跳至主要內容

再訪Jamie + 開心乳豬Party (Yahoo copy版)

放產假的日子真係好爽呀!  每日可以訓到晏一晨先起身, 夜晚出街又唔怕夜, 好似上週日 (8/25) 遠赴沙田圍再探Jamie, 玩到夜一夜都無第2日要返工的心理壓力呀  

 

雖然屋主一早講明會有驚喜, 不過大家一直諗住都係蛋糕啫, 估唔到係乳豬!! 仲要好大隻!! 



隻豬唔止係補祝媽媽同另一位友人生日 (唉, 又老一年, 其實我唔想慶呀....), 仲係預慶妹妹的出世, 以及預祝一位靚女友人榮升新娘子! 不過佢的婚禮媽媽一定出席唔到啦! 


人少影相始終比較寡, 都係人齊影相比較開心, 麻煩哂揸機的爸爸啦~~~ 



黑白相效果都唔錯喎, 仲影到媽媽同Matthew仔的互動添~~~~ 



媽媽同Matthew一人一支叉~~~~~ 



依張set了timer自拍, 終於有埋爸B (個樣好喪呀!! ), 同埋輪到Matthew同Jamie有互動呢~~~


最後依張就係最最最開心, 大家都真情流露, 包括騎左哥哥頭頭的hyper Matthew仔!! 



其實, Jamie真係好肥美呢....  


一見到肥美的BB, 媽媽就會牙痕.............   

 
唔知以後妹妹Chloe會唔會都步佢後塵~~~ 
 
 

是晚Jamie的造型係細菌小妹, Matthew就化身麵包小子, 一齊來張合照啦~~~ 



雖然上鏡時Jamie會cool D, 但其實佢絕對同Matthew一樣, 係隻八卦活躍B! 



Matthew由細到大都好鍾意好鍾意Yoko姨姨, 是晚又黎big kiss~~~ 



當然媽媽心中仍然係自己的寶貝最寶貝啦~~~ 





情深kiss kiss again~~~~ 


o係我地斬食乳豬前, 梗係要先餵飽Matthew! 衰豬仔見到人地新high chair, 坐得好開心喎~~~
 


BB就係咁貪新鮮, 結果Matthew好難得地坐左o係度自己玩 (依一刻覺得佢又BB返), 媽媽可以慢慢嘆乳豬 (仲有樓下大排檔的惹味小炒, 好正, 不過冇影相了), 非常開心又飽足!   


特別嗚謝Yoko的大批超靚B女衫, Chloe的衣櫃又有大批進賬啦~~~~ 
 
最後, 放產假的日子, 每日都會獎自己食件美味甜(禁) 品, 是日輪到HD雪糕批!! 
 

所以心情都幾矛盾架, 一方面勁enjoy輕鬆的日子, 但另一方面都期待妹妹的出世呢 
 
** 來到39週, 媽媽真係隨時作動入院生得!! 由於Yahoo Blog係預先寫定set時間出街的, 未必咁快update到, 如想緊貼情況, 請likeMatthew and Chloe fanpage, 以得到最新通知

** 真係估唔到Y! Blog要執.... 可能會改去 --> http://gourmetyan.blogspot.hk/, 但一日未肯定前, 同時最好大家Like定Matthew and Chloe, 以保持聯絡呀! 

留言

  1. 見到Matthew仔錫EE好有醋意呀

    回覆刪除
    回覆
    1. 多謝車媽媽上來留言呀, 會唔會搬黎一齊做鄰居??
      唔駛呷醋, 遲d生完妹妹妳黎探我地, 到時Matthew仔再鍚哂妳~~~

      刪除
  2. 好期待Matthew仔嘅香吻呀,我哋巳經係鄰居不過我唔識點連結我個新blog不過我喺fb分享咗新blog妳可以去睇吓吖

    回覆刪除
    回覆
    1. 睇到丫, 不過暫時未咁有精神仔細睇+留言, 但今日先圈左妳+加了入友好網誌, 日後慢慢再追返!! ;)

      刪除
  3. 回覆
    1. 收到收到, 日後多多關注交流! btw, 妹妹Chloe出世喇~~~~

      刪除
    2. 噢,平安就好! ^^

      刪除
    3. 今次好快好順利, 上奶餵奶都超順, 唯一就係爆了幾粒超級大痔瘡, 超級無敵痛!!!

      刪除
    4. 痔瘡?你屋企有無其他人有痔瘡?

      刪除
    5. 係咪上一胎果陣已經有痔瘡?

      刪除
    6. 我媽曾經有過一次, 係呀, 上胎已經有爆, 都幾嚴重下, 不過今次更加恐怖.... 應該係我開得太快 (上胎3度到生用了1.5小時, 今胎5點入產房, 5:50am出世.. 第2產程只10分鐘!), 用力太太太猛!!!

      刪除
    7. 痔瘡有遺傳性,另外就係飲食習慣,高脂低纖要快D改啦!

      刪除
    8. 其實我每日食超多纖維喎 (至少3份水果+2份菜, 仲要連莖), 都唔算好高脂, 但問題似乎係用力方面... 今胎我生之前因為難去廁所成日用力谷, 之前都爆左一次細型的, 唉~~~

      btw, 坐月期間我多數飲媽媽奶粉取代牛奶同乳酪, 有無意見?

      刪除
  4. 報到:D
    未習慣, 暫時睇住衰yahoo先 :)

    回覆刪除
    回覆
    1. 不過我的稿都係積到今晚咋, 之後要黎blogspot睇住先了..... > <

      刪除
  5. mattew媽媽~我都搬咗過嚟,不過我唔識add你! π_π

    回覆刪除
    回覆
    1. 人奶有幾多抵抗力都要視乎個奶媽食得有無營養囉 :P

      刪除
    2. to 妹豬媽: 唉, 我都好唔習慣blogspot的運作....

      to 匿名: 妳係海棠? 其實我o係屋企時食野好有營養架~

      刪除
    3. anyway, 妹豬媽, 我add左妳落友好網誌, 暫時應該唔會甩contact了~

      刪除
    4. 哈哈,我唔可以講有關營養話題,一出聲就俾人估到!><

      海棠
      (成日唔記得自報家門)

      刪除
    5. 海棠: 其實妳的口吻好易認呢, hehe

      刪除

發佈留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~