跳至主要內容

坐月飲食

好幾天沒打食記了,不過今晚講的,並不是甚麼珍饈百味,而是媽媽在坐監月期間的苦悶飲食!!!

 

還記得上胎坐月去到一半,有天媽媽突然完全沒有食慾,對著滿檯的飯菜,一點胃口都沒有.... 因為,實在是太悶太悶啦!!! 事緣嫲嫲是個頗保守的人,坐月期間除了最好不要沖涼洗頭 (!!!!! ),關於這點,在妹妹的週記中再講啦;來到吃的方面,也有頗多規條的....

不過有了上胎塞奶的經歷 (塞奶與飲食也有關,吃得太油太重膠質,特別易塞的!!),今胎我一來就先此聲明,我一開始要吃清淡!!
所以產後第一天,媽媽基本上都是吃正常飯菜,而且還在醫院時特別要求要吃布冧及水蜜桃,還有醫院送飯的橙當然也照吃了~~
  
相信不少媽媽都聽過,餵人奶要吃得特別多,這絕對是真的,不過這其實與懷孕期一樣,初期食量不需增長很多,主要是中後期,即完全上奶+谷奶後,才會有此需要。生下Chloe後,除了第一天的早餐媽媽吃得特別多 (將醫院的包裝脫裝奶+餅乾飲/吃完後,再將早餐的菜肉包+雞粥吃光了... 因為生產真的用了很多力!),之後無論是食量/內容也是與產前差不多 (去到最後產期我的食量減少了,每頓頂多吃3/4碗飯),反而是飲水量大了很多,不是刻意飲,而是自然的口渴反應。
 
起初回到家裡,在我的特別要求下,菜飯內容都較為正常,當然全部菜都有大量薑炒過,而一些較為寒涼的菜就不會出現在餐桌上,最初幾天也不會有谷奶的湯水 (其實健康院的姑娘也有教,未谷奶之前不建議飲谷奶的湯水,免得一谷就谷得太勁,變成谷實谷塞,像我上胎的情況!!),我也是維持正常的飲食與份量,直到大概第3-4天,差不多是谷奶高峰期,有一日吃午飯前我突然手震,媽媽知道,是時間增加飯量了~~ 那天開始,我由1/2 - 3/4碗飯加至3/4 - 1整碗飯,之後幾天再沒手震了;直到今週初,奶量再上之後,又有一次感到手震,於是我有時會吃完整碗飯再添,飲食中也加多了肉類。
 
不過在谷完奶後,媽媽始終要聽一下老人家的意見,吃多點補身食物,如雞酒、薑醋等;還好在妹妹努力吸啜之下 (BB吸啜會有助子宮收縮,每次餵奶時/後我都明顯的感到大量惡露排出),這次的惡露其實清得很快,對於吃這些行血的食物會造成流血的說法,反而沒有太大感受。不過吃得多這類食物,人會較熱較燥,流的汗也是黏黏的很不舒服,唯有期待每天一次的沖涼時光~~ (按:上胎我雖然一早準備了薑味的沖涼/洗頭液,可嫲嫲還是不支持我沖涼,說要沖也要煲特別的水去沖;去到後來塞了奶,健康院姑娘教路沖花曬有助清塞奶,她才慢慢接受產婦沖花曬浴!!) 另外為了可以去廁所,我也一定會爭取吃較多的蔬菜;另一方面,如有三文魚等高DHA食物,我就會勁勁勁食,雖然我由懷孕中期至現在每天已有吃魚油 (這是由上胎保留下來的習慣,我覺得Matthew真的特別精靈呢!) 及飲媽媽奶粉,但可以的話由天然食物吸引,才是最好的!

