Applegreen + COCO ~ 清新愉快生日局 (附: Matthew仔發表偉論影片)

繼續down to earth的自己食記,今晚記得是上週五晚的四月生日局,地點是尖沙咀的Applegreen;雖然餐廳訂位的態度很一般,又有8:30PM交檯的限定,不過環境與食物都不錯,我們吃得挺開心!!


還記得多年前就是在Applegreen的聚會中認識靚女牙醫J,記憶猶新,但轉眼間大家不但結了婚,也生了寶寶,時間過得太快了!! 而舊日Applegreen旺角店也早已結業,之後尖咀店也搬至現時太平洋大廈 (近山林道),Bossini的樓上。


店內裝修簡單又清新,加上大大個蘋果裝飾,就是多年前它走紅的原因之一;而這個因素,來到今時今日仍然打動人。甜魔媽媽準時6:30PM到達餐廳,一抵埗就給那環境深深吸引住;雖然去到後來由於多人變得嘈吵,清新不再。
 




是日Matthew哥哥去完迪士尼累壞了 (按:慳家的甜魔媽媽仍然堅持多帶Matthew去樂園,用盡annual pass,哈哈!!),夜晚只帶了Chloe妹妹到場;場內也有安排BB high chair,不過就沒有綁帶,我們要用揹帶額外做固定。
 

雖然這裡未必很適合小嬰兒,但食物選擇對於幼兒就十分適合,當堂令到甜魔媽媽十分掛住Matthew! 首先上檯是隨沙律附送、但客人必須要求才會有的香蕉果仁蛋糕,每份沙律送一件,我們點了四份沙律所以有四件。水準似乎沒有昔日的驚艷,但也算貨真價實,香蕉及果仁味都突出,作為免費頭盤小吃也無不可~~
 

然後是一連四大兜沙律,全部都要了大份,首先是Salad Diane 脆杏仁雞絲沙律 ($104),成份包括雞絲、脆米粉、杏仁碎、生菜絲及黑椒,整個組合無論味道與口感都豐富的,不過賣相比較寡,而且油份也挺多! 加上份量特大,吃了很久才清碟的。
 

這是Green Godness 蟹肉牛油果青瓜沙律 ($148),就是一堆食材堆在一起,感覺有點求其啊,份量比較細之餘,味道也沒驚喜。
  

又有微辣的Salad Pollo Mexicana 墨西哥風脆炸雞胸粟米汁沙律 ($128),這個可說是全場最吸引的選擇,多色雜菜加上炸雞胸、牛油果及微辣的青椒醬汁,滋味豐富又惹味,很快就清光了。
 

最後這Sesame Orange Chicken 加州棒棒雞沙律、芝麻薑汁 ($112) 也不錯,它由切絲的雞胸肉、脆米粉、生菜、洋蔥、甘筍、青瓜、橙粒等等組成,口味清新中帶果香,唯一有點多餘是外圍的炸雲吞皮,我們吃剩了不少。


其實四份沙律過後,我們 (特別是女生) 已經飽了大半!! 但之後又有一系列頭盤,首先是炸珍寶蘑菇、黑松露忌廉醬 ($78),珍寶蘑菇約有十隻,炸得很深感覺較油,如非有黑松露忌廉醬我沒興趣吃。結果與老公分享了一隻,感覺如果沒有炸醬會較好。


特及焗薯皮 ($78) 要了兩份,這是兩份上的size!! 那單份都幾孤寒呢。薯皮賣相豐盛,但芝士不算太香,原來好久沒吃過出色出品,找天要到Dan Ryan's重溫。墊底加了不少脆麵包粒,但都是較油的。有點覺得這裡除了沙律,其實其他食物都不算健康呢!
 

還有甜辣柚子雞翼 ($72) 又是點了兩份,其實無論甜味辣味或柚子味都不突出,感覺又不脆,一般啦。
 

那早前說適合幼兒的食物是甚麼呢? 答案就是這焗芝士通心粉了,店內有三款口味選擇,分別是Classic 經典原味 ($55)、Duck Confit 法式鴨肉 ($63)、Burger 芝士漢堡 ($65),我們點了最後一款口味嘗試,成品雖焗得不夠香,但芝味都幾豐富,再加上漢堡肉碎及青瓜,挺不錯的。如Matthew有來,給他一客Classic就OK了!!


頭盤及沙律環節太飽關係,我們有點頭大身小,當晚只吃了三款主菜。首先是GRILLED 10 oz US BERKSHIRE BONE-IN PORK CHOP ($228),一款黑豚肉,肉質挺乾的,不太咬得開,不推介。
  
  
反而GRILLED SAUSAGE PLATTER ($158) 質素不錯,四款香腸均皮脆肉香又夠Juicy,拌以大大份的薯蓉及烤蒜,也令人滿意的。
  

最後是12 oz HARRIS RANCH NATURAL BLACK ANGUS RIB EYE – HAWAIIAN STYLE ($298),肉眼的質素不算頂高,但烤得幾香,同上的清新烤菠蘿也是亮點,令到整個菜式更酸甜清新不膩。


