跳至主要內容

餵奶7個半月----歐遊前減產??

繼續分享FTM的生活點滴:之前都講過今胎特別多奶,餵奶去到7個半月,每天盈餘更高達廿多安,最近十分掙扎要不要減產了!!
  
說起來,甜魔媽媽十分期待轉做FTM的一個重要原因,是可以每日埋身不用泵奶。因為BB吸啜比用泵/用手快超多,而且過程乾淨、舒服又少手尾。不過,這個理想由於離職日期一拖再拖,來到4月不用返工時,Chloe妹妹已經滿了七個月,上午已經吃糊仔啦! 結果奶還是要靠自己去揸出來,所以生活沒有大改變,雖然現在的確不如初期那麼易谷,大概4小時以上才開始不舒服,5-6個小時才變石頭胸。
 
又其實Chloe妹妹半歲後,都沒有怎樣update她的成長情況,也趁今篇一起記吧:Chloe現時仍是一日6-7餐,分別是早上7點多、上午11點多、下午3點左右、傍晚6點半左右、夜晚9點左右,以及臨睡吸啜至睡著,而在清晨4-5點也會半睡半醒的啜睡 (媽媽躺餵)。由半歲開始,甜魔媽媽轉成半職,上午11點多那頓奶就變了糊仔,初時是人奶開純米糊,現在就吃果味的奶米糊;而在這兩個星期,夜晚9點那頓奶也提早至8點進食,內容也改為稀粥,這兩餐固體進食情況都良好,間中下午吃一點水果泥。 
在最初純人奶的五個半月內,其實妹妹的進食時間表都差不多,但早上一起身肯定吃不完媽媽胸內的奶,所以在純人奶階段,已經每朝有5-6安的盈餘;然後上午由於奶多 (泵奶有8~10安),一般吃完也有2-3安盈餘;之後因為太多奶,每隔兩餐埋身完也一定要清一清,通常都有2-3安,所以一天下來約莫多了11-14安奶,剛好給Matthew哥哥每日飲兩餐。但自Chloe轉吃固體後,奶的盈餘就更多了,連Matthew也飲不完了... 其實夜晚那次還好,因為6點半餵完奶,就算中間再餵了粥,最遲十點Chloe妹妹也會因眼訓要啜奶,相隔時間不長,不一定要揸出來 (但如出去tasting,就不得不清奶,相隔3小時約可揸出6安)。但上午通常特別谷,時間間隔也長 (早上7點半至下午3點,相距七個多小時!),就不得不清奶,而一揸也至少6安! 不過媽媽給自己限定最多盛滿一個奶樽,再多也不理了;但這樣下來,去到3點那次,其實吃完都有2-3安盈餘,如此下來,每天就多了廿多安奶,講真都幾誇張的。
    

由於奶多瘦身比較快 (夏天快到!! 今胎餵奶真的幫上很大的忙),反正多出來的奶暫時都有用處 ,就是給Matthew仔以及另外兩位人奶BB享用,除了出街麻煩些少 (如上午陪Matthew去Disney,每次都要去泵一轉奶...),甜魔媽媽暫時都覺得可以繼續下去。不過遲些去到暑期,要放下小兄妹去旅行 (行程已訂7/27出發,8/4才回來,地點是倫敦,二人行!!),那就是一個考人難關----到底減不減產好呢? 減的話,去旅行一定會輕鬆些,不用日間定時定候去揸奶;但其實去旅行後肯定會跌奶 (連續多天沒有BB吸啜疏通乳腺,長期泵/揸不清,奶量一定跌...),甜魔媽媽又擔心回來後奶量不保啦,始終媽媽今胎是想餵到Chloe妹妹滿2歲的,過程中有盈餘繼續供應給Matthew就更好!
 
在未有定案之前,甜魔媽媽應該不會刻意谷奶來減奶量,繼續定時定候清奶;但另一邊廂,對於一些收奶的食物,也可以沒太大的禁忌,如早前超美味的鵝肝國金炒飯,就吃了再算!! XD 其他的人奶媽,特別是有長途旅行經驗的,會怎樣看呢?
  
** 想收到兩小兄妹的最新消息,可以like一下Matthew and Chloe fanpage哦~~

留言

  1. 幾時去旅行呀?同埋D小朋友去?

    回覆刪除
    回覆
    1. blog中add返資料啦, 會7/27 - 8/4去, 就係唔帶小兄妹, 所以煩緊D奶

      刪除
  2. Sorry,真係唔懂!
    但就一定唔會提議妳三、四人行囉!XD

    回覆刪除
    回覆
    1. 絕對唔會啦!!! 話哂都係5週年的Anniversary trip~~~

      刪除
  3. 我想請教吓,如果想停人奶,除少慢慢減少泵奶之外,仲有無咩要做呢?
    我宜家兩三日都可以唔洗泵,但谷谷地... 心思思要泵吓。
    唔知點做。

    回覆刪除
    回覆
    1. 已經決定唔餵啦??
      其實都冇咩要做, 等佢越來越少就自然收就ok了~~
      收奶成個月後, 都可能有少量奶流出, 唔駛理佢, 幾個月左右 (有d媽媽要成年) 就會完全一滴都冇了!

      刪除
    2. 係呀。想盡快重整心情,不想再咁抑鬱。唔餵心奶,少了一半壓力。之前儲落一點貨。阿仔應可一日一餐人奶,食到六個月左右。

      刪除
    3. 咁都好o既, 始終媽媽的情緒都會影響BB的~~ 妳的情況, 都冇乜特別手尾要跟架啦, 好好enjoy自由身!! ^^

      刪除
  4. Yan要離開奶媽行列了, 實在辛苦一段不短時間, 終於可休息下, 好好enjoy旅程~~~

    回覆刪除
    回覆
    1. 未離開o既, 不過放假旅行時會變成泵媽啫

      刪除
  5. 二人行遊歐洲,羨慕呢! *v*
    餵奶嘛!去旅行照泵唔儲起得嗎?最多回港後儲番,儲唔切就餵少d啦! :p

    回覆刪除
    回覆
    1. 旅行d奶我應該一係飲, 一係倒啦, 煩係驚會跌太多, 又或者清唔到搞到塞啦

      刪除
  6. 真係好多人奶!
    原來埋身餵完,你仍要泵奶,怪不得可keep住奶量啦!
    想餵到妹妹兩歳,那旅行都要泵了,但起碼可以泵完唔要d奶,唔駛煩点處理d奶!
    祝旅途愉快!Sweet Sweet!

    回覆刪除
    回覆
    1. 清奶係多奶的關鍵嘛, 所以我一直都好勤力啦, 遲d寫更多分享清奶心得啦

      刪除
    2. 若旅行中塞奶,你揾Matthew爸爸幫手law!:P

      刪除
    3. 但爸爸啜同BB啜好唔一樣架, 所以都係驚驚地呢

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~