其實葵芳新都會的Izumi Curry早在6月尾已開張, 不過到依家Openrice仲未有紀錄, 真係好慢~~
而餐廳亦由初時的超級多人, 下下排餐懞 (因為不設訂位), 變到比較正常, 特別2個人好快有位~~
等位之時望住依D咁像真的模型.... 真係好鬼令難耐呀!!!
店內環境~~~~~
午餐 ($49-79) 會包一杯蘋果汁 / 橙汁 / (無糖) 可樂/ 雪碧 / 檸檬茶(雀檸) / 烏龍茶以供選擇, 都幾吸引丫! 首訪時揀了果汁, 原來超級大杯, 我好辛苦先飲到一半咋.... 所以之後都叫雀檸拎走算啦!
店內聲稱所有食物係即點叫製, 落單後會送上每人一份迷你沙律邊等邊食; 其實咁都幾好丫, 食份沙律打底先健康好多呢~~
去了N次的媽媽, 前後試了唔少款式, 首先係最具人氣的吉列豬扒咖哩飯 ($79), 我另+$5加配軟滑奄列, 好豐富! Izumi的咖哩都幾香濃, 口味帶一點酸, 撈上飽滿軟熟的靚靚珍珠米 (抵讚), 幾好食架!
加錢的奄列都真係又香又滑, 但吉列豬扒肉質較實, 水準只係平平!
又試過雞肉咖哩飯 ($49), 都係加了奄列, 雞肉比較乾同實, 無乜味, 又係唔太推介~~~
講多句, 其實平時我鍾意蘋果汁多過橙汁 (因為成日覺得橙汁比起原隻鮮橙差太遠了~~~), 但襯咖哩就橙汁會夾好多! 所以會推介飲橙汁更多
另外又試過自家製漢堡扒咖哩飯 ($59), 依個反而好唔錯, 皆因漢堡肉質好鬆化又柔軟, 係咁多款肉類之中最好味的一項! 加埋+$5的奄列, 更加滿足!!
蕃茄奄列咖哩飯 ($59) 都唔錯, 因為平時加錢的奄列得好少, 依份會滿足好多, 而且我選擇+$5添加軟滑芝士, 個種芝士交融蛋香的滋味真係好正架! 唔食肉都一樣美味滿足~~
邊寫都邊掛住咖哩添... 我估坐月時應該都冇得食, 好, 就趁8/23放假前去多一次先~~~
媽媽除了鍾意食咖哩, 更加鍾意在咖哩餐後來一杯雪糕, 份外滿足!! 所以今晚寫埋Milk Top先
其實都係8/3去Wildfire high tea先發現, 原來奧海城都開了Milk Top! 媽媽不嬲好鍾意佢的雪糕袋, 同時見到又出左咁多新口味puddings, 就要了布丁、雪糕各2杯~~
影得唔好, 依款其實係Caramel Pudding, 味道香甜又滑溜, 唔錯!!
不過原來依款Sakura Pudding仲更加好味, 有一陣清香、甜味亦更為輕柔, 同牛奶味好夾呀!
至於雪糕方面, 老公係榴槤味的die hard fans, 食完叫我快D又再去入貨喎! 
不過對於媽媽同Matthew來講, Milk Top最為吸引的, 始終都係綠茶味雪糕!!
雖然口感比起Haagen Dazs會冰D, 不過陣綠茶味真係好甘濃好突出, 比起白熊咖哩的綠茶軟雪糕足料千百萬倍呀!!!
又有一段為食豬食Milk Top的video, 片中Matthew都讚了兩次「好好味」, 仲要努力自己筆!!
又, 不知不覺來到8月中了... 真係要好好珍惜妹妹出世前的美食時光~~~~ 
留言
發佈留言