跳至主要內容

親子High Tea @ Wildfire (附: Matthew仔泳照!!) (Yahoo copy版)

不知大家也會這樣嗎? 來到weekend, 難得可以遲訓起身, 吃完一個飽足早餐, 接著通常午餐都沒胃口, 因此特別喜歡/期待去享受一頓下午茶!!  來到孕期末段再吃 buffet太過份, 那就吃吃high tea吧~


上週末一家四口, 就與婆婆及姨姨來到奧海城的Wildfire, 嘆了一場超值的high tea!! 



Wildfire的裝修向來以紅色及木色為主題, 主題鮮明而強烈, 其實很適合小朋友呢! 


是日Matthew仔也表現得得戚又巴閉, 冇計, 依個新髮型真係非常淘氣呢~~~ 
 

點解媽媽話依度的High tea好超值? 因為平日$178 / 週末 $198的二人high tea set, 現在做VIP Card Holder (即係我!!) 買一送一優惠, 即係$198就有齊兩份, 合共四人用的high tea set啦!! 



可知每份Tea set除不同款式的甜點、咸點, 仲有一份自選9吋薄餅架!!  陣容豐富到玉仔姨姨係咁要我幫手影相, 與此同時, 為食Matthew仔已經忍不住開始開動啦~~~ 


逐一介紹下啦, High tea set所有甜點咸點都係雙份上, 內容由右至左包括有:

- 煙三文魚卷 : 煙三文魚鮮香嫩滑, 中間襯以cream cheese, 再加上青瓜洋蔥片好味丫! 我食了2件 
- 意式多士配水牛芝士、蕃茄沙沙及風乾火腿 : 又係新鮮、清新、口味豐富的美味之作!
- 檸檬蛋白撻 : 面層蛋白打得輕盈而柔和甜美, 襯以酸甜清新檸檬餡, 唔錯呢! 如撻皮再脆D就一流 
- 法式杏仁餅配鮮士多啤梨 : 色水比較深, 口感脆但實, 算是較失色的一項
- 意大利芝士泡芙 : 其實唔太食到Tiramisu味, 好在忌廉亦唔會膩, 泡芙質感也鬆軟 



- 洋蔥圈 : 我爆痱滋好痛丫, 起初唔想食, 不過一試實在香脆清甜美味, 好正的 
- 香脆魷魚圈 : 又係幾香脆好味, 引C人啦.....
- 香脆雞翼配特色香料 : 香口得來相當juicy, 令到老公同玉仔都大讚~~~~ 



至於兩款自選pizza, 由老公同玉仔拍板點了Wildifre special的意式水牛芝士薄餅 (散點$138), 用了靚水牛芝士關係, 簡單加上蕃茄醬已經頗完美, 再加少少basil點綴襯托, 好好味呢  

另一款亦是Wildfire Special, 燒炸風味薄餅 (散點價$148) 用上雜肉腸、辣肉腸、煙肉、火腿, 配以甜椒、洋蔥及芝士的燒烤醬pizza, 明顯口味重肉, 所以叫BBQ Meat Lover, 我鍾意前一款多D


二人High tea會包二人飲杯, 買一送一後就是四杯飲品, 我與老公分別點了凍檸茶少冰同凍咖啡, 成品大大杯上檯, 可以有排慢慢飲~~ 成個set其實好飽, 而加一後埋單都係$238 for 4, 真係超抵呢!! 


 題外話 / 戲玉 : 為食豬已經share了唔少野食, 但來到凍檸茶時間仍然唔肯放過檸檬, 又來表演啦~~~ 


天哪..... 都唔好食o既!!?!? 



不過都係不斷食, 唔肯放手!!! 依個咩BB黎架??? 



Sorry由於媽媽就坐Matthew旁邊, 今餐影得唔多相, 所以加送埋早前爸B帶Matthew游水的泳照~~ Matthew仔真係好叻, 著住浮水衣再加上手袖水泡後, 基本上都係自己游架啦! 



其實Matthew游水不嬲唔太鍾意爸B扶到實, 有得自己一個去玩不知幾開心!!!
 

High到呢~~~~~~~
 



而且依個BB非常之大膽, 就算飲到水都唔會驚唔會喊.... 有時都頂佢唔順呢~~ 
 

自己試背泳姿勢, 都有板有眼架~~~~ 


 

玩踢水超high超happy!!!


 
 

好啦, 扶住池邊休息下啦~~~~



繼續練習Matthew狗仔式~~~~~ 

 
  

Matthew仔 :「hehe, 係咪表現得好好呢? 我都要俾個叻自己丫~~~~~」 



遲D妹妹出世後, 爸爸媽媽未必咁多時間帶+陪Matthew到處去玩... 所以要好好珍惜餘下時光呀 

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~    

輕鬆親子假期 @帝京酒店:Lion Rock 半自助午餐 + 家庭房體驗

爸爸開始放假,甜魔家也開始了超多場小渡假;首先分享由  2月派對  上幸運抽獎得來的  Lion Rock  半自助午餐 + 家庭房住宿體驗,沒壓力之下去食去玩,真的份外輕鬆愉快;而且酒店與超好行的 MOKO 商場接鄰,兩母女忍不住一起大敗家呢! 上週六Chloe完成跆拳道考試後(對,妹妹已經升級藍帶!),一家人先到酒店三樓的 Lion Rock 獅子樓  嘆一頓開揚美景下的半自助午餐,價錢$148起已包括自助前菜、新鮮沙律、湯品、甜品糖水及新鮮水果,匯豐卡還有8折優惠,相當抵食~