連續幾日唔見Matthew仔, 大家有無掛住? 今篇雖然都係試食, 但就有埋Matthew, 仲有搞笑新髮型 
因為上週日, 一家四口應邀來到Megabox, 到9樓的Ramen Champion, 參與一場拉麵名家大激戰!!
因為上週日, 一家四口應邀來到Megabox, 到9樓的Ramen Champion, 參與一場拉麵名家大激戰!!
大家都知有競爭先有進步, 而Ramen Champion正正係以競技場的形式設立的拉麵場館, 首間場館位於佐敦, 而第二家就是位於MegaBox, 分別各有6間拉麵店~ 大家在Ramen Champion吃完麵之後, 可以到官方網站投票, 每年票數最高的會成為拉麵之王, 相反, 票數最低的就要出局, 打道回日本!!
特別一提, Megabox的6間拉麵店, 同佐敦並唔一樣, 而大多由日本師傅出任總廚, 於7/15才剛開幕不久~~ 上週日的上午, 我地11點就來到場館, 地方頗大, 設計充滿和風, 環境唔錯架!
場內除了大人就坐的木餐椅, 仲有BB high chair, 又附有紙巾, 一家幾口帶著BB用餐都很方便!
但咪睇依家個場咁靜, 去到午餐同晚市時段 (根據FMH的意見) 都會幾旺架~~
試食前, 全新造型的Matthew仔首先同大家say hi --- 「我個新髮型係咪好清爽呢?? 爸B趁我訓著時剃架! 其實最初我醒時都有唔開心, 係咁講hair byebye, 不過真係涼好多呢!」
為了公平起見, 是晚每位參與試食的食家都要同時品嚐6間名家的No. 1拉麵 (及小食), 非常飽足!!
事不宜遲, 正式開始啦!! 首先品嚐 (1) 無限大 Mugendai的出品, 據講佢係佐敦店無雙的兄弟品牌呢
它的No.1 Ramen 是為無限大特製拉麵 Special Cha-cha Ramen ($88), 在製作此拉麵, 廚師要用力使用煮食器具, 發出cha-cha聲音, 因此有Cha-cha Ramen之名!
店方選取了肥瘦均勻的豬背肉來作食材, 加上較清不會很濃的湯底, 及味道香甜帶流心的溏心蛋 (Matthew也有試食每間的溏心蛋, 很開心!), 整體組合不錯, 如果麵質再彈牙索味些會更好~~
另對這裡無限大王者餃子 ($30) 印象很好, 出品在6間中最餡鮮飽滿、肉汁豐盈, 連吃了兩隻!!
然後品嚐 (2) 麵絆 山岸一雄 MENBAN YAMAGISHI KAZUO, 它的No. 1 Ramen 是特製日式沾麵 ($93), 令人充滿期待!
因為, 早前農曆新年的大阪關西之旅, 我們在難波的三田製麵所吃到超美味的沾麵 (圖片如下, 而當日遊記按此), 印象超深刻的, 所以回港後發現有得吃, 非常之興奮開心~~~
可惜當日出品只有其形卻沒其神, 粗身的麵條沾不上多少醬汁, 而醬汁說實在也不夠濃惹傳神, 當然未能像日本般引起大眾歡迎, 辜負了研發這沾麵的「拉麵之神」山岸一雄先生了!
再試 (3) 來自日本千葉縣的角富士 Minami Kadofuji, 其No. 1 Ramen是加份雜菜拉麵 ($80), 真健康!
其特點是將豐滿的蔬菜, 加上厚切叉燒堆成如山般形狀, 又稱為二郎拉麵; 在大量雜菜下, 湯底相對較清淡宜人, 在吃膩了多款拉麵後, 品嚐此麵感覺還真不錯, 我只嫌叉燒未夠鬆化~~
也試了它家的日式餃子 ($35), 這個就沒多少特色了, 吃了半隻就推給老公了 (真好有帶他來
)~~
然後到 (4) 出品德島拉麵的豚神 TONKOTSU, 吃的No.1 Ramen是雙份豚肉拉麵 ($88)~~~
由豚骨混合醬油湯底, 加上生雞蛋、五花腩豬肉片, 就是德島拉麵的特式, 單看賣相是非常豐富誘人的~~ 然而豚骨湯底加上醬油風味, 可想而知口味會是特別濃郁, 而是日的出品也實在濃咸太過, 特別是薄切的五花腩豬肉片超級索味, 令人吞不下讌呢....
它的日式餃子 ($30) 的味道就十分平均, 不過比起同場的無限大 Mugendai, 還是有所不及~~
接著是很多食家讚好, 出品九州豚骨拉麵的 (5) 南青山 Minami Aoyama~~~
香港人對於九州風味拉麵是較易接受的, 當日所試這款豚骨濃湯特製拉麵 ($88), 豚骨湯底其實也挺濃, 但就不會引起大家反感, 反而讚它夠香口美味, 我想那醒胃的子薑也起了一定作用! 另外此店所用的幼麵在索湯時表現是最佳的, 口感也不錯, 難怪令人稱道, 老公最喜歡就是這間!
這裡的小吃終於不是餃子而是炸雞 ($35), 成品算是香脆不油, 如非太飽我會encore多件呢~~~
最後品嚐來自北海道的 (6) 普賢象 Fugenzo, 其No. 1出品當然是味噌湯底的拉麵!
豚骨特製味噌拉麵 ($89), 濃郁豬骨湯底加了白味噌、芽菜、肉碎、香蒜和紅薑絲等後, 湯底香濃帶微甜, 層次感豐富; 麵身較為煙韌, 有口感而且很掛湯~ 喜歡北海道風味的媽媽, 全日最欣賞是它!
最後場內有個飲品counter, 無限量供應清涼解渴的綠茶; 當然也可以憑喜好惠顧汽水果汁啦~~
而食客可以食飽飲飽, 最後才於cashier埋單, 好方便架~~~
實在多謝有關單位的邀請, 一次過品嚐如此多款拉麵, 感覺實在很滿足; 不但是我與老公, 連Matthew仔也非常開心呢, 當日的鬼馬表情超級特多~~~
Matthew在試食不同店的溏心蛋... 為食豬似乎全部店都好滿意喎!
肉緊樣!!!!!
Happy Yummy face~~~~~~
而且Megabox實在太適合BB去行去玩了, 好動豬在商場玩得不亦樂乎呢!!
又入埋Toysrus大玩特玩!!!
依個頭盔look太可愛喇!!!
得意到媽媽係咁攬住Matthew黎錫~~~ 
拎埋汽球後, 又去行埋IKEA~~~~
真係每個場都有好多適合BB玩的地方~~~ 可惜時間唔夠, 否則會上樓玩埋收費Playroom呀!
但唔緊要, 當日下場都好豐富呢, 就係約左田鼠一家3日食Tea buffet!!
聽日再記~~~
留言
發佈留言