另外也點了一份Truffle Fries 炸薯條伴白松露 ($38),味道正常,其實不太吃得出白松露香氣,但好處是香脆而不油。


最後還有意粉類,要讚AG的Carbonara ($98) 一如以往的香濃creamy、彈牙又有口感,好好吃!! 面層還有一件香脆的蒜包,一客真不太夠喉,應該要點兩份才對的!! 又其實本來還有一份Creamy Wild Mushroom意粉,因為太飽取消了,不過如果質素似Carbonara的話,應該再來也吃得下的。


咸胃很飽很飽了,又來到甜品環節;甜品不計併盤共有五款,酷愛甜品的我們當然全掃了!! 首先上檯是Double Layers Chocolate Flan Cake 雙層朱古力焦糖蛋布丁蛋糕 ($52),其實不太吃得出朱古力或焦糖味,不過面層的布丁幾滑,底層的餅底也算厚身鬆脆,口味微甜也算討喜。見大家都吃剩了,就等甜魔媽媽來清光吧!


然後有White Chocolate Cereal Panna Cotta 白朱古力脆麥片奶凍 ($52),第一口吃講真印象很麻麻,因為甜度不高,質感又不夠軟滑;不過細味之下,那奶味才慢慢滲出,加上脆口的麥片又幾夾,加上橘子,算是一款較為清新的甜品。
 

當然嗜甜如甜魔媽媽,會更喜歡Warm Chocolate Cookie Sundae 特濃朱古力曲奇新地 ($72),它由大堆忌廉+朱古力醬+大大球雪糕+香甜曲奇組成,香甜濃膩兼有之,適合喜歡美式甜品的食客。
 

還有Slow Baked Whole Apple 慢焗原隻蘋果配雪糕 ($62),真是由原個紅蘋果焗成,很熱的果肉慢又稔加上頗濃的肉桂調味,襯以冰凍的雲尼拿雪糕,那冰火口感都幾過癮的,但又稱不上很好吃,最美味已算是頂層一片脆糖了。


最後是Caramel Apple Turnover 焗焦糖蘋果脆脆 ($64),這次是青蘋果的組合,口味因此更加清新,不過不太吃得出焦糖味,底下的custard汁也很難吃到啊,所以感覺一般。
 

最後我們還付了$50的cut cake fee,為壽星女準備了一個COCOL'Ardechois 栗子蛋糕 ($310),蛋糕十分精美,不過甜度較高蓋過了栗子的原味,比預期中失望些少。希望壽星仍然喜歡啦~~~


不過一有點上蠟燭的蛋糕,又會好想念Matthew仔了... 說起他,今晚送上一段關於為食發表「惜食」的影片,他那認真/嚴肅的樣子,以及自相矛盾的情況,還有最後左顧右盼、岔開話題等等,都實在笑壞人!! XD



明天再分享更多關於Chloe妹妹的照片~~~~
 
Applegreen
地址:尖沙咀彌敦道172-174號太平洋大廈2樓2A舖
電話:2312 2488
網頁:http://www.applegreen.com.hk/
 
COCO
地址:尖沙咀彌敦道118號The Mira Hong Kongl地下
電話:2315 5566
網頁:http://www.themirahotel.com/zh-hant/portfolios/coco/
 
** 想收到兩小兄妹的最新消息,可以like一下Matthew and Chloe fanpage哦~~

14 則留言:

  1. 回覆
    1. 我地下星期同月底都會再聚啦, 加油丫oli!!!

      刪除
  2. 回覆
    1. 真係好認真, 但大聲講自己又唔做囉 XD

      刪除
  3. 好搞笑呀,佢好認真
    難怪你今日問佢浪費食物岩唔岩,原來係曾經發生過咁既事

    回覆刪除
    回覆
    1. 因為早排係咁播D非洲小朋友捱餓的video俾佢睇, 叫佢唔好浪費食物嘛, 所以佢咁正氣凜然! 可惜, 講得出做唔到... XD

      刪除
  4. 原來旺角店已經執咗,印象中D意粉好正,後來睇返妳介紹佢嘅甜品先知自己miss咗"重點",典知,過咗幾年水準又唔同哂!
    Matthew好似有D知自己唔啱,所以好驚爸爸繼續問落去!XD

    回覆刪除
    回覆
    1. 其實我都唔知Matthew算唔算引開話題, 因為最後佢問到的"this is halloween", 其實真係佢近月來超鍾意睇的「the nightmare before christmas」呀

      刪除
  5. 新都會就黎開applegreen. 雖然佢唔係話好食到dum一聲, 但都好期待呀!

    回覆刪除
    回覆
    1. 冇錯, 我都期待緊, 等開左後約舊同事去食返餐

      刪除
  6. 佢既鹹食都吾差呀, 甜品係有點失望!
    Matthew也是時候學習珍惜食物, 話晒都大個仔啦~

    回覆刪除
    回覆
    1. 我會去encore佢的沙律同咸食的, 甜品就... 其實俾cut cake fee會抵D :p

      Matthew好珍惜食物架! 如果好食o既話....... @@

      刪除
  7. 咁啱我上個WK都去左九龍城間applegreen! 不過可能我抱好多期望去. 所以都幾失望. 而且價錢偏貴呢 ~

    回覆刪除
    回覆
    1. 其實AG開左咁多間又執左咁多間, 佢的QC應該有D問題的~~ 遲D我又去埋葵芳店睇下點先!

      刪除