跳至主要內容

媽媽半天假 @ 荃灣廣場 (Yahoo copy版)

見到放暑假的爸爸同Matthew玩得咁開心, 媽媽有少少妒忌呀, 決定先收起嘉道理農場的靚相!  好在繼週二的超聲波, 星期五又係健康院產檢的日子, 又有半日時間陪下Matthew了~~~
 
反正屋企近健康院, 通常我都約最早的時段去檢查, 完事只係10點幾!! 早幾日在Italian Tomato試食月餅時, 發覺荃灣廣場依家好好行, 當日決定帶Matthew去逛下, 出發時有人已快訓啦.... 
 


咁都好, 咁爸媽可以趁早未有人龍時, 去試下一田超市內的超人氣睦美屋拉麵啦!! 
 


抵達之時只係11點幾, 店內好少人, 同晚市時大排長龍的情景相差好遠!! 所以好爽!!
 


依度係主打媽媽愛吃的味噌拉麵, 真開心, 未食先有好感!  由於媽媽仲想一次過試埋隔離的白熊咖哩, 所以忍口的只點了一份酒粕濃厚味噌拉麵 ($62), 並+$12加了叉燒、紫菜及半熟蛋~~

 
店方以香炒的高菜及洋蔥, 配搭使用日本清酒酒粕**調配的特製濃厚味噌湯底, 口味好香濃吸引; 而且我鍾意麵身有一定粗度, 又好掛湯, 麵與湯的配搭好正呢!  蛋都好味, 可叉燒就肥了些少~~ 
** 上網查了一查, 酒粕是釀造過程之中, 所濾掉的那些渣渣, 不含酒精可以適合孕媽媽食用啦~~


雖然要收加一, 但埋單$81比起早前Ramen Champion的拉麵更有水準, 如果唔駛排隊都抵食架!
 
Matthew可能聞到拉麵香, 小睡半小時就醒了... 但拉麵好味精唔o岩BB, 我地過隔離食白熊咖哩了 
 


相比睦美屋拉麵白熊咖哩會好坐好多, 仲有BB high chair, 食物選擇都較適合小朋友~~~ 


而且依邊環境都可愛又舒適好多~~  媽媽襯Matthew好好奇四圍摸的同時, 快快手餵左粥仔先!  

 然後, 先敢點自己的正餐咋! 來白熊咖哩當然要吃咖哩, 不過這份豚肉咖哩滑蛋豬扒飯 (午餐價$58) 得好少咖哩汁, 而豬扒香脆度只一般, 滑蛋唔算好滑, 珍珠米飯都麻麻, 水準好一般喎....
 


雖然係咁, 食飽哂粥仔的Matthew仍然好想分享埋一份, 就俾D滑蛋佢啦~~~

 

午餐包一杯飲品, 老公要了香桃乳酪冰 (+$10), 係合唔到咁酸甜又清新, 堅得的!! 



午餐加$18可換一杯北海道原味軟雪糕 (原價$21), 都唔錯喎, 成品幾有奶香, 質感又夠挺身唔會水汪汪, 當然又未及Sweets House Cha Cha咁濃厚~~~



反而散點的綠茶園Green Tea Garden ($36) 就好失望啦... 因為綠茶雪糕太唔夠甘濃, 配料的紅豆同糯米糍 (mochi) 亦有欠誠意, 一pat pat的殊不吸引, 我地覺得好唔抵食丫 



雖然如此, Matthew仔仲係食得好開心~~~~



因為係自己動手去「筆」, 所以特別投入同開心~~~~ 


  
  

正式來講, 依個唔係yummy face, 而係滿足又得戚的笑容!!  


又睇下爸B的大機相~~~~




 
仲有一段video, 片中naughty豬趁媽媽唔覺就係咁用手指玩水, 但當媽媽一望過黎, 就扮哂正經飲水, 真係超級鬼馬呀!! 
 
*** 又係太多相出唔到video, 麻煩大家自行click去 --- http://www.youtube.com/watch?v=tfgIkr-zzYQ ***
   
 
食完依2餐, 時間已經12:30pm啦, 離媽媽返工時間仲有一小時, 要好好把握~~
 

 
一齊去逛下一田先~~ 真係幾好行的, 不過是日趕時間買唔到戰利品, 下次再黎過!!



出去睇珍寶B duck~~~~


  

又去著名的糧友パソ工房買麵包~~~



買了三款麵包, 其中一個成了Matthew當天的下午茶~~~~



去睇睇5/F的室內收費遊樂場, 其實地方比較細, $80/日 (星期一至五) 有點點貴呢.....



其實室外的遊樂場都好吸引, 不過就堅係曬, 我地都唔敢咁早俾Matthew去玩, 等到2點幾才出去... 當然個時媽媽已經要返工啦, 餘下照片全是出自爸爸的大機作品!! 



好唔客易等到出去返的時間, Matthew仔開心到呢~~~~  
 
「但依日真係好曬, 同前一日我去嘉道理農場有得揮!! 加上連日上午去有游水, 大家覺唔覺我黑左?」
 


好動BB試玩鞦韆~~~



由於爸爸要影相, 冇手幫佢, Matthew仔要on his own~~~



其實佢的姿態已經好有板有眼喇..... 不過始終仲細, 未掌握道力, 唔係好「蕩」得起添!







不過媽媽睇相時, 已經覺得BB好了不起!! 自己hold得咁實!! 可知Matthew仲未滿22個月架 



又好開心四圍跑了~~~~~



一見到letters就會唱ABC song~~~~ 





試坐飛機~~~~



嘩, 想越級挑戰繩索添呀~~~ 要大D先喎!!





唔服氣始終要努力試努力爬..... 真係頂依隻好動豬唔順呀~~~~ 



更多開心片段~~~~





唔係化, 依個都想挑戰?? Matthew仔真係當正自己係Incredibles呀!! 





乜都玩一餐~~~~





其實當日真係好熱, 玩了廿分鐘好動已經臉仔紅哂又成頭汗, 所以爸爸好果斷咁帶佢走!


 
事實上, 返到商場食埋包包, 累極的好動豬一連訓了3個多小時, 差不多等媽媽收工返到屋企才醒!! 傻豬Matthew, 之後又係星期六日啦, 爸媽一齊再陪好動豬到處玩啦!  

留言

此網誌的熱門文章

聖誕必吃!香港文華東方酒店 ღ 上海灘 × 文華東方節慶下午茶

最近吃了不少下午茶,但最出色的一定要數文華東方酒店期限推出的【上海灘 × 文華東方節慶下午茶】,無論氣氛、賣相還是味道都是一等一的好,非常推介給愛吃下午茶的朋友!     除了 Café Causette 或快船廊,一如之前數次與  Timothy Oulton  的合作,下午茶也在酒店大堂供應,而大堂也擺放著美美的下午茶攤位,上面綴以嬌美的紅玫瑰;另一邊則是閃爍的聖誕樹,配上古典雅致的環境,氣氛好極了!

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~