 
也講講吃飯時間,我通常早餐在7:30~8:00AM進食,內容是鮮橙一個,媽媽奶粉一杯 (方便嘛,不像鮮奶要加熱,反而我懷孕期很少飲,除非那天沒有乳酪做下午茶點),麥包2片+笑牛牌芝士2粒,希望吸引多些維他命C及鈣質。至於午餐,其實去到11點半已經開始餓了,吃的就是圖片的豬、雞、魚、蛋、菜、湯為主,最近我慢慢越吃越多蛋白質,因為可以飽肚久一點;之後到下午4-5點再來一頓下午茶 (多數是一杯媽媽奶加個生果,間中也會是酒釀煮雞蛋,因這是婆婆家的補身秘方,反正我也愛吃),然後再6:30~7:30PM吃晚餐,內容與午餐差不多,之後並沒有宵夜習慣。由於奶水充足,飲湯的習慣也是每頓1-1.5碗,對我來說湯水是有助去廁所多於谷奶的! 另外,早幾天見到爸爸在759掃貨回來,馬上搶了幾包紫菜,每天吃一點,吸收一下碘質。最後,嫲嫲一直很擔心我有風,每天又會煲一些去風的炒米水,其實我不太知是啥,但都有照飲如儀。
 
記得差不多了,最後有一點很重要,餵母乳真是媽媽吃甚麼,BB吃甚麼!! 今次妹妹Chloe雖然很擦得,媽媽奶水也多,但她的腸胃比哥哥Matthew敏感多了,很易肚痾... 早前因為媽媽谷奶後奶水多了,卻仍然每次餵兩邊,結果她吃得太多含豐富乳糖的前奶,出現輕微腹瀉,每天水狀大便6-7次,體重長不上去,後來改成每次只吃一邊,讓BB吃到較多含脂肪及蛋白質的後奶,情況才改善至每次2-3次沒那麼水的便便。而昨天因為媽媽口痕,午餐時趁嫲嫲不覺吃了十件較涼的豆腐,下午時分又嘩拉嘩拉超嚴重的肚瀉了一次,痾滿了3整張片片,令媽媽頗為自責!!! 想著想著,以後再去參加試食,為食媽媽都要特別小心了.....
   
這一篇其實又與餵母乳很有關係,如果大家不是選擇餵哺母乳,吃法應該不太一樣,甚至可以開始差不多定下減肥計劃了,不過餵母乳的話就一定要吃飽才行,反正我相信遲些身體自然會瘦的~~

p.s. 見大家對水果的話題頗感興趣,甜魔媽媽今次坐月有吃的水果包括:橙、蘋果、布冧、水蜜桃、車厘子、大蕉、奇異果、奇異金果,還有一天忍不住吃了兩件超甜的哈蜜瓜!! (9/13更新)

** 想收到兩小兄妹的最新消息,可以like一下Matthew and Chloe fanpage哦~~

留言

  1. 謝分享!
    食布冧及水蜜桃可以幫助去廁所吗?產前食会涼嗎?

    回覆刪除
    回覆
    1. 我生完第一日去唔到大呀, 但第2日就去到, 應該都有幫助的!
      產前應該唔怕食涼野喎, 至於產後都唔太覺佢涼, 反而豆腐就真係堅涼, 我一食妹妹就痾!!!

      刪除
  2. 坐月日日都雞呀雞酒、薑醋真係好悶不過真係身體會復完得好快D但好肥,我嗰時坐完月肥咗10幾磅

    回覆刪除
    回覆
    1. 我上次坐月都有肥, 不過今次D奶多又順, 暫時好似俾妹妹吸哂D營養, 未有肥住... 其實我想Keep fit呀, 不過真係唔敢節食住呢

      刪除
    2. 唔使節食,只要調節下飲食就OK
      e.g.每日有1餐用1/3磚豆腐 / 20-30g黃豆代替肉類;用1個甜椒代替其他糖份高既1個生果

      刪除
  3. 相信媽媽好快自然修身,您寫得好詳細,我又學到不少,嘻嘻😉

    回覆刪除
    回覆
    1. 學埋學埋咁多, 真係好期待妳的好消息呀!!!

