爸爸農曆生日快樂!! ♨ 溫馨雞煲夜 @ 香港地 ♨

今天突然轉冷,分享一則溫暖食記:ID生日、農曆生日、真正生日... 老公的生日超多!總不能每頓都到酒店豪吃;由劉總得知香港地新出了雞煲,就趁在爸爸的農曆生日夜去了吃。
 

答應了給Matthew買玩具,開飯前先帶小兄妹去樓下的ToysRus看玩具。很喜歡這張小兄妹一起挑選玩具的照片,其實要說Chloe一點不算矮,不過Matthew實在太高大了,將妹妹襯托得嬌小如娃娃,場景很有趣~


Chloe: 媽媽妳又偷拍??
Chloe除了對鏡頭很敏感,膽子也幾大的,對於這些Halloween的怪手一點都不怕,好奇的換了很久... 另一邊的Matthew不知多害怕呢!
 

很溫馨的一張合照,看來就像哥哥擁著妹妹的樣子,其實是小兄妹都逼著去看恐龍啦!XD
 

玩完一大輪,妹妹都累得睡著啦,我們也是時間去晚餐。再訪了奧海坊的香港地,環境光潔明亮,地方寬敞舒適,設備baby-friendly,加上週到的服務,見到不少父母都帶BB去用餐。

在舒適卡位就坐後,很快就鎖定我們的目標 -- 極尚雞煲系列的麻辣花膠雞煲;$138的定價還連上花膠,實在十分抵食,而且感覺也比街邊雞煲店乾淨衛生多了。 
  

起初以為雞煲只是一人的份量,還貪心的點了老公愛吃的胡椒豬肚雞煲 ($108),食物上檯後就開始後悔,因為份量真的很大啊!


先講胡椒豬肚雞煲吧,奶白的湯身富有胡椒的香氣,味道吸引又暖胃;但因我不太吃豬肚,只幫忙吃了雞件部份 (一點不少,少說也十多件吧...),其餘主要由老公來解決了。


當然我會更愛麻辣花膠雞煲,大大的一煲舖滿材料,只是花膠就至少有6-7件之多,加上多款香料、乾蔥、椒絲等,味道香辣豐富,而且越煮越入味,好過癮的!


超多花膠,抵食啊!!
在這微涼的夜,一人來一大個熱騰騰的香鮮雞煲,真是瘋狂又盡興的一晚!


對了,惠顧雞煲可以優惠價配上凍蜜糖山楂雪梨茶 ($13杯/$42渣),考慮同行的Matthew也可以飲上一杯 (他一早吃飽飯仔來),就要了一渣,份量足而且味道清甜中帶酸甜,開胃怡人。


雞煲份量是多,不過沒有澱粉質始終若有所失,好在雞煲還可以加$10配上薯粉,我們就點了一份,份量不少呢。將之放在雞煲去煮,吸收了雞煲的香濃惹味,滑溜吸引非常,當中又以麻辣雞煲煮薯粉更為香辣刺激~


十分刺激過癮!!
也要一讚同行的Matthew,越來越乖巧,這次十分聽話的沒有亂碰亂摸東西,叻豬。所以答應他飯後可以重回ToysRus選一樣玩具,發大達啦!
 
十分酷似爸爸的乖豬
一笑又極似媽媽了!!!
壽星爸答應送禮物,有人樂透了!!! =)
在買玩具前,也讓甜魔媽媽滿足小小甜癮好吧?原來香港地最近新增了不少傳統甜品糖水,惠顧主食可用優惠價加配,當晚也要了湯圓生磨腰果露 (原價$25,優惠價約$20),成品份量又是不少,夠三口子分吃了,而且味道都幾香!中間湯圓小小巧巧的,Matthew也吃了兩粒。


Matthew: 幾香,而且甜度適中,唔錯!
超飽足又溫馨的一頓,不用收加一埋單$300頭,壽星爸讚比其他雞煲店吃得舒適稱心又抵食,會推介給愛吃雞煲的爸媽們。然後,大家估到Matthew在ToysRus選了甚麼東東嗎?
 
好騎呢... 不是這個!
哈哈,也不是這個!
其實他選的是全場最便宜的泥膠 (Playdoh)!真懂幫爸爸慳荷包,乖仔~ 最後,可能Chloe的粉絲會覺得不夠喉,所以再貼一張早前為食妹吃意粉的污糟食照,嘻嘻!

妹妹真的越來越搶鏡啦!!! XD
美心香港地 Maxim's Hong Kong Day
地址:大角咀海泓道1號奧海城三期UG65號鋪
電話:2758 5228
      
** 想收到兩小兄妹的最新消息,可以like一下Matthew and Chloe fanpage哦~~

12 則留言:

  1. 哈哈...點解妹妹唔止個口鐘意食野,連塊面珠登好都鐘意食野

    回覆刪除
    回覆
    1. 所以咪超級得意, 十級鍾意影佢囉~~~ XD

      刪除
  2. Matthew同爸爸影嗰張相好sweet呀

    回覆刪除
    回覆
    1. 係, 佢係我地的sweet sweet小情人呀!! 妹妹係小小情人~~ :)

      刪除
  3. 哥哥妹妹越來越多互動,好sweet呀!

    Mr. Dolphin爸爸返咗香港呢個月都係成日幫襯香港地架!

    回覆刪除
    回覆
    1. 每日見到小兄妹真係好鬼sweet, 特別妹妹都學識了kiss哥哥呢

      揀香港地好o岩呀, 至少乾淨衛生好多

      刪除
  4. 壽星爸答應送禮物,有人樂透了!!! =) --->>但Matthew點解蓋住爸爸的嘴呢?? :DD

    回覆刪除
    回覆
    1. 因為佢唔俾爸爸kiss佢囉! 其實我地成日都咁強吻一對仔女架 XD

      刪除
  5. 隻怪手我都買左隻呀! 佢仲可以除出黎戴落隻手度....超恐怖!
    個煲好吸引...

    回覆刪除
    回覆
    1. 哈哈, 唔影下玩手過程? 應該好過癮~~

      有D食友唔鍾意個煲, 覺得花膠side左, 我就OK, 可以一試呀

      刪除
  6. 祝Matthew爸爸生日快樂!
    最愛Matthew仔的笑容,
    Chloe的樣子好可愛好攪笑。

    回覆刪除