跳至主要內容

生日午餐 @ 魚吧 Fish Bar and Grill (Yahoo copy版)

8/24的一家四口生日午餐, 千揀萬揀, 最後去了JW Marriot魚吧食, 因為貪佢夠baby-friendly! 
  
  

當日去到JW Marriot的七樓, 先知道魚吧同酒店泳池係同一層, 竟同前日Scala一樣情況呢! 



間餐廳係咁樣對住用餐的, 對於食客來講, 無疑更添輕鬆休閒氣氛, 有少少似去了外國渡假添!! 不過對於Matthew, 會另一個問題..... 
 


無論如何, 的確餐廳的setting係幾適合BB / 小朋友的, Matthew初抵埗時都好開心~~ 





除了colorful的BB餐具好吸引佢, 餐檯上的魚形磁鐵又係玩左好耐好耐! 



之不過睇開媽媽blog的知, Matthew仔有幾鍾意游水啦!! 外面的泳池對佢實在係非常吸引呢~~  

已經將佢背對泳池架啦, 不過Matthew實在太醒, 好快就aware身後有人游水, 於是又開始扭... 
 


Matthew不斷講「游水, 游水.....」 來代表佢要出黎, 同班哥哥、叔叔一齊暢泳的心願!! 


好在包包的來到令佢安頓了3分鐘..... (講起黎依份包夠香脆幾好食, 後來點醬KO哂! 




餐廳不設冷氣, 對大肚媽媽同大汗老公來講都幾熱, 所以兩口子分別點了杯凍飲來cool down下~~  (另外HSBC白金卡生日優惠會送支酒, 不過日光日白酒鬼老公都飲唔得咁多, 打包走了)



老公點了Cocktail類的Pineapple Mint ($95), 成品既有菠蘿清新酸甜, 又有薄荷的冰爽, 正喎!! 

 

心大心細一輪, 我揀了Strawberry and Banana Smoothie ($80), 因為Matthew都o岩飲!



成品味道較淡, 幾天然, 凍凍地但完全冇冰感, 攤了一陣後BB都勁飲!! 



老公係海鮮迷 + 蠔迷, 依度的海鮮專櫃選擇吸引C佢啦~~~~ 



以五星酒店計, 生蠔的定價都算合理丫~~~


 
所以佢亦唔客氣點了三隻生蠔作為開胃頭盤, 當中支迷你Tabasco非常過癮呢!!



Coffin Bay ($38/隻), 超級靚仔, 不過冇試冇comment



Cloudy Bay ($38/隻), 同上, 但兩款蠔睇樣都好新鮮, 老公亦食得滿意~~~ 
 
繼續澳洲風味唔好俾佢停! 之後又有Australian Kinkawooka Mussel ($220), 成品非常之大兜, 仲連上香脆可口的薯條, 超香超吸引呢~~~


 
澳洲青口非常鮮甜肉嫩, 以白酒、香蒜、青蔥及百里香等混起的醬汁滋味又豐富, 很能襯托青口鮮美~~  不過要彈是醬汁底其實過咸了, 初時搽法包覺得好正, 後來卻越食越咸, 受不了!     

我與老公都是蟹餅粉絲, 當然不會錯過Crab and Lobster Cake ($170), 不過由伴碟的車厘茄對照可知, 這蟹餅的份量實在豐富得很誇張, 每件均比我的手掌心大, 好飽好漏喎!! 
 

雖不及Oyster and Wine Bar / Ruth's Chris的出品足料鮮美, 味道都算不差, 配上自家製的tartar醬尤其滋味; 不過最大問題係食食下都係咸, 同埋漏, 結果我的一件只吃到七成, 就讓俾老公了!  

 
環境比較熱, 加上肚大好快又頂住, 蟹餅後食唔主菜落直接跳去甜品啦...... 是日甜品點了兩款, 首先係要求加上蠟燭的Chocolate Bomb ($80), 目的, 之唔係又係俾Matthew仔開心下囉!  

 
衰豬有了蠟燭, 完全唔肯show媽媽影合照, 全神貫注等位吹咋!! 
 
(不過其實一早起身, Matthew已經唱了生日歌又kiss了媽媽... 好乖好冧~~~

 
件Chocolate Bomb係預期之外的甘濃、香甜, 朱古力迷 / 甜魔必定大愛!!  媽媽自己都好鍾意, 不過當日食左咁多漏野後, 都覺得有點heavy呢~~~  
 
另一甜品係Signature Deep-fried Ice-Cream ($90), 炸雪糕聽落怪怪地, 但原來只係一層薄薄地的麵包脆槺, 並唔會好油, 中間是香滑雲尼拿雪糕, 底層還有大量雜莓及果醬, 幾酸甜清新的! 
    
 
HSBC白金卡有85折, 折後$83X, 有支酒可以拎走, 酒鬼老公覺得好抵!! 無獨有偶, 之後我地經過金鐘廊, 見到Bailey's舉辦緊活動, 仲見到幾位bloggers朋友, 包括可人兒項項, nice to see you! 
 
酒鬼老公又以現場優惠價$168, 入多支新口味Bailey's, 話等我坐月時有得慰勞自己喎, 頂佢唔順! 
 

 
其實我地係兜去IFC, 買出名的macarons呀! 因為夜晚仲有一場星級生日飯呢! 
 


順便在Pret買了Yogurt下午茶俾Matthew~~~ 為食豬真係食個不停呀! 
 

 
之後我地就搭船過尖沙咀了.... 下場聽日再記啦!! 
 
** 隨著產假開始 + 妹妹落緊盆骨媽媽隨時作動入院生得想緊貼情況, likeMatthew and Chloepage!

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~