跳至主要內容

Lucques Tavern ~ 值得推介的親子新食店 (Yahoo copy版)

帶著BB出街食飯, 選擇必須有所遷就; 上週三臨急約了個8大2小的飯局, 早一晚大家都R爆了頭, 好在記得CEO介紹過海港城一間新餐廳, 結果真的沒有失望!! 
 
 
介紹餐廳以先, 先容媽媽貼2張Matthew成功氹到Godiva店員送贈朱古力後, 那既得戚又充滿成功感的趣怪滿足樣!!  (對, 依個唔係yummy face, 因為仲未開始食架)  


加上早前食Godiva軟雪糕的video (看片按此), Matthew真係可以勝任代言人呢! 



時間差不多, 當晚開飯的地點就係海港城LCX三樓, 前身Dan Ryan's的Lucques Tavern!!


同DR一樣, 餐廳都係分為Bar同餐廳兩部份, 但新店的環境較為fine-dining, 而且可能未係好多人知道, 食客唔多比較靜局, 大家坐+食得比較舒服~~~ 



除了環境良好, 依度服務都唔錯, 如我來到會送上cusion, 又主動送上熱水取代凍水, 夠細心~~~ 



而且佢同DR一樣好baby-friendly, 有提供Kid Menu (幾乎想點啦!! ), 兒童餐具同埋畫筆等~~~


抵埗先餵飽Matthew食粥仔, 然後就由好動豬自己玩啦~~ 係啦, 餐廳廁所又有換片位, 好方便 



差不多人齊, 好肚餓先開餐啦!! 依度的麵包碟除了牛油同鹽 (加上牛油會令麵包香好多!), 仲有杏仁同橄欖, 好特別好少見, 幾合我胃口呢~~ 後來意猶未盡, 添食了兩碟!



早到的友人選點了Lucques Sangria ($85), 睇落唔錯, 後來其他友人都加點一杯, 不過冇我份啦..



又有同行友人點了Boddingtons ($72), 大家覺得依款啤酒的賣相係咪超似gas爐呢?? 



老公就點了一杯紅酒來襯紅肉主菜, 睇返單叫Ch Ls Bold Gls ($82), no idea....



又有兩位女士點了Virigin Colada ($45), 都有D吸引, 不過最後決定留quota飲湯~~



因為是晚好想飲洋蔥湯, 而這份Classic Baked French Onion Soup ($80) 都冇令我失望呢! 

因為個湯並唔係猛落鹽的死咸貨色, 反而芝士味同洋蔥味都好強, 香濃得來清甜美味~~  加上豐富一層浸泡得軟身的多士, 好好味呢, 連Matthew都愛將麵包點湯食~~  


點了一份Baby Spinach Salad with Seasonal Fresh Pears, Feta and Candied Walnuts ($118), 超鍾意爽嫩可口的BB菠菜, 加上甜梨同Feta芝士後甜凋交錯, 味道好豐富!  同上的合桃都脆口美味, 反而我覺得煙肉可以唔駛咁多, 多D菜食仲好呀~~  


繼Matthew仔後, 另一主角Jamie都黎啦!! 幾個月冇見, B女多左好多肉, 令人好牙痕呀~~ 


Matthew都好鍾意姨姨同妹妹架, 當晚玩得好開心!! 


 
人齊就上埋主菜, 先係The Lucques Burger ($138 x2), 大大個包鬆化、厚厚一層漢堡夠juicy又有肉味, 仲要加上清新火箭菜、蕃茄、芝士同煙肉, 好食呀!!  不過同上如換上粗薯會更正! 
 
Lucques Pork Chop ($278) 睇落普通, 切落肉質亦比較實身, 不過食落卻幾juicy又冇豬燥味, 唔錯呢!!  而且墊底的紅蘿蔔好o岩我胃口, 薯蓉同蘋果蓉更加香甜美味, Matthew都食了不少!


而且抵讚係成品真係好厚身好大份... 所以一份都足夠8個人share, 抵食呀! 



然後有Rotisserie Oven Chicken with Baked Macaroni & Cheddar Cheese ($198 x2), 果然係signature dish, 雞隻焗後仍然超滑且富肉汁, 香草味道突出, 點上檸檬汁同吃更覺清新美味! 
 

而且我超like它的配菜, 無論是爽脆嫩甜的BB椰菜, 抑或係香濃充滿芝味又有口感的macaroni, 都非常好味合意!!  後者連Matthew都食了唔少, 仲show埋yummy face添, 可惜影唔到! 


還有Club Steak (12oz) ($428), 成品做足5成熟的要求, 外層焦香、中間柔嫩多汁, 肉味也不俗, 以此價位及份量算是令人滿意了~~ 



吃得太多肉, 決定來份素菜menu的Roasted Butternut Squash ($125), 是由烤蕃茄、烤南瓜、烤薯仔加上芝士, 以及大量沙律菜組成, 滋味豐富得來很清新健康, 是個很好的綠葉呢! 


太飽關係, 來到甜品環節聽完侍應的介紹後, 忍痛捨棄了Lemon Tart, 只點了餘下四款咋 
 
首先是Apple Tart Tatin ($65), 成品超級巨大, 還加上一大球雲尼拿雪糕, 超開心! 雖然酥皮不算很清脆, 但勝在鬆化又充滿牛油香, 中層的蘋果蓉極度甜美, 再加上冰凍的雪糕同吃, 好滿足呢 



接著的The Snickers ($68) 也很精彩, 脆皮黑朱古力薄層下, 是甘濃又軟滑的朱古力慕絲, 加上甜美的鳥結脆糖及冰凍香甜的雲尼拿雪糕同吃, 甜蜜蜜又豐富交錯的滋味實在很妙!! 



Warm Sticky Toffee Cake ($68) 份量又是十分巨大, 而且賣相煞食之極, 但慢著.... 面層大大球的不是雪糕, 而是忌廉?? 那可有點膩了, 雖然拖肥蛋糕香甜鬆軟又潤澤, 但整個組合會較其他甜品失色~
 

 
這裡的甜品份量都很大, 以價位來計抵食非常, 反而是最貴的'Every Day is Sunday' Sundae ($85) 比預期中小巧, 不過組合十分豐富, 又點會著蠟燭上檯, 令人份外開心呢!! 



看, Matthew仔馬上又當自己生日了, 仲好開心唱起Happy Birthday添~~~ 

而事實上, Sundae中的brownie是超水準的甜香甘濃, 外脆內軟; 燒棉花糖又係超好食, 加上美味的三色雪糕 (當中超愛濃郁的朱古力味!!! ), 以及小巧薄身清脆的甜筒, 組合非常甜美迷人呢! 


新店暫不設任何信用卡優惠, 而這頓埋單$264X, 以飲埋野平均$330/位的價位, 所享用到的地段、環境、食物、服務均是滿意的~~ 會推介給有BB / 小朋友的多人聚會飯局! 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~