跳至主要內容

Chicco bye-bye喇!! 我要改投Bebe Dream的懷抱~~~~

話說媽媽一家向來都係Chicco粉絲, 由BB車 (前後兩架)、揹帶、網床、奶煲、奶樽, 甚至係Matthew初生時期的奶咀、牙膠、lotion、洗衣液、柔順劑等, 都係Chicco出品~~ 今次陀妹妹, 本來都係去Chicco入貨的, 點知遇上超激氣事件, 令媽媽決心以後唔再幫襯佢! 
  

事件要追溯到5/8晚上, FHY遠赴太古的那霸試食 (見舊blog), 早到的媽媽在太古城的Chicco閒逛, 並買了奶粉隔 (唔係間間有, 海港城店就冇喇), 以及圖中的單個裝矽膠奶咀~ 買時我幾肯定有問店員係咪同下圖的孖裝乳膠奶咀一樣size, 店員答係架, 我先至俾錢, 但返到去個奶咀根本唔同size, 完全fit唔落屋企現有的奶樽! 在接著的weekend, 我馬上拎去海港城Chicco要求換貨, 但海港城店以佢地冇依款奶咀拒絕了...   之後惡夢開始啦, 因為接著再問荃灣、中環、i-square、旺角店, 全部都冇依款奶咀, 原因佢係舊款, 只於太古店出售, 店方堅持我要換一定要去太古店!! 問題係我身住元朗, 好日唔出太古, 仲要身懷六甲, 點會特登為了$22奶咀去太古?   
老公覺得我俾人蝦, 卒之在7/1挺身而出, 同班店員嘈了一大輪, 尖沙咀Chicco先破例俾我換... (其實佢地好唔情願, 因為話早已過七日換貨期~~~) 前後搞左差不多2個月!!   
 
 
依次激氣經歷, 與同期去Bebe Dream買野入貨, 簡直好似天堂與地獄的分別! 最初接觸依間嬰兒用品店時, 是在元朗千色廣場counter, 個時已覺佢產品線好齊好細緻, 可以cover到我o係Chicco買唔到的items, 如托腹帶、BB車掛勾、BB沖涼玩具、床蓆、BB車蓆等, 所以馬上join左會員 (買野有9折), 不過元朗店太細喇, 張卡主要都留俾老人家用, 自己幫襯唔算多, 直到近期遇上依間海港城專門店! 
 
我承認我份人比較衰, 至鍾意去大舖一次過買舖勁 (所以最初先揀Chicco), 所以超like依間店呀!  

 
來到專門店更覺Bebe Dream發售的brands真係好多, 包括Bfree Plus、Combi、Cuddle Me、Emide、First Teeth、Foppapedretti、Funnababy、Gaia、lavera、Italbaby、Minimoto、PIP、Pak Cho Herb、Toyroyal、Lucky、Laessig、Carriwell、Tessel, 真係應有盡有! 
  
海港城店仲有埋法國牌子Enfant的consignment添, 可以揀埋優質夾衣+和尚袍俾妹妹~~ 
 
BB車、BB床、BB毛巾、睡袍等都一應俱全, 真係超方便掃貨呢~~~  精明的媽媽特別鍾意minimoto 的內衣、和尚袍同睡袍, 因為佢除了用料好靚、價錢又唔貴, 抵買又抵著架!
 
講開minimoto, 過去俾Matthew試了唔少毛巾, 最後發覺都係minimoto的竹纖維毛巾最最最好用!! 冇錯, 反而純棉都冇咁正冇咁好用, 因為棉質洗多幾洗就會變硬身, 反而竹纖維可以keep到好耐都好柔軟, 而且仲有防菌防臭功能添~~ 
 

 
Matthew仔買開粉藍色大浴巾, 妹妹就要一條粉紅色啦~~   


又揀了依款日本製的豆豆枕俾妹妹, 因為佢落機洗都OK, 實在超方便!!! 
 


當日又買多個size較大、間隔特多的媽媽袋, 以後要帶2隻B出街都可以一次過裝哂必需品嘛!
 

 
同埋我好鍾意佢設有媽咪專櫃, 除了BB野, 可以o係依度買哂自己需用的網褲、收腹帶、餵奶bra等....


特別今胎我生完打算修身, 見到Meadjohnson媽咪會有Carriwell 收腹帶$299優惠 (原價$438), 即決定入貨! 不過當日其實我忘了帶會員卡的, 不過服務良好的店員都照俾我用優惠價買, 彈性處理比起Chicco真係抵讚200倍呀!  結果我除了自己買, 仲幫另一個孕媽媽一次過買埋添~~  

 
另外, 早前blog友Mrs Wu問及的BB車蓆就係後面個D啦, 好好用架, 可以令BB夏天坐車冇咁熱, 我行街時好想買埋俾Hannah BB架 
     
 
最後, o係坊間成日見到餵奶枕賣得好貴, 依度就只係$299, 差不多平成半! 


   
其實佢的產品線多到不能盡數, 詳細可見: http://www.bebedream.com.hk/souce/
   
除了百貨公司專櫃同海港城店, Bebe dream o係銅鑼灣皇室堡、旺角新世紀廣場、荃灣愉景新城、將軍澳東港城、西環寶翠園西寶城都有分店, 都算好方便, 下次去逛下荃灣同旺角店先~~! 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~