Cafe Gray Deluxe ~ High Tea 癮起!

歡樂的時光過得特別快,來到今晚一般打工仔的復活假已放了3/4,可會不捨假期結束? 告訴大家,甜魔媽媽最近很迷high tea,今個月內已去了三次,特別今晚起一連三日為大家報導一下;萬一大家也給挑起癮來,也可趁明天最後假期去享用嘛!! 
  
首先記錄這場已是兩星期前的聚會,由於韓國的同事來港並下住Upper House,甜魔媽媽與另一位香港同事逐約她在酒店內的Cafe Gray Deluxe一起品嚐三層架的英式high tea。


那是一個星期天family day,甜魔一家當然舉家出動;一段日子沒去High Tea了,媽媽特別給Matthew仔換上恤衫,Chloe妹妹也著上靚裙,然後~~~出動!!!


還記得多年前與老公結婚,但仍未有小朋友時,每個月都會自製紀念日,借機吃頓好的;於是在結婚9個月紀念時,曾到訪位於49樓、靚景開揚的Cafe Gray Deluxe享受fine-dining晚餐 (舊食評按此)。這次再來變成了一家四口,改變真的很大啊! 


要先講明,這裡的訂位幾緊張的,甜魔媽媽早一天致電來訂檯,並沒有位!! 還好在waiting list上留了電話,翌朝也收到通知說有位,這場high tea才可以成事。不過一家四口始終比較論盡,最後遲了10分鐘到達,真不好意思! 


是日天氣比較差 (後來還落起雨來!!),沒有多拍開揚的港島景色了;又因遲到關係,部分食物已經開動,只簡單拍一張留念吧。
 
但要講這裡的High Tea真的幾抵食,咸點包括:西洋菜蛋沙律三文治、煙三文魚裸麥包+香檸醬、吞拿魚全麥包三文治、烤芝麻牛肉漢堡+辣根忌廉;甜點則包括:酒香芝士蛋糕、黑加侖子鬆餅、白朱古力熱情果慕絲、紅莓杏仁曲奇、香檳朱古力、檸檬藍莓牛油卷、Cannelle、開心果朱古力蛋糕,當然少不了自家製的草莓果醬、蜜糖及Clotted Cream,以及自選咖啡/茶,每位$225,每兩位$385,份量頗為慷慨,是日我們一行五人分享2+1共三位的茶餐,已經很飽!!
 

當日吃得最多的絕對是Matthew仔,單是牛肉漢堡就吃了兩個、三文治也吞了兩件,另外白朱古力熱情果慕絲、曲奇、芝士蛋糕等,全部都有試有吃。甜魔媽媽專吃甜點好了,十分喜歡開心果朱古力蛋糕、Canelle及香檳朱古力,真心好吃;而High tea的靈魂之最的Scone,質感鬆散了些,不過配上Clotted Cream及果醬並少量蜜糖,還是非常的吸引。吃完這個,舊時的High Tea癮完全給勾了起來,所以趁今個復活假又去了兩趟!
 

在金鐘這個高貴地段,五大三小坐得舒舒服服,享受著這樣的靚景美點,再加一杯散點的咖啡 ($60),埋單只是七百多 (不設信用卡折扣,否則更抵!)。加上景致一流、引得不少人拍照留念的洗手間,實在是個值得推介的High Tea熱點!


這裡也成為Chloe妹妹的開餐位,很舒服!
其實今餐食物只是其次,最開心是大家千里也可以相聚,渡過輕鬆愉快的一個下午。最後送上為食Matthew怒食high tea的片段,還有他與靚姐姐擦出的火花,相信是日最開心盡慶就是他!!

有野食
有野玩
仲有靚女姐姐相陪
二人更擦出不少火花!!!




!!!!!!!!!


最後送上甜魔媽媽、Chloe妹妹及韓國同事的合照,希望她也盡快造人成功,好好享受BB樂;更希望到時甜魔媽媽會較為空閒,可以抽身去韓國 (對上一次遊韓已是差不多十年前啊...) 一起相聚吧~~~~



混血B通常特別靚,很期待見製成品!!
明天再記錄洲際的High tea吧。 
 
Cafe Gray Deluxe
地址:金鐘金鐘道88號太古廣場奕居49樓
電話:3968 1106
網頁:http://www.cafegrayhk.com/cghk_tc.html
 
** 想收到兩小兄妹的最新消息,可以like一下Matthew and Chloe fanpage哦~~

13 則留言:

  1. 完全是貴婦生活啊 @@

    回覆刪除
    回覆
    1. 其實我食得好平架, 明後日睇埋報導就會知道~~ ;)

      刪除
  2. 回覆
    1. 洲際好味啊! 雖然最鍾意都係文華

      刪除
  3. 個姐姐嘅裝化得好行喎!
    呢邊真係無咁出色嘅tea架!
    遲D妳去London仲大把好味tea可以嘆!吖,有機會試下sketch restaurant!

    回覆刪除
    回覆
    1. 佢係同事o既囡囡, 因為剛跳完舞表演完過黎架~~~

      冇錯, London行我會勁食high tea, 真係諗起都超興奮丫 :D
      sketch restaurant我都會mark底, yeah~~

      刪除
  4. 都話matthew鍾意靚女架啦^0^

    回覆刪除
  5. 個靚女姐姐喺其他枱嘅客人來嗎?

    回覆刪除
    回覆
    1. 係香港同事o既囡囡黎架, 剛跳完舞表演完過黎架~~ ;)

      刪除
  6. 下住???
    你係咪打錯字,定係玩自創?

    回覆刪除
    回覆
    1. 其實係想講同事揀左Upper House, 用下住的確唔太適合, 但一時又諗唔到用詞呀.....

      刪除