跳至主要內容

雙B lunch @ Eastside Tavern (Yahoo blog版)


   
好多篇blog未寫呀... 今晚補記返8/11星期日, 當日一家幾口又連跑幾場, 上就返完教會, 就來到尖東會合Jo B及Jo媽, 一齊o係新開的Eastside Tavern食lunch傾計~~~~ 
 


餐廳同Salted PigPico一樣屬於Shore集團, 新開冇幾耐, style都係bar bar地, 不過環境唔錯~~ 
 

 
原目標的沙田la terrazza bar & grill早一週已滿座兼冇BB chair, 來之前特別問有BB chair先訂!
   

終於見到同Matthew一樣為食又好動Jo B啦, 可經過一場小病, BB清減左好多呢~~~



同埋, Matthew仔雖然細人地2個幾月, 但個頭仲大, 而且身高都差不多呢!! 



訂位時問過依度週一至日供應$98的set lunch, 不過來到當日正好仲係香港餐廳周, 而依度又有參加, 於是就好有緣地試了Restaurant Week的$158 set lunch x2, 全部一齊分享~~ 

首先係Lobster bisque, 麵包全落在兩隻為食B肚中, 湯的質感稍為起泡, 口感幾特別討好, 但飲落其實並沒多少龍蝦味, 反而更重是蕃茄味, 所以兩隻B又有份飲!!
 


另一款頭盤係Warm potato and tuna salad, lemon dressing, 份量幾足, 內容都算清新健康, 兩隻B又食了唔少, 媽媽仲用薯仔加上凍檸茶 (一早就點了兩杯俾BB玩) 的檸汁整古Matthew! 

相多關係, 麻煩要自行click到 http://www.youtube.com/watch?v=AMP-6h3fa5E 睇片! 





其實Matthew一早食飽粥仔, 為令自己可以食餐較為安樂的茶飯, 所以要求其中一份甜品先上, 分成兩半俾Jo B同Matthew食~~ 有得率先品嚐甜品的為食雙B, 非常開心, 有相為證! 

 

Matthew仔更加邊食邊撈電視汁, 非常enjoy, 爸爸仲拍了片添, 不過又係要自己click去睇 --- http://www.youtube.com/watch?v=nOrBkcG0coo 





來到主菜, Pan-seared blue cod fillet with truffled and mashed peas, tomato coulis 的魚柳其實頗乾又無味, 完全要靠面層的蕃茄濃醬來釣味; 不過好在墊底薯蓉既香又滑, 超適合BB食用, 另外青豆亦是估不到的受雙B歡迎, 特別Matthew邊食邊數one two three four five, 寓學習於飲食!   

另一主菜是Roasted lamb roll with potatoes and broccoli, rosemary jus, 肉質都係偏乾, 但勝在份量唔少, 三個大人分都夠食 (仲要留肚俾夜晚大餐呢!), 而同上的薯仔都唔錯~~~



午餐仲包Orange cheesecake with vanilla ice cream及咖啡或茶, 餐飲我地一早點了, 甜品的cheesecake就分兩輪上檯, 首件cheesecake被雙B均分食哂, 不過第2件佢地都食了唔少!



因為Jo B同Matthew都係為食而且識食的BB, 的確依件cheesecake我覺得算係整餐中最好味的一樣, 因為夠香滑且有鬆化餅底, 加埋雪糕更加吸引! 



食飽飽的雙B非常hyper開心, 引起餐廳經理留意不但止, 仲送了個mini rugby俾Jo B, 真係好~~ 
好動Matthew仲表演埋突然肉緊, 頂佢唔順啦!! http://www.youtube.com/watch?v=4pwU-EBCpgI 





都係時間俾佢地放電啦, 就抖了新收的mini rugby, 一齊出到尖東公園玩下波先~~~



在爸B機下的Jo B, 其實我覺得Jo B好似Matthew同爸B細時的mixture呢!! 



俾爸爸的大機捕捉到Jo B古惑的一面~~~~ 



一齊玩最開心~~~~



可能覺得Jo B似自己/爸B啦, Matthew都幾鍾意哥哥架, 突然起了一陣衝動想錫人添!! 







Jo B「唔好住, 你去完泰國變左性再黎搵我啦~~~~」 



心急想飛奔到泰國的Matthew!!!! 




唔太識路添.... 都係繼續玩波~~~~ 







兩隻好動的互動~~~~



媽媽都上一上鏡, show一show巨肚先~~~ 



俾Matthew仔搵到一頂big hat, 又一齊上去玩~~~ 好搞笑係依張合照俾婆婆見到, 佢竟然誤會依張係合成相, 相中兩個BB都係Matthew呢!  的確佢地又有相似的一面o既!





Jo B「不如又玩波丫???」
 


Matthew「好, 我拋!!!」



拋個波啫, 駛唔駛咁hyper??? 



唔係喎, 原來Matthew仔落左陰力, 個波識得轉返轉頭, 真係估佢唔到呀 



為了好動貪玩的性格, 其實燦爛的笑容都係雙B好相似的地方呢!! 



時間差不多啦, 影埋最後的合照啦~~~~



兩位blog媽 + 雙B (sorry, 忘記了妹妹, 其實係3B先o岩) 的合照, 十分期待下次再聚再玩!!

其實仲有好多靚相可去Jo媽的blog度睇呢 : http://blog.yahoo.com/joseph0707/articles/1297320


之後一家四口更會遠赴淺水灣+赤柱, 好動豬又有排玩+食啦!! 聽日再記~~~~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~