跳至主要內容

偏心的爸爸 (2) ~ 小兄妹與靚仔Turin

上週日,甜魔一家又去做了一樣甜魔媽媽十分喜歡,不過爸爸不太感興趣的事---去探訪比Chloe妹妹還小一週,只得個半月大的靚仔Turin!!


不過,這位靚仔比媽媽預期中更愛自殘,看!! 滿臉都是傷痕了..... 各位媽媽也不妨來分享一下,甜魔媽媽就覺得Matthew都愛自殘的,不過Chloe妹妹就明顯鍚臉多了,這到底是不是男與女的分別呢???


抵達之時,小小Turin仍在安睡,偏心的爸爸影了幾張Turin後 (之後還不肯執相... 媽媽要求下才求其執了兩張出來),又轉個頭去影Matthew了!!
 

爸爸也有影Chloe妹妹,不過影完又話妹妹沒特別表情,只執了這張喊樣出來,哎呀呀......


結果媽媽又忍不住,自己動手執多幾張相出來... 其實初生BB,就是那份「成日唔知想點」的神態最為可愛吸引啊!!

這個月妹妹開始食雞脾了~~

Chloe: 點解爸爸覺得我唔可愛? 哥哥反而好鍾意我呢~~~
真的,爸爸對妹妹的喜歡程度只是一般 (與初生Matthew相約,他真的很不喜歡NB呢!!),反而Matthew真的幾肉緊這個妹妹,除了每早起身都想抱抱及錫錫妹妹 (咀對咀的!!),在一眾BB中,他永遠最關注妹妹~~

Matthew: 妹妹,難得妳醒左呀?
Matthew: 咁不如我地談下情啦?
Chloe: 好丫! 不過咩叫談情呀??
Turin還是在睡,兩位媽媽又想傾一陣人奶經,結果爸爸就帶Matthew落樓下clubhouse玩,一睇好動豬的表情,就知道他發大達啦!! 而這批Matthew相,偏心爸爸當然又有心機去執相並tune色了,哼哼! 不過好動豬又真的十分活潑可愛,睇相啦~~~




超搞笑,唔知點解要咁縮起!!
超搞笑,唔知點解要咁縮起!! (2)



為迎合Halloween的特別效果圖!!!
Matthew玩夠再上來之際,靚仔Turin終於醒啦,快同Chloe妹妹,sorry,是姐姐才對啊,來一張合照吧!! 兩隻BB放在一起,Chloe顯得十分肥豬妹,Turin就非常之囧啊!!



很難得三B共聚一堂,偏偏偏心的爸爸影的不多,執的相更少... 算啦,又要媽媽出動;想講Turin真的很男仔樣,輪廓深深似足了爸爸,不過同時又有媽媽的大眼,將來應該幾靚仔的!


之後甜魔一家與其他大朋友,都移師到餐廳一起吃十月之星生日飯,不過飯局中過份high爆的Matthew又「車」了Chloe妹妹一腳.... 哎呀,詳情今晚的食記 (就是記錄當晚的晚餐) 再講吧~~


   
** 想收到兩小兄妹的最新消息,可以like一下Matthew and Chloe fanpage哦~~

留言

  1. Chloe:唔通愛嘅反面係要比哥哥車嘅,點解受傷總係我呢~~嗚嗚嗚

    回覆刪除
    回覆
    1. 唉, 冇計, 好動豬去到trouble 2的age, 特別難搞!!

      刪除
  2. matthew縮起膊頭笑個樣真係好得意~~ ^^

    回覆刪除
  3. Turin個樣真係好囧囧囧呢!! 
    呀龍係妹妹喊果下捕捉得好好呀,而後面MATTHEW個樣又好似知做壞事咁
    但妹妹E家點呀 ? 有腫起嗎 ?

    回覆刪除
    回覆
    1. Turin真係好搞笑, 好想又再探佢呢~~
      妹妹冇事啦, 初生bb的復元能力好強的!

      刪除
  4. 兩兄妹互望果張真係sweet爆, 妹妹你就原諒哥哥啦.

    回覆刪除
    回覆
    1. chloe係有氣度的淑女, 當然會原諒哥哥啦 ^___^

      刪除
  5. 兩兄妹對望超sweeet呀!! Matthew大個一定好錫妹妹

    回覆刪除
    回覆
    1. matthew依家已經成日鍚妹妹啦, 仲要咀對咀呢~~ XD

      刪除
  6. 睇相相覺得妹妹好鍾意望住哥哥,佢哋感情一定會好好呀!

    回覆刪除
    回覆
    1. 我都覺得好溫馨, 好期待睇住佢地一齊慢慢大呢~~

      刪除
  7. 係咪尼左泓景台呢?哥哥好得意呀,妹妹開始似你啦,good ah!

    回覆刪除
    回覆
    1. 好有眼光呀, 冇錯係泓景台!
      妹妹好多人都話似我, 唉, 點解唔係似徐子淇?.......

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~