跳至主要內容

產假前幾餐飯 (Yahoo copy版)

繼續補記上星期的食記, 放假在即, 媽媽當然有唔少飯要食啦, 加埋生日飯真係飽到肥到呢... 
 

跟次序首先係8/19 (一) 陽光路上三小花 (加埋妹妹係四小花, 哈哈) 的午餐@ 意粉屋~~ 


加$9轉飲的龍蝦帶子湯一般啦, 不過同上的蒜茸包好香口美味, 正喎~~~~ 



玉仔的白湯亦無特別, 其實下次我想試下有螺絲粉在內的菜湯!!



西班牙特色醬香煎魚柳意大利粉 ($69), 其實同茄醬意粉無分別, 不過件魚都幾嫩呢~~



精選二人午餐的星級醬燒豬肋骨伴田園烤蕃茄凱撒沙律, 個沙律幾好架, 不過豬仔骨燒得乾左D



反而個烤雞墨西哥辣肉腸闊條麵好正, 一來辣肉腸夠惹味, 二來甜酸醬又開胃, 正!! 



點了一件木糠蛋糕一齊分享, 其實味道唔差, 但過瑪莉餅乾碎唔夠多, 同埋有芝士餅底好搞笑!



就快冇得飲, 把握最後的機會飲奶茶先~~  不過成品太奶喇, 茶香唔多夠!

Anyway, 多謝哂大家, 十分期待三小花變四小花的日子呢~~~~ 



特別希望妹妹Chloe可以好似姐姐咁靚靚, hehe~~~~ 


 星期三又來CEY lunch @ Euro go go~~~  多謝CE幫手等位, 又排隊俾錢呀!!
 

先來每位餐湯 (惠顧主食加$6就可以轉餐), Euro go go的白湯其實唔差的



又食蒜茸包, 都幾脆身唔差, 意粉屋會香少少~~~



散點的蜜糖雞翼 ($36), 燒得好靚呀, 最後全部KO哂~~~ 



全芝士蕃茄pizza ($51), 轉埋餐都係$51, 非常抵食, 而且味道唔差, 我地每人2件又KO埋!



菠菜汁龍脷柳意粉 ($54轉餐), 魚柳又大件又多, 意粉又焗得幾香口美味, 但我其實預期菠菜多D, 依家咁的組合食落有D漏同埋好飽呀, 最後真係完成唔哂呀~~~~



仲有香草汁海鮮意粉 ($54餐), 依份剩得更加緊要, 一來味道比較似, 二來多cream下好漏呀!!


不過最飽肚的原兇要數依杯加$10轉飲的Iced Chocolate with Whipped Cream, 我已經盡量少撈cream, 不過都係好飽呀... 始終最後孕期真係細食左 (所以自己其實重慢, 但妹妹....
Anyway, 依杯野真係幾好飲, 加了cream尤其香滑, 又係個句 --- 產前滿足到心願真開心呀! 
 


禮拜四最後的working day, 又同一班同事去了和民食lunch, 今次係每人選點自己的午餐, 我覺得佢加$5飲的熱情果香芒茶超得呢!! 在此大力推介一下~~~ 



有三位同事都點了池魚燒定食 ($53), 都幾吸引喎, 大大份又香噴噴, 成品非常吸引, 不過用手機影始終冇相機咁靚~~~


諗到之後坐月有排無得食生冷野, 我點了刺身盛岡冷麵 ($58), 原來都唔錯喎, 除了牡丹蝦質素可以再新鮮D (但我都照食了又無事), 其餘帶子同三文魚都唔錯, 冷麵更加彈牙又好味!! 


我份冷麵餐仲附上兩件裝的串燒味噌飯糰, 微焦脆口又香口滋味, 好食呢~~ 



講起來, 早前6月尾在同深圳同事的last lunch都係和民食~~ 唔係講笑, 深圳店仲多人過香港架! 


食物同飲品質素同香港店幾乎無分別, 不過價錢 (考慮埋匯率後) 其實都係!!! 





之不過, 依兩次到訪 (仲有好幾次自己出去lunch) 都係食唔到叫好叫座的IN吐司盒子..... 應該係餐廳中午唔想做囉! 搞到心思思想o係產假的日子, 搵個下午茶時段去品嚐~~~
 
  
       
希望有了上次經歷, 今胎餵奶會順好多 (千祈唔要再塞再盛!!!), 咁生完妹妹再捱過坐月階段, 就可以回復正常社交, 同埋飲飲食食!  祝我一切順利呀~~~~
 
** 隨著產假開始 + 妹妹落緊盆骨媽媽隨時作動入院生得想緊貼情況, likeMatthew and Chloepage!

留言

此網誌的熱門文章

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

2023 Road Trip to Beautiful BC ♥ 美麗卑詩省自駕遊 ♥ Day 1-3 : From Winnipeg to BC

終於完成工程浩大的  遊記 summary ,緊接著也高速分享 Day 1 - 3 的詳細遊記,反正這三天主要是由 MB 省的 Winnipeg,連跨兩省開車至 BC 省的 Abbotsford,除了中間在 AB 省的 Calgary 有小段時間 shopping、與友人相聚、遊水放鬆,其餘時間基本上都在開車中渡過~~~ 首先在 Summary 分享過,為了減少請假日數,9月20日星期三 Day 1 這天,一家人是等兩兄妹放了學,回家置放好書包才開始出發去6小時車程外的 Regina。下午 4:30pm 出發的我們,在3小時車程遠的 Brandon 小休+買了A&W 晚餐後,就一口氣開車至 Regina;由於接近冬季日落時分越來越早,當抵達 SK 省後很快就天黑了,最後一小時是「天黑黑」的情況下開車,壓力山大呢... 😥