跳至主要內容

生日飯@ PICO Tapas Wine Bar (Yahoo copy版)

吃完灘萬的生日飯, 又重溫了Fine Food的甜品後, 相隔不夠2小時, 媽媽及Matthew, 連同由元朗打完波出來的老公, 一同來到帝國中心地下的PICO Tapas Wine Bar, 吃另一頓生日飯了~~ 


其實8/11的雙B lunch @ Eastside Tavern後, 兩隻好動B就係PICO出面的空地大玩rugby, 又跑又跳 ; 至於為食媽媽就好奇去留意人地餐牌, 覺得都唔錯, 就book了來吃生日飯! 



另個係餐廳帝國中心的入口, 好有西班牙風情呢! 上網check了check, 原來佢都係shore集團架 



入到店內有陣濃濃的熟悉感, 原來前身係媽媽都幾欣賞的南意大利餐廳Only Buonasera, 估唔到咁快又執了... 依頭的餐廳真係轉得快呀~~
 


覺唔覺得Matthew仔有點呆? 梗係啦, 好動豬當晚係咁要求「跑步」, 結果由尖沙咀站一直跑到尖東站, 唔知係咪太chur關係, 一度嘔左幾啖丫.......... 



之不過凝望窗外, 見到草地的好動豬仔又係咁要求再次「跑步」~~~ 真係頂佢唔順! 


雖然未餓, 但開餐啦!! 侍者先送上餐前小食, 係好香口的脆條, 有點似迷你版的grissini, 唔錯!


老公及叉叉點了Red Sangria ($68@), 懞哂添... 我偷吃了老公那杯不少生果, 所以dip到少少酒味, 都唔錯喎~~~ 



食評讚好的Gambas al ajillo ($88), 真係唔錯喎, 大蝦十分鮮嫩爽脆, 富有蒜香又微帶辣油, 好滋味; 同上的軟包雖然唔太合襯, 不過之後用來點其他醬食都好味呢~~




講的其他醬, 就係跟Tortilla de patatas ($68) 上檯的白色沙律醬啦, 好滋味架~~~



其實主角的西班牙奄列亦十分大件夾抵食, 不過就冇其他食評中的流心蛋效果!!



之後的Crispy Spice Pork Belly with Adobo sauce ($118) 好魔鬼呀!! 因為三分肥的燒腩肉剛燒好就上檯, 入口實在是超級香嫩脆口豐腴美味, 嗜肉的老公食到lam lam脷!!  


仲有蝦肉及蟹肉混製的Croq. Cangrejo y Gambas ($72), 成品外層輕薄香脆不油, 點醬食又係唔錯呢!



西班牙海鮮飯食得多, 但依款"Arroz Negro" Squid Ink Paella with Squid, fresh garlic, tomato, onion and Sherry vinegar ($228) 都係第一次品嚐架! 墨汁飯帶一丁點酸味, 撈上沙律醬食滋味很特別, 而當中又暗藏大量海鮮, 食依個飯好似尋寶呢! 



食完個飯真係飽哂, 不過之後仲有甜品驚喜呢, 就係老公由Patisserie Yamakawa買來的甜品, 堆得好靚上檯! 原本佢想買whole cake架, 只係太遲去冇哂, 不過試多幾款仲開心啦~~~ 
 


hehe, 真係好鍾意食生日飯, 因為又可以見到Matthew豬的興奮樣啦!! 



依張由Dora send出黎的手機相好正呀, 好明顯見到為食豬有幾著迷+興奮!! 
  


除了吹蠟燭好開心, 依間甜品都真係唔錯架---士多啤梨杏仁撻固之然吸引, 抹茶夢幻曲更係繼綠茶roll後, 另一驚艷之作; 最後芒果芝士餅都清新美味喎, 為食媽媽同Matthew都好滿足! 


最後食埋PICO的Churros ($58), 我好鍾意食依款西班牙油炸鬼, 依度的出品都唔錯, 但個醬濃黑了些少, 有點懷念Zelo個款又香又滑, 有少少微凍好似朱古力奶昔的sauce呢~~



一日連吃兩餐滿足的生日飯, 好似有D過份; 但其實翌晚仲有一場更豐盛的2星生日飯呢!! 再記啦~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~