上週日，甜魔一家又去做了一樣甜魔媽媽十分喜歡，不過爸爸不太感興趣的事---去探訪比Chloe妹妹還小一週，只得個半月大的靚仔Turin!!
不過，這位靚仔比媽媽預期中更愛自殘，看!! 滿臉都是傷痕了..... 各位媽媽也不妨來分享一下，甜魔媽媽就覺得Matthew都愛自殘的，不過Chloe妹妹就明顯鍚臉多了，這到底是不是男與女的分別呢???
抵達之時，小小Turin仍在安睡，偏心的爸爸影了幾張Turin後 (之後還不肯執相... 媽媽要求下才求其執了兩張出來)，又轉個頭去影Matthew了!!
爸爸也有影Chloe妹妹，不過影完又話妹妹沒特別表情，只執了這張喊樣出來，哎呀呀......
結果媽媽又忍不住，自己動手執多幾張相出來... 其實初生BB，就是那份「成日唔知想點」的神態最為可愛吸引啊!!
 |
| 這個月妹妹開始食雞脾了~~ |
 |
| Chloe: 點解爸爸覺得我唔可愛? 哥哥反而好鍾意我呢~~~ |
真的，爸爸對妹妹的喜歡程度只是一般 (與初生Matthew相約，他真的很不喜歡NB呢!!)，反而Matthew真的幾肉緊這個妹妹，除了每早起身都想抱抱及錫錫妹妹 (咀對咀的!!)，在一眾BB中，他永遠最關注妹妹~~
 |
| Matthew: 妹妹，難得妳醒左呀? |
 |
Matthew: 咁不如我地談下情啦?
Chloe: 好丫! 不過咩叫談情呀?? |
Turin還是在睡，兩位媽媽又想傾一陣人奶經，結果爸爸就帶Matthew落樓下clubhouse玩，一睇好動豬的表情，就知道他發大達啦!! 而這批Matthew相，偏心爸爸當然又有心機去執相並tune色了，哼哼! 不過好動豬又真的十分活潑可愛，睇相啦~~~
 |
| 超搞笑，唔知點解要咁縮起!! |
 |
| 超搞笑，唔知點解要咁縮起!! (2) |
 |
| 為迎合Halloween的特別效果圖!!! |
Matthew玩夠再上來之際，靚仔Turin終於醒啦，快同Chloe妹妹，sorry，是姐姐才對啊，來一張合照吧!! 兩隻BB放在一起，Chloe顯得十分肥豬妹，Turin就非常之囧啊!!
很難得三B共聚一堂，偏偏偏心的爸爸影的不多，執的相更少... 算啦，又要媽媽出動；想講Turin真的很男仔樣，輪廓深深似足了爸爸，不過同時又有媽媽的大眼，將來應該幾靚仔的!
之後甜魔一家與其他大朋友，都移師到餐廳一起吃十月之星生日飯，不過飯局中過份high爆的Matthew又「車」了Chloe妹妹一腳.... 哎呀，詳情今晚的食記 (就是記錄當晚的晚餐) 再講吧~~
** 想收到兩小兄妹的最新消息，可以like一下
Matthew and Chloe fanpage哦~~
Chloe:唔通愛嘅反面係要比哥哥車嘅,點解受傷總係我呢~~嗚嗚嗚
回覆刪除唉, 冇計, 好動豬去到trouble 2的age, 特別難搞!!
刪除matthew縮起膊頭笑個樣真係好得意~~ ^^
回覆刪除古靈精怪就係matthew呀! ;)
刪除Turin個樣真係好囧囧囧呢！！
回覆刪除呀龍係妹妹喊果下捕捉得好好呀，而後面MATTHEW個樣又好似知做壞事咁
但妹妹E家點呀 ? 有腫起嗎 ?
Turin真係好搞笑, 好想又再探佢呢~~
刪除妹妹冇事啦, 初生bb的復元能力好強的!
兩兄妹互望果張真係sweet爆, 妹妹你就原諒哥哥啦.
回覆刪除chloe係有氣度的淑女, 當然會原諒哥哥啦 ^___^
刪除兩兄妹對望超sweeet呀！！ Matthew大個一定好錫妹妹
回覆刪除matthew依家已經成日鍚妹妹啦, 仲要咀對咀呢~~ XD
刪除睇相相覺得妹妹好鍾意望住哥哥，佢哋感情一定會好好呀!
回覆刪除我都覺得好溫馨, 好期待睇住佢地一齊慢慢大呢~~
刪除係咪尼左泓景台呢?哥哥好得意呀,妹妹開始似你啦,good ah!
回覆刪除好有眼光呀, 冇錯係泓景台!
刪除妹妹好多人都話似我, 唉, 點解唔係似徐子淇?.......