      刪除
    2. 嘻嘻, 我信: 上帝早已預備, 哈哈~
      到時一定要請教您~
      哈哈~^O^~

      刪除
  4. 坐個好月真係好重要架,雖然野食係悶,但為左自己同BB都要頂硬上啦!加油!

    回覆刪除
    回覆
    1. 我會加油, 其實不知不覺都過左1/3啦, 遲D就到妳要加油啦!!

      刪除
  5. 加油丫...一個月好快過..
    餵人奶真係要食多D飯, D奶都杰D.

    回覆刪除
    回覆
    1. 係啦, 其實不知不覺都過了1/3, 我會努力架啦~~~

      刪除
  6. 甜魔媽媽好叻叻!為了妹妹努力吃清淡菜色。祝妳快快坐完個靚月,可以重投美式美食嘅懷抱!!

    回覆刪除
    回覆
    1. 其實好快啦, 都過了1/3有多, 10月我就放監啦, HEHE~~

      刪除
  7. hihi, 我係泵媽,次次都泵得好清。。。
    但BB便便都有你講的水水地,仲要餐餐有。。。何解呢?

    回覆刪除
    回覆
    1. 每個BB的腸胃敏感度同吸收都唔同, 最緊要bb有重就OK~~ 唔知妳的奶有無多? 如有多, 或者下次泵時留起最前段的奶唔俾bb食, 睇下情況會唔會好D~

      刪除
  8. 乜原來豆腐係涼架?真係唔知添

    回覆刪除
    回覆
    1. 我都係經Chloe妹妹的腸胃先知, 相比起好多的水果, 豆腐原來係涼好多!!

      刪除
  9. 第1張相,中間黑麻麻果碗係咩?

    haitang @.@

    回覆刪除
    回覆
    1. 之唔係薑醋囉, 我平均每日食2隻蛋 (係99向鄉下農家買的初雞蛋, 特別細隻, 佢地話營養好D)+2件豬手, 薑就個人口味問題一直冇食過 @@

      刪除
    2. 每日食2隻蛋食足1個月?!

      刪除
    3. 又唔係每日, 通常每餐99督住都會食一隻, 而99同我食飯的時間佔7成啦....

      刪除
    4. 豬手每100g有18.8g脂肪,豬手D蛋白質又差,同你99傾下1星期食1次啦!

      刪除
    5. 咁我又扮塞塞地, 只揀瘦肉食算啦.... @@

      刪除
    6. 你落得床未?小小地都要每日郁動下 ^^
      如果你上一胎都係咁食法就唔奇怪塞得咁勁啦 ><
      喂奶要1邊排空再喂另一邊

      刪除
    7. 當然有落床四圍走啦, 不過多數都只限屋企, 除非去健康院就可以步行十幾分鐘~~

      上胎塞奶有好多因素o既, 但為健康為順暢, 今次我都request多左菜同水果啦!

      btw, 妳連餵奶都識, 好勁呀!!! haha~~

      刪除
  10. 坐月係調理自己身子的好時機要好好把握呀!

    回覆刪除
    回覆
    1. 多謝, 我會呀! 今胎餵奶順利, 其實休息多左好多啦, 應該無問題!

      刪除
  11. 我第一胎奶量唔多,係咪第二胎自然多奶架? 餵人奶我都無瘦過,點解你係甜魔媽媽又食得又多奶又瘦呢...

    回覆刪除
    回覆
    1. 好多媽媽第二胎奶量會多d, 我覺得係因為識得餵奶, 清到奶所以身體會造更多奶呀!
      其實我都唔瘦, 依家都係keep住59kg左右, 唔知呢, 個個體質唔同, 我上胎都係餵左半年後先慢慢瘦的...!!!

      刪除
    2. 165cm囉, 又唔算特別高, 係真係重+肥呢~~~ ^_^"

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~