住哂, 無奈只2日/次, 問醫生都話懷孕後期係咁冇得搞~~

      遲d復出我都一定會繼續tasting, 不過當然會揀黎食, 都想妹妹同自己健康好d, 先有精力做好FTM的角色! 至於Matthew, 邊張相見佢肚腩好大? 我睇佢仲適中喎

      刪除
  3. 睇完d比較, 再加埋之前食咁多好野, 妹妹真係好鍚媽咪.
    Matthew 出世時個樣真係麻麻地, 但都可以變到咁可愛,
    妹好一出世已經得得地, 大咗一定好得, 小美人.

    回覆刪除
    回覆
    1. haha, 我好貪心, 希望妹妹以後係小美人, 又要鍚媽咪, 仲要鍚爸爸、哥哥, 特別matthew依幾日都好乖仔, 好鍚妹妹, 遲d我會慢慢分享返!!

      刪除
  4. Matthew仔好抵錫呀等媽媽休息夠我就嚟獎你一份大禮物

    回覆刪除
    回覆
    1. 嘩, 多謝定妳先呀! 其實今胎精神好好, 我估過左9月中就ok啦, 可以黎一齊食月餅添, hehe

      刪除
    2. 好呀妳邊日ok就通知我啦

      刪除
  5. BB 相好可愛呀!!!
    咁得意嘅, Matthew 仔仔布布係粉紅色, Chloe 妹妹布布咁橋係粉藍色!

    回覆刪除
    回覆
    1. 多謝, 其實粉紅色個布係公院指定用的, 而Chloe妹妹包個張係哥哥的舊包被, 包上去都好fit呀, hehe

      刪除
  6. 初生的Matthew仔好得意..妹妹就係靚靚靚靚呀!

    回覆刪除
  7. 我係小東呀
    首先恭喜妹妹出世先
    好可愛標緻呀
    第2胎你真係快好多呀 唔知我第1胎用1個鐘10全開
    第2胎又點呢
    我已經開始好恐懼啦 好好好驚好痛

    回覆刪除
  8. 我係小東呀
    首先恭喜妹妹出世先
    好可愛標緻呀
    第2胎你真係快好多呀 唔知我第1胎用1個鐘10全開
    第2胎又點呢
    我已經開始好恐懼啦 好好好驚好痛

    回覆刪除
    回覆
    1. 多謝小東, 唔好太驚啦, 除了較為痛D (妳可以揀打針/無痛架ma), 其他野都順好多呢! 妳點呀, 有無比之前冇咁唔舒服?

      刪除
  9. 點解你個blog唔整返d 比人追蹤的app嘅? hehe

    回覆刪除
    回覆
    1. 哎呀呀, 我仲摸熟blogspot, 唔知點整呢, 可以請教下妳嗎???

      刪除
    2. home page-->設計--版面配置-->新增小工具-->小工具 (google+追蹤者) or更多小工具 (追蹤者)
      try try ^^

      刪除
  10. 我見到第一胎同第二胎所生既時間,縮短在好多呀!回想起之前生真係畢生難忘

    回覆刪除
    回覆
    1. 其實成個陀B同頭1-2年的所有過程都好難忘~~ 所以可以的話, 真係要經歷一下依份天職啊!

      刪除
    2. 同埋時間過得很快,轉眼又入學,係呢咁仔仔同囡囡相差幾多歳呀?

      刪除
    3. 小兄妹相差23個月唔夠, 算係幾辛苦的stage ar! 所以要FTM先掂~~ 不過都好開心! :)

      刪除

發佈留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~ 

#移加檔案 #溫尼伯檔案 #YanInWinnipeg 第29週:出發告別篇

最近一週曼省確診數字再創新高,社交及防疫措施也進一步收緊,不過這些都不太重要... 因為,出文之時,親愛的家人已經抵達香港國際機場,成功取得機票,準備出發前往加拿大相聚了! 毅然出售兩幢物業、放棄百萬年薪 (老公)、同時也放棄多年來建立的人脈關係種種,一點不易;然而由第一篇「 艱難的決定 」開始,早已明白要追尋自由,以及守護一對子女的不菲代價。