是的，上週嫲嫲又回鄉一週，加上小兄妹相繼病倒，真是另一段黑暗時光。還好出文之時，Matthew差不多全病好，嫲嫲也一早回來，甜魔家又回復正常～
店內裝修舒適骨子，地方光潔企理，也有BB high chair等設備，是幾適合帶同幼兒來用餐的。
以酸甜爽脆、滿有水準的咸酸菜開胃後，2大1小合同點了三款小菜，再加兩個白飯，就成一頓家常便飯。
三款中最喜歡 金瑤琵琶豆腐 ($88)，以魚肉、蛋及豆腐製成的琵琶豆腐，經輕輕香炸過，再淋上滿有瑤柱絲的醬汁，清淡中見香口鮮美，份量不小，三人吃都還有剩。菜式又搭上數條小棠菜，更添清新也更健康。
另外 生炒上肉排 ($98) 也做得不錯，外層十分酥脆，酸甜的醬汁十分對辦，半肥瘦的肉排令口感更豐腴富迷人脂香，但同時也不會很膩。份量不少，又是吃不完要打包走的。
比較失色是 大白菜粉絲丸子煲 ($88)，點這個菜原意是吃多點蔬菜，沒想到丸子的份量又多又大，比大白菜還多上許多，還好粉絲是彈牙又入味，結果粉絲及白菜給吃光了，肉丸子還剩下許多要打包。這些食物加起來都夠老公抵一頓午餐了！
連上兩碗白飯、茶芥及加一，埋單 $353，是吃悶了美心系列中菜的另一選擇。對了，由於這頓Chloe妹妹沉沉睡了 (隨著妹妹越來越可愛，很多時相機焦點都改落在她處... >v<)，Matthew終於可以成功突圍搶鏡！
 |
| 這個長腿的小子還要坐high chair，真的非常勉強呢!! |
 |
| 雖然沒有以前的可愛，不過媽媽也會繼續錫鍚這個小情人~~ |
 |
| 因為他與爸爸真是餅印!!!! ^3^ |
也附上當日小兄妹在屯門公園玩樂的片段，是的，他們雖然前後腳病倒，但大致還是很精神的，也值得感恩～
還有星期六看醫生前後的照片，真的，Chloe妹妹一天比一天電力強勁，偶爾一個「蘑菇」眼神就殺死人；而Matthew卻只得一味馬騮、活潑。一比之下，妹妹勝出！
來到樓下茶記的下午茶PK賽，Matthew仔更是明顯落敗，被Chloe妹妹大幅度KO了!!! :O
 |
| 可愛的食相不再... |
 |
| 妹妹明顯可愛搞笑多了!!!! |
 |
| KO!!! |
 |
| 再KO!!! |
地址：屯門屯隆街3號屯門市廣場一期2樓2190A舖
電話：2353 6663
** 想收到兩小兄妹的最新消息，可以like一下Matthew and Chloe fanpage哦~~
妹妹真係好得意而家識行真係可愛到不得了
回覆刪除係丫, 好期待同佢一齊去旅行, 一定好玩c~~~ >v<
刪除麻麻D餸吸引好多
回覆刪除妹妹真係好可能^^，點解佢塊面有咁多粒飯架?
咁嫲嫲點都要間中返去探下親人, 休息下~~~
刪除妹妹真係超級為食, 但小手指又未控制得咁好, 所以成臉飯! XD
妹妹塊面、隻手、個身都係飯，但手仔就繼續拎住包包嚟食，唔通D飯粒留嚟宵夜。 ;P
回覆刪除係丫, 成日都留咁多黎宵夜, 真係笑C人架
刪除好似突然間開左好多新斗記咁既. 荃灣都有間.
回覆刪除我最鍾意佢既唔肥乳豬呀... ：Ｄ～～～
佢近年係撈得好掂呀, 不過好耐都冇食乳豬了, 要等多D人去食開心D
刪除